Romu 5:2 - BAṈARA KO VAIRU AMA LEVELEVEO

² Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

Romu 5:2 Marejeleo ya Msalaba

Matiu 25:21

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Jone 10:7

Sole Jisu ta mata eri kiolake, “Aṉata a bazuemela me tuvevo avole, aṉa inio ko sipi ko veutu lala.

Jone 10:9

Aṉata veutu lala. Voa maba o amaqeani aṉa kale ta o pakiovou, ni vota amaqeo ni saqoroa kovo o elou ko saevo ko sailao.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 5:24

“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Romu 11:20

Kota tuvevo. Koa kata poso ta ko lopai ako seta pui kepa tuvevo pute sole, melai ṉota pui ṉo lopaiva ako ṉota ṉo duvevo puta sole. Melai ṉota pui raurailo, melai ṉota balauve.

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

Romu 14:4

Lalaṉa inio ko ṉo ṉoṉo ditizivani ṉa edolola maba vo nabulu? O ṉavi voa nabulu vo lekasa inio okai nianiiovo ala vovo nabulu ko uria ereko ma pui uria ereko voko koidi. Melai vota o uria erekou voko koidi, ako Baṉara ta o pizativa vo sole.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Romu 3:23

sea kiadamu ta sarueko samu ni seta vaṉa kamu vo Baṉara oka zariako sidopu kasi azo sole.

Romu 5:5

Ni koa keru ta pui quraqurati ama quli anime kasi, ako Baṉara ta lula o raibike voko roquano animeko bulo poso kale vo Tabu ala Auvana kale, vo lula o katiziovini tu anime kaqe.

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

Romu 8:24

Ako koa zuato kale inio animeta me bakiovi, melai animeta lula me qoa ko quli anime me zuatikako tea, ta pui tuvevo ama zuato ikio. Ako puliala ta o zuatika ko vo lula o koako quli sole.

1 Koriniti 15:1

Erisaṉa aṉata aqa zaria tu melai kerukerueko me a qaka ni visi poso mela vo Jisu ko Uri ama Bazu ko aṉa aqai bazubazutema mekasi, koa Bazu ko meme ṉeamukema, ni pataito lojolo meqai evema.

2 Koriniti 3:18

Nio animea kiada mela ta me qasa puekani mela koa vo Lekasa ko ṉaṉaidara omadeuvo Mosese pui bouluboulu ama loilo sala keru jari, ni koa omadeuma ṉaṉaidara ta kobeta ola besiemelo anime. So inio animeta mebeta ola besizio ni koa ṉaṉaidara ta kobeta ola matu elo ni vo jari ko imela anime. Ako koa ṉaṉaidara ta koko kuevako vo Lekasa kasi azo, vo o soroevani vo Tabu ala Auvana sole.

2 Koriniti 4:17

Ni eṉeko komia silo ama ni puju ama tola poso ikio ko odieṉela eṉe matu ṉaṉaidara kama reketekete kale, koa matuma ni paito pide ama reketekete, ko silo jaria kelo ko ikako koa kiadama tapata poso.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Epesasi 3:12

Ni animeko omadeu vati elo vo Karisito kale ni animeko vai oqu kale vo inio animeta zariekato samela tu me zio puliama ṉalo sate vo Baṉara ko tanama kale.

Epesasi 6:13

Sokale avo inio meta kiakomo kiadama vo Baṉara ko vakovako, nio so keru tapata kama pazokinio ko taku ko barolou keru meta me bataitou. Ni so keru me baloasikou keru koa pazokinio meta mebeta lojolou.

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 6:18

So sole omuqa quli ta ikoana, voko leveleveo ni voko kejo sama pesio topi ama, ko pui kopa roveovo ama besizio, vo Baṉara pui opa kai roveovo ama lipalipato. So sole anime lula me qoani mela ko pakiezato vokasi ta me rovea matu zuvario tu pizaka noqoeko me elo koa keru ko meqai tarekake ko quli Baṉara o ereko ama quli tu anime kaqe.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

Kelokelozato 21:11

Koa matu peuru ta ko simanamana putake vo Baṉara ko ṉaṉaidara kale. Kota omadeuvo ko mudamudatako lado jari, jasipa lado jari, ni bulebule ama qelasi jaria keloma lado jaria kapikapitoma.

Kelokelozato 21:23

Ni koa matu peuru ta pui kokai zaria ko ṉaniu ni kaboso ta kokai talolo, ako vo Baṉara ko ṉaṉaidara ta kokai taloake ko, ni vo Sipi Meqora ta koko juke ota ka evake sole.

Kelokelozato 21:3

Ni aṉata a viqake kama pado matuma kora ko kuevako koa matuma lekasa ko papupapu kasi azo, eri kikolako, “Erisaṉa azo vo Baṉara ta maba poso kasi ota elou! Vota o elou se sase ni seta voko maba madu ke elou. O ṉavi Baṉara ta se sase o elou, ni vota sevo Baṉara o elou.

Kelokelozato 3:21

Nio seke koqotaeko amu ko ruqe ta a zariemou tu seta ke papuvou lekasa puilo aṉa sase aṉako papupapu topi, omadeuvo aṉa lula a qoqotate jari ni abeta papua lekasa puilo a Mama ko papupapu topi.