Romu 4:6 - BAṈARA KO VAIRU AMA LEVELEVEO

⁶ Ko ikio vo Devita so ka kiovema, so keru vo o kaseke keru vo maba ko zoleilo vo Baṉara sidopu va kiolani, pui vo o erekako quli kale, ko eri ka kiovema,

Romu 4:6 Marejeleo ya Msalaba

Matiu 25:19

“Nio rosi ama taku ko tova nia nabulu poso vo tanala ta ota vaitake, ni okai zariake tama lelepiko voko nabulu poso ko kai iruruputo voko takula.

Romu 1:17

Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”

Romu 3:27

Anime lula sidopu me evani mela ta loma ikio animeta meqai raurailou? Pulia quli! Noni kale avo inio so? Animeta pulia quli meba kai raurailou, ako animeta sidopu me eva vo Jisu vai oqu kale sole, melai pui Mosese ko Bazu ko lulueko kale.

Romu 4:11

Koko tova vasi inio vota o moveike, ni koa voko moveilo ta kama pado mamola ko evake koko kasa puekema voko oqu kale ama sidopu elo Baṉara ko vilu kasa. Nio vo Ebarahami ta sevo auvana kale ala taite o evake, seke tuvevo puevani vo Baṉara se sidopu ma kiolani, se pui movemove amu melai.

Romu 4:24

Kota ko rikiziovi tu mata anime kaqe, anime sidopu me evani mela animeko tuvevo puevo kale vo o saeviveni vo Jisu animevo Lekasa voukale azo.

Romu 4:5

Melai voa maba vo pui okai keruani voko iruruputo, melai vo okai keruani vo Baṉara, vo se kuirikuiri amu kuiripato pide o imani, voko oqu kale inio vo Baṉara ta o sidopu pueva vo.

Romu 4:7

“Ke zoleiva tisoiko seke koani ko akoezato, seko sarueko ta kota ma bouluiva sole.

Romu 4:9

Koa zoleilo vo Devita o kasekema ta se Jiu amu ko ko kiada ikio, seke koeni ko moveilo, kio? Maba pui! Se pui Jiu amu se pui kepa koeni ko moveilo melai keta zoleilou. Ako animeta lula me qea koa Tabu ama Riki topi ama kale, “Ebarahami ta tuvevo o ikake ko leveleveo inio ovai oquke vo Baṉara, nio koa oqu kale vota sidopu ala va kiolake vo Baṉara.”

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Qelesia 3:14

Ni vo Karisito ta soa mela vou o mela eve tu vo Baṉara ko mauruto Ebarahami kasi leveleveo o ikema ta ko barolo se pui Jiu amu kasi vo Jisu Karisito kale kude. Ni so inio animeta me voa vo Baṉara leveleveo o iveni Tabu ala Auvana animeko vai oqu kale vo Karisito.

Qelesia 4:15

Ni meta melai matu zoleike. So sole lai nio erisaṉa koa meko lai zoleilo? Aṉata pui ukaka a ika meko so keru ama zarizari ama kalo, ko roveovi tea meta mela lokoeko inio meko vilu tu me qatilo aṉa.

Epesasi 1:3

So sole animeta me ilusivo vo Baṉara, animevo Lekasa Jisu Karisito vo Mama, ako animeko omadeu vati elo vo Karisito kale inio vo Baṉara ta o katimele sole animeko auvana kale kiadama mauruto aukale azo ama.

Pilipai 3:9

tu aṉata vovo lala. Nio erisaṉa vo Baṉara ta sidopu o ila aṉa, pui aṉako lulueko kale Mosese ko Bazu, melai aṉako vai oqu kale vo Karisito.

2 Timoti 1:9

Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,

Jemisi 2:18

Melai esa kala ta eri kiovou, “Kala ta oqu sala, kala ta iruruputo sala.” Aṉako opato ta eri, “Ṉota pui ṉoba roveovou la kasevo kala maba vo o ṉeamukani ko iruruputo pide ama oqu. Melai aṉata aṉa kasekou aṉako oqu aṉako iruruputo kale.”

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.