Romu 8:11 - BAṈARA KO VAIRU AMA LEVELEVEO

¹¹ Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Romu 8:11 Marejeleo ya Msalaba

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

Iruruputo 2:24

Melai Baṉara ta o saevivake vo voukale azo, ni vota o rupasivake vo koko sisikara kale azo, ako ko vou ta pui kopa roveovi noqola pirieve vo sole.

Romu 16:10

Aṉako roquano Apelesi kasi vo lula kasa o ivani vo Karisito voko saevo kale.

Romu 16:3

Aṉata a joroe aṉako roquano Pirisila ni Akuila kasi, aṉako tauvezato kidi vo Jisu Karisito va nabuluputo kale;

Romu 16:7

Ni aṉako roquano Adoronikasi ni Jiuniasi kasi aṉako maba kidi Jiua nioqa qo eveni nioqa aṉa sase pirito pade kale, uri ama apositolo kidi ka kikelani nioqa, ni kuleto Karisito qo lulueveni nioqa aṉa puliako luluevo.

Romu 16:9

Ni mata aṉako roquano Ubanasi kasi, kala tauvezato ko maba Karisito va nabuluputo kale, ni Sitakisi aṉavo uri ala lolo.

Romu 6:12

Meta pui zarieko ko sarueko tu kota lekasa ko elo meko miduku kale ama saevo kale, ni meta pui zoriko ko sarueko ko vatolo kikolani.

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

Romu 8:12

A visi poso, animeta kama koidi samela, tu pui me lulueko ko tupu kale ama saevo koka zariako quli tu me ereko.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

Romu 8:9

Melai meta pui me jaeva ko meko tupu ko saevo ko kavani jari. Me inio me jaevani mela vo Baṉara ko Auvana ko melai bazuekako saevo kale, vo Baṉara ko Auvana tuvevo avole ko saeva meko saevo kale ta. Ako voa maba vo pui o koani vo Karisito ko Auvana ta pui vovo inio.

1 Koriniti 15:16

Ako se voumu ta pui kepa saevou voukale azo tea, vo Karisito ta pui inio opa saeve mata voukale azo.

1 Koriniti 6:14

Vo Baṉara ta o saevive vo Lekasa Jisu voukale azo, ni so jaria saevimelo inio o elo avo ko anime voko pizato kale.

2 Koriniti 4:11

Kiadama eṉeko saevo kale eṉeta ṉe ṉamuiva vou ko tapata kale vo Jisu va nabuluputo kale, so inio o ṉavi Jisu ko saevo ta kasa ko eva eṉeko lekuleku ama tupu kale.

2 Koriniti 4:14

Ako eṉeta ṉeqai nianiia ko vo Baṉara vo o saeviveni voukale azo vo Lekasa Jisu, vo inio mata o saeviṉelou eṉe voukale azo tu Jisu sase ṉe elou, ni o odieṉelou eṉe ni so jari omadeu odiemelo o elou animea kiada mela voko tanama kale.

2 Koriniti 5:4

So keru eṉe ṉe eva keru komia miduku kale ama tepe pade kale, ta voniu kozato ko iṉela ko eṉeko duki; eṉeta pui ṉeqa zariako ikio ṉamuko eṉeko miduku kale ama tupu, melai ko eṉe ṉeqa zariako ta ṉe qovo ko aukale ama tupu, tu ko paito pidea saevoma tupu ta ko besiekou eṉeko tupu koko sapeovo ama.

Qelesia 6:8

Ni vo maba ta o papakou jari voko saevo kale ko quli o ṉaviko zario ko zolekako quli ta ko ikio mata o kajorikou noqola kama tolailo kale. Melai vo o papako ala Baṉara ko Auvana ko zolekako quli voko saevo kale ta o kovou ko noqola kama saevo vo Baṉara ko Auvana kale.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Pilipai 3:21

Ni vota o besiekou animeko lekuleku ama tupu, ni vota o ṉaviko ṉaṉaidara kama tupu jari o imelou anime. Vota o erekou ko quli voko pizato kale, koa pizato vo okai lekasa puako kiadama quli kale.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

Kelokelozato 1:18

Aṉata noqola saevo a evani lala! Aṉata lula ada vovini lala inio melai erisaṉa ta a jaeva tu noqola saevo a elou latau ṉaniu ni ka ṉaniu. Aṉata pizato salala tu aṉata mata a jaevimou se voumu, ni aṉata pizato salala tu aṉata a jaqorimou se voumu seke piriziakoi kale azo.

Kelokelozato 11:11

Melai aṉata mata a qeake zouke ni kama kobu ṉaniu ko tova inio ko saevizato ko kozakoza ta ko kuevake vo Baṉara kasi azo ni kota kokai amaqeake nioqa, ni nioqata qo lojoake, nio seke keveni nioqa ta keta matu ṉake.