Romu 8:6 - BAṈARA KO VAIRU AMA LEVELEVEO

⁶ Seke vaekani seko kerukeru tupu ko saevo kale ama quli tona ta komai barolou ko vou, melai seke vaekani seko kerukeru Auvana kale ama saevo ko quli tona ta komai barolou ko tuvevo ama saevo ni bule sama.

Romu 8:6 Marejeleo ya Msalaba

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 17:5

Erisaṉa Mama, ṉota ṉaṉaidara ila ṉoko tanama kale, koa omadeuma ṉaṉaidara kale aṉako ko evema ṉo sase puliako peuru ma peuru ereilo.

Romu 13:14

Melai meta emo vo Lekasa Jisu Karisito tona, ni epezomo kerukerueko meko tupu ko zario ni pui taka lulueko koko vatolo.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Romu 6:21

Loma ikio meme qoema meko ereko kale koa iruruputo, ko erisaṉa ko quratimelako me? Koa iruruputo ko reketekete ta vou sole!

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

Romu 7:11

Sarueko ta ko keake koko rora koa bazu kale, ni kokale ta ko lipaelake aṉa ni kota ko vouvaelake aṉa.

Romu 7:5

Ako puliako anime lilizio sarueko kale azo, inio koa sarueko, ko Mosese ko Bazu ko pizatikema, ta ko irurupute animeko saevo kale, ni animeta me uria ka nabulupute ko vou.

Romu 8:13

Ako meta soa saevo me elou, ta meta meda vouvou. Melai vo Baṉara ko Auvana kale meta me vouvaekou ko sarueko ko iruruputo, ta meta meda saevou.

Romu 8:27

Ni vo Baṉara vo o keani kiadama animeko bulo kale ama quli, ta o paqumuka vo Tabu ala Auvana ko kerukeru, ako vo Tabu ala Auvana inio o melati zomanani vararaito anime o ṉavi Baṉara ko vaki mela sole, ni vota o vararaita o ṉavi Baṉara ko vatolo kikolani jari.

Romu 8:7

So sole voa maba vo o vaekani voko kerukeru komia tupu ko saevo kale ama zario tona ta vo Baṉara vo kana ota eva, ako vota pui o zorika vo Baṉara ko bazu sole, ni tuvevo avole vota pui o rovea zoriko ko kikolani sole.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 6:8

Ni vo maba ta o papakou jari voko saevo kale ko quli o ṉaviko zario ko zolekako quli ta ko ikio mata o kajorikou noqola kama tolailo kale. Melai vo o papako ala Baṉara ko Auvana ko zolekako quli voko saevo kale ta o kovou ko noqola kama saevo vo Baṉara ko Auvana kale.