Taitasi 1:5 - BAṈARA KO VAIRU AMA LEVELEVEO

⁵ Aṉata a vaeṉe ṉo Kiriti udu kale, tu ṉota ṉo uria korotikou ko pui nio ko paizaivako iruruputo, ni ṉo bitoemou se lotu tanamu peuru poso kale. Ṉota ṉo qerukeruekou aṉako bazu poso, ko eri kio sama.

Taitasi 1:5 Marejeleo ya Msalaba

Iruruputo 11:30

Ni seko koa iruruputo ko tova inio seta ke kati soroekake Banabasi ni Saula seko seleni lotu tanatanamu kasi Jerusalema.

Iruruputo 14:23

Ni nioqata qo pitoemake lotu qoqono poso kale se lotu tanatanamu se koko kuleto keta ka elo amu, ni nioqako vararaito ni tabutabuo kale nioqata qo vaemake vo Baṉara vo kevai oquini ko vailo kale.

Iruruputo 2:11

Jiu amu melai, pui Jiu amu seke luluekani Jiu amu ko lotu melai, ni kake mela anime ta Kiriti ni Arebia azo—melai animea kiada mela ta mebe tama viqa se kekai bazubazutake quli me navinavi ko maba pesio kale koa matuma quli vo Baṉara o erekako!” kikelake.

Iruruputo 27:12

Ni koa titiana ta pui uri ama tu kai elo sabere ko sarosororo ko taku kale ama taku kale; so sole kubo maba madu ta keka zariake tadao koa titiana kale azo tu ke madoekou tu kekai barolo ko Poenikisi ni sai ke elo koa sarosaroro ko taku kale. Poenikisi ta kama pado Kiriti udu kale ama titiana sama peuru ikio, koko ṉaniu ko sulupakoi vasia rana ko evako, palo ni made rana veukaveuka sama. Sai nio uri ama daipadaipa sakoi koa sabere ko taku.

Iruruputo 27:13

Ni uri ama ururu ta kota tanitake puzeto, nio sea maba poso ko kerukeru kale ta keta roveovou talio kikelake, sole seta ke koiviekake ko titi, ni seta ke babatake Kiriti udu ko keta ko sipole.

Iruruputo 27:21

Ni rosi ama taku sea maba poso ta pui ke vuatake, so sole Paula ta o lojoake seko kuleto ni eri kiolake, “Meva, meta meda la viqe ko pui me dadao Kiriti azo mela kio aṉa tea, animeta pui nio meba toraeko komia pisailo ni duluilo.

Iruruputo 27:7

Ni eṉeta matu oluoluavole tepe kale ṉe daliake kubo ṉaniu ni koa talio ta matuma tapata kale kude inio eṉeta ṉe varerikake Kanaidasi peuru kale. Kapea ururu kale ta pui ṉe roveake togarao, nio eṉeta pui sidopua talio ṉe evake, so sole eṉeta ṉe bakeake Kiriti udu ko daipadaipa vasi, ni ṉeqai alokatake ko Salomone kelekele.

1 Koriniti 11:34

Ni vo o luapani ta o vuatou o ṉaviko pade kasi kuleto, tu meta puliama kuiripato me qovou meko lotu padoilo kale. Ni ko kobeta evako quli poso ko meme qasekema meko riki kale ta a roveovou melati korotiko so keru aṉa a melai kilou keru.

1 Koriniti 14:40

Ni meta erekomo koa kiadama quli uria korokoroti ni sidopu ama keve kale.

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

Kolosi 2:5

Ako aṉata pui a evani lala mekasi, melai aṉako kerukeru ta me tona, ni aṉata ada zoleiva so keru aṉa a viqa keru meko omadeu vatolo elo, ni pizaka lojo Karisito vai oqu kale.

1 Timoti 1:3

Aṉata aṉa zaria ṉo tu beta eve Epesasi peuru kale, lula ṉati kiavevo jari so keru aṉa Masedonia peuru poso kale a qeve keru. Ako kama maba poso ta kebe kai nianiiekata sai ko lipalipa kama lotu ko bazu poso; tu ṉota maba dokolimo eve se.

2 Timoti 2:2

Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

Taitasi 1:12

Kala pado Kiriti ala maba, vo ke ṉavivo poropita o eveni, inio ota ka kasekeni koko tuveano so keru eri kiove keru, “Se Kiriti amu ta lipalipa kamu kiada keru, ni kade amu ni lupalupa kamu ni vuaṉaroṉaro amu.” Komi kale avo ṉota matu riqaema se tu seta vairu ke ikou seko oqu,