Hpiˊliˊpiˊ 3:16 - Plang (Blang)

¹⁶ Kah yawo eˊ aˊyu imˊ kuingˊhpaw maeeˊ hotˊ kuˊ yeuh rot eˊ naˊ.

Hpiˊliˊpiˊ 3:16 Marejeleo ya Msalaba

Roˊma 12:16

Yeuh hpumˊ ri meuh ti meulˊ utˊ tiduihˊ reuˊ. Pawlaee va ri kueˊ hpumˊ lhungˊ hpumˊ keuting naˊ, daecti yeuh aˊmawo maeeˊ peue htan tem unˊ kueˊ munhpungˊ naˊ ce reuˊ. Pawlaee mhawngˊ ri hk'oˊcuin.

Roˊma 15:5

Hk'oˊ Peucawoˊ Cawoˊ tuilˊ hk'aˊ yeunˊhkam naˊ maeeˊ hk'aˊ kawlˊreng naˊ Eun, kah Eun yeuh peˊ hotˊ Yesuˊ Hkrit Eun ri meuh peˊ hpumˊ ti meulˊ naˊ reuˊ.

Galatiˊ 5:7

Kuˊ buih yeuh peˊ nanggalˊ aenˊ a naˊ chakˊ ka hawcˊ, aˊnhawˊ ciˊ hamˊtap yeuh peˊ unˊ laee leuceng ri ti hk'aˊ neumneum naˊ?

Galatiˊ 6:16

Kah hk'aˊ kuitˊ nyawkˊ kuit samˊran cumyenˊ naˊ maeeˊ hk'aˊ tukyak naˊ kueˊ ri peue hotˊ ri yeuh ritroe aenˊ a naˊ ce reuˊ. Kah a kueˊ ri peue Iˊsarelaˊ Eun Peucawoˊ naˊ ce.

Hpiˊliˊpiˊ 1:27

A saecˊ naˊ yeuh saˊnhawˊ koˊ, yeuh ri kuingˊhpaw maeeˊ leukahˊ munˊ renˊkawn Eun Hkrit naˊ reuˊ. Hawcˊ koˊ, uiˊ saecˊ naˊ ingˊ ri peˊ, aˊkoˊ pun ri mhawngˊ yawo lawng peˊ naˊ unˊ lahˊ, uiˊ kaw yawng cawng keutawnˊ meuh peˊ hpumˊ ti meulˊ, seunˊ peue ti peue peˊ tuikˊ peuengˊ punta hk'aˊ yumˊ ka leukahˊ munˊ renˊkawn naˊ.

Hpiˊliˊpiˊ 2:2

kah peˊ yeuh uiˊ renˊkawn htonnuk ri kueˊ peˊ kamkuit ti hk'aˊ, hk'aˊ leumeusˊkeus keuhti, hpumˊ ti meulˊ maeeˊ vang keutuiˊ hpumˊ keuhti naˊ reuˊ.

Hpiˊliˊpiˊ 4:2

Hk'oˊhk'ang uiˊ a ri Yuodia maeeˊ Sintiche paˊ, kah paˊ htukˊlung puri hk'aˊnaee Peucawoˊ Eun.

Kawˊlawˊsaeˊ 2:6

Kop awnˊ na, kopti pun peˊ ri rap ri ti Yesuˊ Hkrit meuh Eun Peucawoˊ ri hawcˊ naˊ, aˊyu imˊ heulˊ hk'aˊnaee Heun,

Kawˊlawˊsaeˊ 4:2

Saecˊ yamnhawˊ, hk'oˊ munˊ reuˊ. Yam hk'oˊ peˊ munˊ naˊ, yeuh ri pawn kuiˊ ri maeeˊ kueˊ hpumˊ munˊ keuting ri Peucawoˊ Eun reuˊ.

Tuhˊ ri tuilˊ 3:3

Kop awnˊ na, kuit rot ti kuˊ pun mi ri rap ri ti naˊ maeeˊ kuˊ pun mi ri mhawngˊ naˊ reuˊ. Hotˊ ri yeuh a, tawsˊ hpumˊ fuin mapˊ ri reuˊ. Daecti mi lawn unˊ kuhˊ koˊ, kaw Uiˊ lih ri mi seunˊ peue conˊ koˊ. Mi hkuinˊ kaw yawng kaw Uiˊ lih ri mi yamnhawˊ.