Romu 5:1 - BAṈARA KO VAIRU AMA LEVELEVEO

¹ Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 5:1 Marejeleo ya Msalaba

Luke 19:38

“Baṉara ta mauru o ivou vo Lekasa vo o kuevani voko ṉikale! Bule ta ko elou aukale ala Baṉara ni maba ko tiania! Ilusivomo vo Baṉara!”

Luke 19:42

ni eri kiolake, “Meta meqai nianiia vairutu ko bule ko imelo ama quli tea uri! Melai meta pui me rovea kelo ko erisana!

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Jone 20:31

Melai aṉata a rikieka komia buka kale ama quli tu meta me duvevo puekou vo Jisu inio vo Baṉara o soroeveni Pakio kio, vo Baṉara vo Meqora, ni koa tuvevo puto kale meta me qovou ko tuvevo ama saevo voko ṉikale.

Jone 5:24

“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Romu 1:17

Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Romu 10:10

Ako animeko oqu kale inio animeta sidopu me eva vo Baṉara ko kelokelozato kale sole, ni animeko saruilo kai eraerao kale inio me bakia.

Romu 10:15

Ni noni ko kalou inio ko bazu ta ko kaseilou puliala bazubazuto ko maba o soroilou ta? Omadeuvo ko Tabu ama Riki kikovevo jari, “Matu zolezole ama quli anime kasi seko kati kilo ko Uri ama Bazu!” kikolako.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 15:33

Vo Baṉara, animevo bule ko raki, ta o elou mea kiada mela tona. Emeni.

Romu 3:22

Baṉara ta sidopu o ima sea kiadamu seke ṉeamuvani vo Karisito; ako kiadamu ta omadeuvo amu sole,

Romu 3:30

Vo omadeu pado Baṉara inio o sidopu puemou se Jiu amu ni se pui Jiu amu seko oqu kale.

Romu 4:5

Melai voa maba vo pui okai keruani voko iruruputo, melai vo okai keruani vo Baṉara, vo se kuirikuiri amu kuiripato pide o imani, voko oqu kale inio vo Baṉara ta o sidopu pueva vo.

Romu 5:11

Pui koko kiada, melai animeta meqa zoleiva ko quli vo Baṉara o erekema vo animevo Lekasa Jisu Karisito kale, vo erisaṉa anime Baṉara ko baerebaere poso o imelani.

Romu 5:18

So sole koa omadeu pado sarueko kale kiadamu ta kuiripato saṉa ke evake, melai mata omadeu pado sidopu ama iruruputo vo Karisito o erekema kale inio Baṉara ta o rovea sidopu ma kio kiadamu tu koma puarizio ko noqola kama saevo.

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

Romu 9:30

Sokale avo inio se pui Jiu amu, se pui kepa vailikeni ko sidopu elo vo Baṉara ko kelokelozato kale, ta sidopu keta evake seko vai oqu kale vo;

Qelesia 2:16

Melai aniqeta qekai nianiia ta puliala maba inio sidopu opa elou vo Baṉara ko kelokelozato kale Mosese ko Bazu ko lulueko kale. Melai vai keru kale vo Jisu Karisito ko kiada kale inio sidopu o elou vo Baṉara ko kelokelozato kale. So sole aniqe melai qevai oqui vo Jisu Karisito, so inio aniqeta sidopu qe evake vo Baṉara ko kelokelozato kale. Ni aniqeko sidopu elo ko raki vo Baṉara ko kelokelozato kale ta aniqeko vai keru vo Karisito. Melai pui Mosese ko Bazu ko lulueko kale inio sidopu qe eva. Ako puliala inio sidopu o evani vo Baṉara ko kelokelozato kale vo Mosese ko Bazu ko lulueko kale.

Qelesia 3:25

Ni erisaṉa ko oqu ko kalo ta ko ṉelai baroa ni eṉeta pui vo Mosese ko Bazu ko vima ṉe evani ṉela.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Epesasi 2:7

Ni vota o erekake komi quli tu kiadama maba madu ta ke kelou ko kuevako taku kale noi tinia aqasiele ama ikio voko pakiezato sama roquano. Ako koa pakiezato sama roquano ta noqola kasa ko eve sole voko roquemelo kale anime omadeu me vati evani mela vo Jisu Karisito.

Pilipai 3:9

tu aṉata vovo lala. Nio erisaṉa vo Baṉara ta sidopu o ila aṉa, pui aṉako lulueko kale Mosese ko Bazu, melai aṉako vai oqu kale vo Karisito.

Kolosi 1:20

Vo Meqora kale kude inio Baṉara ta o pitoeke tu kiadama maba poso ni kiadama quli vo o erekema ta odouvato saṉa ke elo vokasi. Baṉara ta o ereke ko bule vovo Meqora ko voukale korosi topi, tu kiadama miduku kale ama ni aukale ama quli ta odouvato saṉa ko elo vokasi.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

2 Tesalonaika 3:16

Nio animevo Lekasa Jisu o ṉavi, vo bule ko raki, ta o katimelou me ko bule kiadama keve kale kiada keru. Ni aṉata a melati vararaita me tu vo Lekasa Jisu ta o elou mea kiada mela sase.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.