Hpiˊliˊpiˊ 3:12 - Plang (Blang)

¹² Pun uiˊ aenˊ ce gawmˊeucˊ hawcˊ naˊ, aˊkoˊ pun uiˊ ri hkamˊ ri mheˊ ri meuh peue chakˊ htonnuk hawcˊ naˊ, a hkuinˊ meuh. Daecti punta kaw uiˊ seubut ri ti kuˊ Yesuˊ Hkrit uinˊ Eun uiˊ kaw seunˊ Heun ri naˊ, uiˊ tawkˊ cimˊ ri heulˊ.

Hpiˊliˊpiˊ 3:12 Marejeleo ya Msalaba

Mahtae 5:48

Kop awnˊ na, seunˊ Kuiingˊ peˊ Cawoˊ utˊ nang kuingˊ pang maoˊ naˊ chakˊ htonnuk Eun naˊ, yeuh peˊ chakˊ htonnuk yeut reuˊ.

Peue caee 9:15

Daecti Peucawoˊ Eun lahˊ a ri Ananiˊ eun, “Heulˊ yawo reuˊ, punta kaw eun ti muis Uiˊ naˊ heulˊ ri peue unˊ meuh peue ceu Yuˊda naˊ maeeˊ hkunˊhawˊhkamˊ ce naˊ maeeˊ peue Iˊsarelaˊ naˊ ce, peue aenˊ meuh eun hk'eung leuk Uiˊ ri uinˊ hawcˊ.

Roˊma 8:39

vang lhungˊ, aˊkoˊ vang ruiˊ, saecˊ meuh kuˊ Peucawoˊ hpanplengˊ Eun ku ceu naˊ ce kaw unˊ cang ti eˊ gahˊ pun hk'aiˊ hk'aˊ leumeusˊkeus Eun Peucawoˊ kuˊ kueˊ hk'aˊnaee Yesuˊ Hkrit Cawoˊ Peucawoˊ eˊ naˊ Eun naˊ.

1 Kawˊrinhtuˊ 13:10

Daecti yam hk'aˊ htonnuk naˊ rot ka naˊ, hk'aˊ unˊ htonnuk naˊ a kaw raiˊ heulˊ.

1 Kawˊrinhtuˊ 13:12

Maetˊmaenˊ seunˊ a nomˊ eˊ vaen unˊ hkaem naˊ koˊ, daecti yam awnˊ a koˊ, kaw eˊ pun ri nyu buh Eun Peucawoˊ naˊ glihˊgleuengˊ. Maetˊmaenˊ cuˊyi uiˊ naˊ a hkuinˊ nang htonnuk, daecti yam awnˊ a koˊ, uiˊ kaw yawng glihˊgleuengˊ seunˊ Peucawoˊ yawng Eun uiˊ naˊ.

1 Kawˊrinhtuˊ 9:24

Peue keutec hk'uih hk'aˊnaee vang keutec hk'uih naˊ hk'uih ce ku peue ri, daecti kuˊ pun lapsawngˊ naˊ eun meuh yawo ti peue, unˊ yawng peˊ a aw? Punta kaw peˊ pun lapsawngˊ naˊ, hk'uih reuˊ.

2 Kawˊrinhtuˊ 13:9

Ya saecˊ naˊ kawlˊreng kloe kopti kawlˊreng keuting peˊ naˊ koˊ, ya renˊkawn. Punta kaw peˊ htonnuk naˊ, ya hk'oˊ munˊ pun peˊ.

2 Kawˊrinhtuˊ 7:1

Aˊmawo leumeusˊ naˊ peˊ, kopti pun eˊ leukahˊ kati yeuhkiˊ naˊ hawcˊ naˊ, kah eˊ saicˊ meun ri tec kuˊ yeuh jawngkuiˊ tuˊ maeeˊ civit eˊ hk'awˊjeuk naˊ reuˊ. Yeuh hk'aˊ seungaˊ chakˊ naˊ htonnuk ri hk'aˊ lhatˊtil ri Peucawoˊ Eun naˊ reuˊ.

