Romu 12:6 - BAṈARA KO VAIRU AMA LEVELEVEO

⁶ Vo Baṉara ta o mela puarika azaazama iruruputo, so sole ko male tu animeta meqai iruruputo animeko azaazama puaro poso. Nio ṉota Baṉara kasi azo ama bazu kai bazuto ko puaro saṉa ṉo elou, ta ṉota ereka ko ṉoko oqu ko podepodeti kale;

Romu 12:6 Marejeleo ya Msalaba

Matiu 23:34

So inio aṉata a bazuemela me, aṉata a joroemou se poropita madu ni se nianiioma maba poso ni seke nianiiekatani mekasi. Melai kake ta me vouvaemou ni kake ta me batoemou korosi topi ni kake ta me bazomou ilusato ko pade kale ni me butuemou peuru kale azo kama peuru kale.

Matiu 25:22

“Ni vo o kativeni omuqa vuro takula ta mata o kuevake ni eri kiolake, ‘Lekasa, ṉota ṉo qatile aṉa omuqa vuro takula, ni aṉata mata a qoa kama omuqa vuro takula ni komi ta ṉoko ariku vuro takula,’ kiolake.

Luke 11:49

Sokale avo inio vo nianiio sala Baṉara ta eri kioveni, ‘Aṉata a joroemou sekasi se poropita madu ni apositolo madu, nio kake seta ke vouvaemou ni kake ta ke niumaniumaemou.’

Iruruputo 13:1

Ni Anitioko peuru kale ama lotu qoqono kale ta iniseana so keru kake poropita madu ni titisa madu: seta Banabasi, Simeoni (Sibi ala va kikelani), Lusiasi (Sairini ala), Manaeni (vo Herodi qavuna sase ke rapukiveni) ni Saula.

Iruruputo 15:32

Ni Jiudasi ni Sailasi ta poropita kidi nio rosi ama taku kale qo kasekani nioqa sekasi ko zuvarato ni pizatimo ko bazubazu.

Iruruputo 2:17

‘Komi quli kio aṉa a ereko ama tovama taku kale kiola vo Baṉara: Aṉata a raibikou aṉako Auvana kiadamu tona: Meko lasive meqora poso ni reko meqora poso ta kekai bazutou aṉako bazubazu; meko vairu ama maba poso ta ke kelou kama kelokelozato ni meko qole ama maba poso ta ke uloitikou kama uloito.

Iruruputo 21:9

Vota ariku sinaqu rusu meqora sala se kekai bazubazutani vo Baṉara ko bazubazu Tabu ala Auvana ko mai avozio kale.

Romu 1:11

Ako aṉata aqa matu zaria tu mela lelo me, tu a melai puariko ko Auvana ko mauruto tu kota ko pizatimelou me.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

1 Koriniti 12:18

Melai vo Baṉara ta lula o vaeke tupu tona kiadama koko azaazama kata poso voko zario kikovevo jari.

1 Koriniti 13:2

Aṉata Baṉara kasi azo ama bazu kai pesio ko pizato saṉa abe elou, ma abe paqumukou kiadama mutamuta kama quli ni kiadama nianiio Baṉara kasi azo ko kuevako saṉa abe elou, ma aṉata matuma oqu salala koko roveovou vatutiko ko sopu poso, melai aṉata puliama roquano salala tea, aṉata pulia quli jari nio.

1 Koriniti 14:1

Meta luluekomo ko roquano ko keve, ni meta kai dikidauputomo Tabu ala Auvana o puarikako pizato poso. Melai vo Baṉara kasi azo ama bazu poso kai pesio ko pizato ikio qulepo ama tu meta kai dikidauputomo.

1 Koriniti 14:24

Melai mea kiada mela ta me qasekou muli vo Baṉara kasi azo ama bazu Tabu ala Auvana ko pizato kale, nio so keru kala vo pui o tuvevo putani ma o vairua tuvevo putani o amaqea keru sai vota o vakakukou voko sarueko ko quli vo o viqako quli kale. Koa kiadama quli vo o viqako quli ta ko titizivou vo,

1 Koriniti 14:29

Omuqa ma zouke maba madu ta ke kasekou ko Baṉara kasi azo ama bazu ni mea kiada mela ta me didianou ni me uria kerukeruekou koa bazu kikolani tu meda ka kelou kota vo Baṉara kasi azo ma pui.

1 Koriniti 3:5

Lala inio vo Apolosi? Ni lala inio vo Paula? Eqeta vo Baṉara ko nabulu qela pala inio qe odiemeleni qela me nio meta oqu saṉa me eve. Eqeta vo Baṉara o katiqeleni qela koa koidi tu eqeta qe ereko ko.

1 Koriniti 7:7

Mea kiada mela ta omadeuvo aṉa jaria mela tea uri, melai Baṉara ta o katimela anime azaazama bokao, tu kake ta ke rorotou, melai kake ta pui ke rorotou.

2 Koriniti 8:12

Ako meta dikidauputole me erekou meko katizato ta, vo Baṉara ta oka zoleilou meko katizato me meqai bokaovako ereko, ni pui opa ka zariovou ko me pui meqai bokaovako quli ereko sole.

Epesasi 3:5

Ako lulama taku keru ama maba poso ta pui kepa kai nianiiovi sole koa mutamuta kama vatolo. Melai erisaṉa vo Tabu ala Auvana kale inio vo Baṉara ta kasa o ika koa mutamuta ko evema vatolo se apositolo madu ni se poropita madu kasi.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

Pilipai 3:15

Ni animea kiada mela me muqarani mela auvana kale ta me zuatikou koa omadeuma kalo. Melai kake mela ta edolovo me ikou meko kalo, ta vo Baṉara inio zakaremu o mela ikou.

1 Tesalonaika 5:20

ni meta pui kai kedu vo Baṉara o vati soroekako bazu poso.

2 Pita 1:20

Ni matu qulepo ama quli tu meta meqai uria nianiiovou ko eri: puliama bazu Tabu ama Riki topi ama ta kepa utu ereke se poropita madu ke ṉaviko kerukeru kale.