Romu 2:26 - BAṈARA KO VAIRU AMA LEVELEVEO

²⁶ Kala pui Jiu ala vo pui movemove ala, melai vo o zorikani Bazu kikolani, vo inio tuvevo avole vo Baṉara o roquevani, vo lula movemove ala jari.

Romu 2:26 Marejeleo ya Msalaba

Matiu 15:28

Ni vo Jisu ta o kati tiorikake ko ni eri kiolake kokasi, “A ṉea ṉoa rekoreko ṉa ta matuma oqu salaṉa, so sole ṉo ṉoqa zariako quli ta ko ereilou ṉokasi,” kiolake vo Jisu, ni maba koa omadeuma taku kale inio koko meqora ta kota urikake.

Romu 2:25

Meta me zorikou ko Bazu inio meko moveilo ta kalo sama quli, melai meta me bikoirikou koa Bazu kikolani ta koa moveilo ta kalo pide ama ikio.

Romu 2:27

Me Jiu amu mela inio koa Bazu samela ni me inio mea movemovea mela, melai meta me bikoirika koa Bazu sole meta kuirikuiria mela se pui Jiu amu kasi, se pui movemove amu melai ke zorikani koa Bazu.

Romu 3:30

Vo omadeu pado Baṉara inio o sidopu puemou se Jiu amu ni se pui Jiu amu seko oqu kale.

Romu 8:4

Baṉara ta so o ikake tu vo Mosese ko Bazu koka zariako sidopu ta meqai baro anime me jaevani mela Baṉara ko Auvana kale, ni pui komia tupu ko saevo ko zario kale.

Qelesia 6:15

Ako vo Baṉara ko kelokelozato kale vo maba ta o moveilou ma pui o moveilou melai kota pui matuma quli. Melai ko matuma quli ta vo maba ta vairu o elou voko saevo kale Tabu ala Auvana ko pizato kale.

Epesasi 2:11

So sole me pui Jiu mu mela meko alilo kale, meta kerukeruekomo ko eri. Se Jiu mu ta ke melai kuirika meta pui me moveivani mela, melai ke ṉavi nio ke moveivani nio kikelani. Melai koa moveilo ta maba ko erekako tupu kale ama pala ikio.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

Kolosi 2:11

Meko omadeu vati elo kale vo ta meta lula me qoa meko auvana kale ama mamola. Karisito inio lula soa mamola puemelo o eva voko rupasimelo kale me sarueko ko pizato kale azo. Koa mamola ta omadeuvo se Jiu amu ke erekako moveilo ko mamola jari, ko seke erekako seko tupu kale ama, melai koa mamola meko ta pui maba o erekako melai Karisito o erekako ikio.