Romu 8:16 - BAṈARA KO VAIRU AMA LEVELEVEO

¹⁶ O ṉavi Baṉara ko Auvana ta ko bazueka animeko auvana poso ta animeta voko meqora poso mela inio kio.

Romu 8:16 Marejeleo ya Msalaba

Matiu 5:9

“Keta zoleiva tisoiko se bulezato ko maba madu, ako vo Baṉara ta o ṉaviko meqora poso ma kiovou se sole.

Luke 20:36

Seta omadeuvo se mateana madu jari inio keta elou ni seta pui kepa roveovou vou. Seta vo Baṉara ko meqora poso inio, ako seta mata keta saevou voukale azo.

Jone 1:12

Melai kama poso madu seke baroekiveni vo, ni se kevai keruini vo, ta o katimake ko naizato tu seta vo Baṉara ko meqora poso ke elo.

Iruruputo 5:32

Eṉeta ṉeqai bazubazutani ṉela komi eṉe ṉe qevema quli—eṉe ni vo Tabu ala Auvana, vo Baṉara vo puaro seke zorivani vo kasi,” kikelake.

Romu 8:14

Seke odiziani vo Baṉara ko Auvana kale se inio vo Baṉara ko meqora poso.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

Romu 8:23

Pui koa auvana pide ama quli vo Baṉara o erekema ko kiada ikio ko tolaivako, melai anime lula me qoeni mela ko Tabu ama Auvana melai duki meda eva animeko bulo kale, animeko tareko kale vo Baṉara ko meqora poso elo tu rupasio animeko pado ama saevo kale. Ko Tabu ama Auvana ta Baṉara ko kuleto ama puaro anime kasi.

Romu 8:26

Koa omadeuma keve kale inio vo Tabu ala Auvana ta o tauvemela anime animeko lekuleku kale. Ako animeta pui meqai nianiiani mela ko vararaito ko kalo sole; melai o ṉavi Tabu ala Auvana ta o melati zomana vararaito vo Baṉara kasi koa voniu kozato ko anime pui me buratikako kale.

Romu 9:26

Ko omadeuma zae kale sai ‘Meta pui aṉako mabamu mela,’ ma kiovekoi sai nio vo saevola Baṉara o meqora poso ma kiovoa koi.”

Romu 9:8

Kokale inio animeta me rovea paqumuko ta seke alilani Ebarahami ko vikuvikula kale ta pui vo Baṉara ko tuvevo ama meqora poso, melai seke alilani vo Baṉara ko leveleveo kale ta tuvevo ama vo Ebarahami ko vikuvikula madu.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 1:22

vo lula o mamola puemelani anime ta animeta voko mela, ni vo o katimelani anime voko Tabu ama Auvana animeko bulo kale tu kota omadeuvo koko mamola jari ko elo tu ko melai kerukerueko kiadama mauruto vo tova o katimelo ama anime.

2 Koriniti 5:5

Vo Baṉara nio vo lula o inainaeṉelani eṉe koa besizio eṉe ṉe elo avo kale, ni vo inio lula o katiṉelani eṉe voko Auvana omadeuvo koko mamola jari koko tuvevo pueko ama voko ṉela besieko eṉeko tupu.

2 Koriniti 6:18

Aṉata mevo Mama a elou, Meta aṉako meqora poso me elou, reko ni lasivea mela, kiola vo piza kala Baṉara.”

Qelesia 3:26

Ni vai oqu kale vo Karisito inio mea kiada mela ta vo Baṉara ko meqora poso mela.

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

Epesasi 1:13

Ni so jari meta vo Baṉara ko meqora poso mela me eveni mela so keru me viqe keru ko tuvevo ama nianiiekato, koa meko pakiezato sama bazu. Ni me tuvevo me ive keru vo Karisito inio vo Baṉara ta o mamola puemele me tu o ṉavi kaqe voko katimelo kale voa Tabu ala Auvana vo leveleveo o iveni.

Epesasi 4:30

Ni meta pui duki me ivou vo Tabu ala Auvana, ako vo inio vo Baṉara vo mamola me o melai ṉeamukani sole. Ni vo Baṉara ta o katimele me voa Auvana tu kasa o ikou ta vo Baṉara ta o rupasimelou me komi ko kuevako taku kale.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.

1 Jone 3:2

A baerebaere poso, erisaṉa animeta vo Baṉara ko meqora poso mela. Ni kota pui nio kasa ko eva noi nio anime me elo avo tova, melai animeta me rovea kai nianiio vo Karisito o vaitou keru animeta vo jari me elou, ako me uria velou vo sole voko tuvevo ama elo kale.

1 Jone 4:13

Ni animeta meqai nianiia ta animeta me eva Baṉara tona ni Baṉara ta o eva anime tona, ako vo Baṉara ta lula o katimela sole vovo Auvana.

1 Jone 5:10

Ni vo tuvevo o ivani vo Baṉara vo Meqora, vo inio koa qulepo ama bazu sala voko bulo kale ko vo Baṉara o melai bazuekako. Melai vo pui o tuvevo putani ta ovai kuirika vo Baṉara ta lipalipa kala, ako vota pui tuvevo o ika sole vo Baṉara o melai bazuekako vovo Meqora kale avo.

Kelokelozato 21:7

Seke koqotaeko amu ko ruqe ta aṉata sevo Baṉara a elou ni seta aṉako meqora poso ke elou.