Galatiˊ 5:17

Kopti, alo ka hk'aˊ nhamˊ keune naˊ toˊtamˊ a alo ka hk'aˊ Citˊ seungaˊ naˊ, saecˊ meuh alo ka hk'aˊ Citˊ seungaˊ naˊ a ku toˊtamˊ alo ka hk'aˊ nhamˊ keune naˊ yeut. Kuˊ lalˊ ceu aenˊ a meuh ransu ri puri. A yeuh peˊ unˊ cang yeuh kuˊ sumˊ yeuh ri naˊ.

Eˊfeˊsuˊ 1:4

Kopti yeuh Eun eˊ seungaˊ chakˊ unˊ kueˊ vang ri hk'aˊnaee saiˊ ngaiˊ Eun naˊ, Eun leuk ri ti eˊ hk'aˊnaee Hkrit Eun tangˊ neum nanggalˊ yam bhenˊ keuteˊ naˊ unˊ nang hpanplengˊ a ri naˊ. Hk'aˊnaee hk'aˊ leumeusˊkeus naˊ,

Eˊfeˊsuˊ 4:12

Aenˊ ce meuh a punta kaw rangraen peue Eun Peucawoˊ naˊ ce pun kanˊ mhaiˊ naˊ, punta tuˊ Eun Hkrit naˊ kaw a gawm baet ri keuting hukˊ

Hpiˊliˊpiˊ 1:1

Htawm ti okˊ aenˊ na koˊ, meuh a kuˊ Pawˊlu maeeˊ Tiˊmoˊse meuh ya mhaiˊ Eun Yesuˊ Hkrit, ya temˊ ri tuilˊ a ri peue veng Hpiˊliˊpiˊ kuˊ meuh peue Eun Peucawoˊ hk'aˊnaee Yesuˊ Hkrit Eun naˊ peˊ gawmˊeucˊ, ri roˊkan maeeˊ nang nomˊnawk muk konˊ Hkrit naˊ ce.

Hpiˊliˊpiˊ 3:16

Kah yawo eˊ aˊyu imˊ kuingˊhpaw maeeˊ hotˊ kuˊ yeuh rot eˊ naˊ.

Hpiˊliˊpiˊ 3:3

Kopti meuh eˊ peue tonˊ duingˊ hakˊ neumneum naˊ. Eˊ faeeˊ Peucawoˊ Eun ri Citˊ seungaˊ Eun naˊ. Eˊ ti seureˊ ri hk'aˊnaee Yesuˊ Hkrit Eun. Eˊ unˊ papuing hk'aˊ nhamˊ keune naˊ,

Hpiˊliˊpiˊ 3:8

Lheuˊ awnˊ na, ku ceu naˊ yam keutec a ri maeeˊ kuˊ keuting pun uiˊ ri yawng Yesuˊ Hkrit Cawoˊ uiˊ naˊ Eun naˊ, uiˊ nyu ku ceu naˊ meuh kuˊ unˊ kueˊ ngos. Uiˊ tecla ku ceu gawmˊeucˊ naˊ ce pun Heun. Punta kaw uiˊ pun Hkrit Eun naˊ maeeˊ utˊ hk'aˊnaee Heun naˊ, ceu nang awnˊ ce uiˊ sawnˊ a meuh hpamˊ.

1 Hteˊsalawˊniˊ 5:15

Keueˊ meulamlam ri, pawlaee kah aˊnhawˊ yeuh ri topˊ kuˊ rai naˊ ri yeuh kuˊ rai naˊ. Daecti, coˊcaˊ ri yeuh kuˊ chakˊ naˊ ri puri gawmˊ peue seubu gawmˊeucˊ naˊ ce laleung reuˊ.

2 Hteˊsalawˊniˊ 2:13

Ecˊawngˊ Peucawoˊ leumeusˊ Eun naˊ peˊ, munˊ keuting ye ri Peucawoˊ Eun pun peˊ laleung. Kopti tangˊ neum yamla ka naˊ, Peucawoˊ leuk Eun ri ti peˊ kaw pun hk'aˊ htut lawtpon naˊ ri saicˊ peˊ seungaˊ chakˊ ri Citˊ seungaˊ naˊ maeeˊ ri yumˊ peˊ hk'aˊ leupaws seumeuˊ naˊ.

