Romu 12:7 - BAṈARA KO VAIRU AMA LEVELEVEO

⁷ ma ṉota nabuluputo ko puaro saṉa ṉo elou ta ṉota ṉo nabuluputou; ma ṉota kama nianiiekato ko puaro saṉa ṉo elou ta ṉota ṉo nianiiekatou;

Romu 12:7 Marejeleo ya Msalaba

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Iruruputo 13:1

Ni Anitioko peuru kale ama lotu qoqono kale ta iniseana so keru kake poropita madu ni titisa madu: seta Banabasi, Simeoni (Sibi ala va kikelani), Lusiasi (Sairini ala), Manaeni (vo Herodi qavuna sase ke rapukiveni) ni Saula.

Iruruputo 20:20

Meta meqai nianiia ta aṉata pui aba tamela kaitike kama tauvezato sama quli so keru aṉa a bazubazute keru ni a nianiiekate keru meko padoilo kale ni me ṉaviṉavi ko pade poso kasi.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Iruruputo 6:1

Ni kama taku poso ko tova, inio seke tuvevo putani ta kubo keta evake, koa taku inio se Jiu amu Quriki pesio mu seke tuvevo putani ni se Jiu amu ke ṉaviko Jiu ama pesio mu seke tuvevo putani ta keta aivekiniake ke ṉavio kude. Se Quriki pesio ama Jiu amu ta keta tirazake ako seko naboko poso ta lula ukaka kemai ika Jiu pesio mu ṉaniu poso kale ke puarikake sailao ma seleni seke koako sole.

1 Koriniti 12:28

Vo Baṉara ta lula o vaemela animea kiada mela me ṉaviṉavi ko zaekale voko lotu qoqono kale. Kuleto ta se apositolo madu, omuqama pado zaekale ta o vaema se poropita madu, ni zouke ala pado zaekale ta o vaema se nianiiekato ko maba madu. Koko tova ta se aqasiele ama iruruputo ko maba poso, koko tova ta se urikato ko maba poso, ni seke tauvemani edolomu, ni seke korokorotimani se lotu qoqono azaazama iruruputo kale, ni se kekai pesiani pui kekai nianiiako pesio kale.

1 Koriniti 12:5

Animeta mevai nabuluputa animevo Lekasa azaazama koidi kale, melai voa omadeu pado Lekasa inio meva nabuluputa.

1 Koriniti 14:26

So sole eri nio, a qaka ni visi poso mela. So keru meme doraekinia keru ilusato keru kala pado maba ta okai keraova ilusato ko kera, kala ta o nianiiekata, kala ta okai bazuta ko quli vo Baṉara kasa ova ikako, kala ta okai bazuta ko pui ko paqumuako pesio kale ama bazu, kala ta o pepelika koa bazu kikolani. Meta erekomo kiadama komi quli lotu qoqono ko tauvemo ama keve kale.

Qelesia 6:6

Ni meme qoani mela vo Baṉara ko nianiiekato ta puarikomo kiadama uri ama quli kama kena meko nianiiekato ko maba poso kasi.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

Kolosi 4:17

Ni bazuevomo vo Akipasi, tu vota o tovoziko ereko koa iruruputo Jisu lula ova pitoekema vo tu vota o ereko.

1 Timoti 2:7

Sokale avo inio aṉata a joroiva kala apositolo lala tu a nianiiekimo se pui Jiu amu, tu aqai bazubazuto ko oqu ni tuveano ko bazu. Aṉata ada tuveana, pui a lipata!

1 Timoti 3:2

Lotu qoqono kale ala vilua pikopiko ta kuiripato pide o elou, vota o ṉeamukou omadeu pado reko, vota o balauvani, ni o kaitiziani, ni vota inobea elola; ni vota o baroekimou se edoloma maba madu voko pade kale; ni vota bokao saṉa o elou tu o ereko ko nianiiekato;

1 Timoti 4:16

Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.

1 Timoti 5:17

Se lotu tanatanamu seke uria erekani seko odikato ko iruruputo ta ke male tu seta ke uria kerukeruilou ni ke kovou ko uri ama tabara. Ni kota ko matu suirima se kekai mumuasa puivani ko bazubazuto ni nianiiekato.

2 Timoti 2:2

Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

2 Timoti 2:24

Ako vo Lekasa vo nabulu ta pui o male tu vota o aivepato sole. Melai vota o baisemou kiadamu, uri ama ni paṉao sama nianiiekato kale,

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.