Romu 4:16 - BAṈARA KO VAIRU AMA LEVELEVEO

¹⁶ So sole oqu tona inio koko raki ko leveleveo, tu koa leveleveo ta matu vinavina ko elou, vo Baṉara ko utuakoi zama puaro kale vo Ebarahami ko vikuvikula madu kasi, pui seke zorikani pala ko Bazu, melai se vo Ebarahami jaria oqu ke evani kasi. Ako vo Ebarahami ta animea kiada mela vo auvana kale ala taite sole;

Romu 4:16 Marejeleo ya Msalaba

Luke 19:9

Nio Jisu ta eri kiolake vo ni sai ke evani kasi, “Pakio ta kokai baroa komia pade vairutu, ako nea maba melai kala pado vo Ebarahami ko vikuvikula kale ala sole.

Romu 15:8

Ako aṉata a bazuemela me, ta vo Karisito ko saevo kale ama nabuluputo kale, vota nabulu oma eve se Jiu amu, tu kota kasa ko ivo vo Baṉara ta kerula kala kio, tu voko leveleveo seko taite poso kasi ama ta tuvevo ko elo,

Romu 3:22

Baṉara ta sidopu o ima sea kiadamu seke ṉeamuvani vo Karisito; ako kiadamu ta omadeuvo amu sole,

Romu 3:30

Vo omadeu pado Baṉara inio o sidopu puemou se Jiu amu ni se pui Jiu amu seko oqu kale.

Romu 4:11

Koko tova vasi inio vota o moveike, ni koa voko moveilo ta kama pado mamola ko evake koko kasa puekema voko oqu kale ama sidopu elo Baṉara ko vilu kasa. Nio vo Ebarahami ta sevo auvana kale ala taite o evake, seke tuvevo puevani vo Baṉara se sidopu ma kiolani, se pui movemove amu melai.

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 9:8

Kokale inio animeta me rovea paqumuko ta seke alilani Ebarahami ko vikuvikula kale ta pui vo Baṉara ko tuvevo ama meqora poso, melai seke alilani vo Baṉara ko leveleveo kale ta tuvevo ama vo Ebarahami ko vikuvikula madu.

Qelesia 3:14

Ni vo Karisito ta soa mela vou o mela eve tu vo Baṉara ko mauruto Ebarahami kasi leveleveo o ikema ta ko barolo se pui Jiu amu kasi vo Jisu Karisito kale kude. Ni so inio animeta me voa vo Baṉara leveleveo o iveni Tabu ala Auvana animeko vai oqu kale vo Karisito.

Qelesia 3:16

Ni vo Baṉara ta o erekake voko leveleveo Ebarahami ni voko vikuvikula kale ala kasi. Melai vo Baṉara ta pui eri kiolake, “ṉo ni ṉoko vikuvikula kale amu kasi” ta pui so kiolake, ako so kio ta matu kubo maba poso inio sole. Melai Baṉara ta eri nio kiolake, “ṉo ni ṉoko vikuvikula kale ala kasi,” kiolake. Ako so kio ta omadeu pado maba sole ni vo inio vo Karisito.

Qelesia 3:22

Melai kota pui so inio ko kava, ako ko Tabu ama Riki ta kasa ko ikake ko kiadama peuru ma peuru kale amu ta ke piriziake boutare kale, tu ko leveleveo ta koma katizio oqu kale se tuvevo ke ivani vo Jisu Karisito.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Epesasi 2:8

Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Taitasi 3:7

tu voko pakiezato sama roquano kale animeta sidopu me elou Baṉara ko kelokelozato kale ni animeta me ṉeamukou ko noqola kama saevo ko meqai zuatako.

2 Pita 1:10

So sole lolo poso, Baṉara ta o nokaemele ni o pitoemele me tu o ṉavi kaqe. Sole meta matu madoekomo ni kasa ikomo ta me inio voko tuvevo ama pitopito ama maba poso mela. Ni meta me erekou ko quli ta meta maba pui meba pialou.