1 Tiˊmoˊse 5:10

kueˊ muis lawsˊ hk'aˊnaee yeuh kanˊ chakˊ naˊ, uˊhpama ri koˊ, roksaˊ konˊhk'i ri, cang rap ri ti checˊ, hkucˊ cung ce peue Eun Peucawoˊ naˊ, teumˊkawm nang tukhka maeeˊ tan tuˊ ri yeuh kanˊ chakˊ ku ceu.

1 Tiˊmoˊse 6:19

Yeuh keutitˊ naˊ koˊ, meuh a sawngˊ yeuh ri roksaˊ hk'ilˊ leumuil pun tuˊ ri meun nang kuingˊ pang maoˊ. Punta kaw ce pun aˊyu neumneum naˊ, a meuh kleumˊ keutawnˊ pun cu hk'aˊ cat naˊ.

Hebraeˊ 12:14

Coˊcaˊ ri yeuh ri pun ri renˊkawn cumyenˊ utˊ maeeˊ peue seubu naˊ ce maeeˊ yeuh ri meuh peue seungaˊ chakˊ reuˊ. Kopti a lawn unˊ kueˊ hk'aˊ seungaˊ chakˊ naˊ koˊ, aˊnhawˊ hkuinˊ cang pun ri nyu Peucawoˊ Eun saecˊ ti peue.

Hebraeˊ 12:23

rot ri muk konˊ Hkrit ce konˊ aiˊ kuˊ kueˊ muis temˊ ri nang kuingˊ pang maoˊ naˊ ce. Peˊ ingˊ rot ri Peucawoˊ Cawoˊ tawsˊ aˊmu ri peue gawmˊeucˊ naˊ Eun, rot ri civit ce peue leupaws seumeuˊ kuˊ pun ri rap ri yeuh ri htonnuk hawcˊ naˊ ce,

Hebraeˊ 13:21

punta kaw peˊ hotˊ ri yeuh alo Eun naˊ, kah Eun yeuh peˊ htonnuk ri kuˊ chakˊ ku ceu naˊ maeeˊ kah Eun yeuh kanˊ hk'aˊnaee peˊ hotˊ kuˊ htukˊ hpumˊ Eun naˊ ri Yesuˊ Hkrit Eun reuˊ. Kah munhpungˊ naˊ kueˊ ri Heun cotˊcu ri reuˊ. Amin.

Yakopˊ 3:2

Eˊ ri ku peue yeuh kleucˊ eˊ ri hk'aˊ heunˊ ceu. Peue unˊ duing kleucˊ ri hk'aˊ leukahˊ leupong naˊ meuh eun peue htonnuk chakˊ. Eun cang uˊpeung pe tuˊ ri naˊ gawmˊeucˊ.

1 Petruˊ 5:10

Hawcˊ ka yam pun peˊ ri hkamˊ kuˊ tukhka naˊ ti vut ti yam naˊ, Peucawoˊ meuh Cawoˊ munˊ gawmˊeucˊ kuˊ klawng peˊ ingˊ ri munhpungˊ cotˊcu hk'aˊnaee Hkrit Eun naˊ Eun kaw yeuh peˊ htonnuk, kueˊ kawlˊreng maeeˊ yeuh peˊ keutawnˊ seupit.

2 Petruˊ 3:18

Daecti kah peˊ hukˊhawnˊ hk'aˊnaee munˊ sinˊ Eun Yesuˊ Hkrit Cawoˊ Peucawoˊ Cawoˊ teumˊkawm htut eˊ lawtpon naˊ Eun, maeeˊ kah peˊ gawm yawng Eun saeˊcaeeˊ heunˊ reuˊ. Kah Eun kueˊ munhpungˊ maetˊmaenˊ rot ti cotˊcu ri reuˊ. Amin.