Romu 6:4 - BAṈARA KO VAIRU AMA LEVELEVEO

⁴ Ni animeko bapitaiso elo kale animeta meqai zomana voko mutailo, tu vo Karisito ko mata saevo voukale azo vo Mama ko ṉaṉaidara kama pizato kale, animeta mata so jaria saevo me elou vairu ama saevo kale.

Romu 6:4 Marejeleo ya Msalaba

Jone 11:40

Nio Jisu ta eri ka kiolake ko, “Pui ṉo qerukerueka aṉa ṉati kiavevo ta ṉota ṉo qelou vo Baṉara ko ṉaṉaidara ṉo duvevo putou ta ṉa kiavema kio?” kiolake.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Iruruputo 2:24

Melai Baṉara ta o saevivake vo voukale azo, ni vota o rupasivake vo koko sisikara kale azo, ako ko vou ta pui kopa roveovi noqola pirieve vo sole.

Iruruputo 2:32

“Vo tisoiko voa Jisu vo Baṉara o saeviveni voukale azo, ni eṉea kiada ṉela ta ṉeqai zomane kelo voko tova saevo.

Romu 6:19

(Aṉata aqai pesia koa olu ama pesio meme uria paqumukake, ako meko paqumato ta lekuleku sole.) Kuleto meta me uria katiziovi tu pauvezato ni ruqe ko mabaku me eve tu ruqe ama iruruputo kaqe. Ni so jaria uria katizio emo erisaṉa sidopu ko mabaku elo kaqe tu Baṉara ko tabu ama iruruputo kaqe.

Romu 6:3

Ako meta meqai uria nianiia so keru anime lula omadeu me eve keru Jisu Karisito sase voko bapitaiso kale, so keru inio animeta mata bapitaiso me eve voko voukale.

Romu 6:8

Animeta lula me vouvani mela vo Karisito sase, so sole tuvevo me iko ko animeta mata me jaevou vo sase.

Romu 6:9

Animeta me vakakuka ta vo Baṉara ta lula o saevive vo Jisu voukale azo, ni vota mata pui opa tova vouvou. Ko vou ta pui lekasa kopa va elou.

Romu 7:6

Melai erisaṉa animeta ruparupasia mela ko Mosese ko Bazu kasi azo, ako animeta lula meda vovi koa Bazu, koko piriemelema anime kale azo. Melai erisaṉa animeta pui mevai nabuluputa vo Baṉara koa lulama Bazu vo Mosese o rikiekema kale, melai vairu ama keve kale kude vo Tabu ala Auvana kale.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

1 Koriniti 6:14

Vo Baṉara ta o saevive vo Lekasa Jisu voukale azo, ni so jaria saevimelo inio o elo avo ko anime voko pizato kale.

2 Koriniti 13:4

Ako vota o vouvai korosi topi lekuleku ala, melai erisaṉa vota o saeva vo Baṉara ko pizato kale. Ni eṉe voko apositolo ṉela ta lekulekua ṉela, melai eṉeko mekasi ama iruruputo kale eṉeta ṉeqai zomanou kovo vo Baṉara ko pizato vo Karisito ko saevo kale, nio piza kavole ṉe jidopu puemelou me.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Epesasi 4:17

Vo Lekasa Jisu ko ṉikale aṉata a melai bazueka komi quli, ni a balauvimela, tu meta pui mata me dova luluekou se pui ke tuvevo putani ko saevo jari ama saevo. Ako seko kerukeru ta utube ama sole,

Epesasi 5:8

Ako koko paloasako taku kale meta kutumana kamela, melai erisaṉa meta animevo Lekasa ko zakaremu kalea mela. Ako ko zakaremu ikio ko kati kuevi sole kiadama uri ama ni sidopu ama ni tuveano sama kalo. So sole meta saevomo se zakaremu ko maba poso ko malezikako saevo kale.

Kolosi 3:10

ni meta lula vairu meda eva erisaṉa. Baṉara ta o ereke ni vairu o ike komia saevo me tona, ni vota pui o lalamata vairu imelo me o ṉavi jari, tu meta mevai uria nianiiovou vo.

Kolosi 4:1

Ni me lekasa poso mela, meta sidopu emo ni ijatinia mati vailo emo meko mabaku poso, ako me melai meta kala Lekasa samela aukale sole.

1 Pita 3:21

Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,

1 Jone 2:6

Ni kala ta eri kiovou, vota o eva Baṉara tona kiovou, ta voko kalo ta Jisu ko kalo jari o ikou.