Romu 6:12 - BAṈARA KO VAIRU AMA LEVELEVEO

¹² Meta pui zarieko ko sarueko tu kota lekasa ko elo meko miduku kale ama saevo kale, ni meta pui zoriko ko sarueko ko vatolo kikolani.

Romu 6:12 Marejeleo ya Msalaba

Romu 13:14

Melai meta emo vo Lekasa Jisu Karisito tona, ni epezomo kerukerueko meko tupu ko zario ni pui taka lulueko koko vatolo.

Romu 2:8

Se kiadailo ko maba poso ni ke vaekani ko sidopu, tu seta ke ereko ko ruqe ama kalo, se inio komai voreziovo amu ko Baṉara ko iqailo.

Romu 5:21

So sole omadeuvo ko sarueko ta ko lekasa pui voukale, so jari nio mata vo Baṉara ko pakiezato sama roquano ta ko lekasa pua voko sidopu ko puariko kale, koa roquano koko odiemelako anime noqola kama saevo kale animevo Lekasa Jisu Karisito kale.

Romu 6:14

Koa sarueko ta maba pui ko lekasa puilou meko saevo kale, ako meta pui bazu ko poro kale me evani mela sole, melai meta me eva vo Baṉara ko pakiezato sama roquano kale.

Romu 6:16

Ako meta lula me baqumuka ko meta kama mabaku mela inio kio meko zoriko kale kala maba kiolani, so sole meta voa lekasa vo meme zorivani ko mabaku mela inio. Kake mela ta ko sarueko ko mabaku mela inio, ko vou sama, kake mela ta zoripato ko mabaku mela, ko sidopu ko imelako me vo Baṉara ko kelokelozato kale.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Romu 8:13

Ako meta soa saevo me elou, ta meta meda vouvou. Melai vo Baṉara ko Auvana kale meta me vouvaekou ko sarueko ko iruruputo, ta meta meda saevou.

2 Koriniti 4:11

Kiadama eṉeko saevo kale eṉeta ṉe ṉamuiva vou ko tapata kale vo Jisu va nabuluputo kale, so inio o ṉavi Jisu ko saevo ta kasa ko eva eṉeko lekuleku ama tupu kale.

2 Koriniti 5:4

So keru eṉe ṉe eva keru komia miduku kale ama tepe pade kale, ta voniu kozato ko iṉela ko eṉeko duki; eṉeta pui ṉeqa zariako ikio ṉamuko eṉeko miduku kale ama tupu, melai ko eṉe ṉeqa zariako ta ṉe qovo ko aukale ama tupu, tu ko paito pidea saevoma tupu ta ko besiekou eṉeko tupu koko sapeovo ama.

Qelesia 5:16

Ni aṉata mata eri kiala mekasi. Meta pizatomo kiada keru Tabu ala Auvana kale, nio meta pui meba erekou meko bulo kale ama ruqe ama kerukeru kokai zariako quli.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Epesasi 2:3

Melai koko paloasako taku kale animea kiada mela ta se kekai saevako saevo jaria saevo me eve. Ni animeko elo kale animeta meqai zariovi zoleko animeko saevo boutare kale, ni animeta me lulueke animeko tupu ni kerukeru kokai zariako quli. Ni animeta meda tolailo nio vo Baṉara ko korakorailo kale me ṉaviko kalo kale sole, omadeuvo sea ruqe ama maba poso jari.

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

1 Tesalonaika 4:5

ni pui pazapazailo ko kerukeru sate, omadeuvo se kutumana kamu jari se pui kevai nianiiani vo Baṉara.

2 Timoti 2:22

Ṉota taka soqoi se vaini amu ko ruqe ama kalo, se keka matu zariani ko pui ko korotako quli poso, ni vinaeka lulueko ko sidopu, ni oqu, ni roquano, ni bule, seke ilusivani vo Baṉara saqasaqa kama bulo samu sase.

Taitasi 2:12

Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

1 Pita 1:14

Ni meta zorivomo vo Baṉara mevo Mama, ni pui mata kai zario ruqe ama quli ko meme erekema ko paloasako taku kale, me puliako vai nianiio vo Baṉara.

1 Pita 2:11

A baerebaere poso, erisaṉa meta pui komia ruqe ama peuru ma peuru ko kunialea mela. So inio aṉata a mela zaivota me tu meda ka balauvou meko tupu kokai zariako ereko, ako komi quli ta ko kati kanaekimou sole meko auvana poso.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.

Jiudi 1:18

Seta eri kikeve mekasi, “Tovatovama taku ko barou keru, so keru inio seke melai balebaleito amu me ta ke puratou, seke lulueko amu ke ṉaviko kutumana kama zario poso.”