Romu 12:3 - BAṈARA KO VAIRU AMA LEVELEVEO

³ Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

Romu 12:3 Marejeleo ya Msalaba

Luke 18:11

“Ni vo Parese ta o edoliake lojolo o kiada ni o vararaitake ni eri kiolake, ‘Aṉata a ilusiṉa ṉo, Baṉara, aṉata pui kuilokuiloa lala ni pui lipalipa kalala, pui a zavematani lala, kiadama maba poso jari. Aṉata a ilusiṉa ṉo aṉata pui voa takisi o koani jaria lala.

Jone 3:34

Vo Baṉara ta o soroeve vo ni vota okai bazubazute vo Baṉara ko bazubazu, ako vo Baṉara ta ovai avozike vo vovo pado ala Tabu ala Auvana sole.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Romu 11:20

Kota tuvevo. Koa kata poso ta ko lopai ako seta pui kepa tuvevo pute sole, melai ṉota pui ṉo lopaiva ako ṉota ṉo duvevo puta sole. Melai ṉota pui raurailo, melai ṉota balauve.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

Romu 12:16

Meta kerukeruekiniomo muli. Meta pui rauraraurailo, melai paṉao kale ṉeamukomo meko koidi. Ni meta pui kai aikailo meko nianiio.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

1 Koriniti 3:10

Aṉata ava irurupute vo Baṉara koa bokao vo o katilema kale ni aṉata a dauvemele me tu mevai oqu vo Jisu, omadeuvo kala roverove ala pade ko ereko kale ta o ereka ko piza kama lado vola jari. Ni erisaṉa edolola maba Apolosi inio o nianiiekatani mekasi omadeuvo kala maba vo o padematani koa vola topi jari. Melai animea kiada mela ta meva iruruputa vo Baṉara tu me dauvekinio voko qoqono kalea mela omadeuvo kala maba vo o orumukani ko pade jari. So sole animea kiada mela ta uria korokoroti me ikou animeko iruruputo.

1 Koriniti 7:17

Animea kiada mela ta mebeta ziovou koa uri ama kalo kale ko anime meqai evema so keru vo Lekasa Jisu o nokaemele keru anime. Komi kio koa bazu ko aṉa aqai nianiiekatako kiadama lotu qoqono poso kale.

2 Koriniti 10:13

Melai eṉeta ṉeqai raurailou koa iruruputo vo Baṉara o katiṉelema tu ṉe ereko. Mata kama quli ta pui ṉeba kai raurailou. Ni mekasi inio vo Baṉara ta o soroeṉele eṉe tu ṉe iruruputo.

2 Koriniti 12:13

Meta eri kimela, ta aṉata a zaraemela me edoloma lotu qoqono poso kasi azo, ako aṉata pui riteraite aba melai ike me seleni ko ranama tauvezato sole, kio? Meta akoekato saṉa ilomo koa aṉako sarueko kale avo!

2 Koriniti 12:7

Melai vo Baṉara ta o zarie ko aṉa ko tolaelako quli koko kuevako Setani kasi azo. Vota o zarieka tu ko tolaelo tu aṉata pui aqai rauraraurailo ko aṉata lula a qea koa kubo aqasiele ama quli.

Qelesia 6:3

Ni kala ta eri kiovou “Aṉata qulepoa lala,” kiovou, melai vota pulia quli maba inio vo, ta ota lipalipata o ṉavi.

Epesasi 3:2

Ako meta esa lula me viqe vo Baṉara ko katilo aṉa komia koidi voko pakiezato sama roquano kale tu aṉata a dauvemelo me.

Epesasi 3:4

ni so keru meme ataekou keru ko quli aṉa a rikiekako nio meta me qelou aṉako paqumuko vo Baṉara ko vatolo mutamuta kama ko evema, ko vo Karisito kale kasa ko evema.

Epesasi 4:16

Ni komia pado ama tupu ta Karisito ko ikio. Ni kiadama komia tupu ko kata poso ta omadeu tauvekinio ni pizatikinio ko eva vokale. Kiadama koa tupu ko kata poso ta ko ereka ko ṉaviṉavi ko iruruputo poso. So inio komia pado ama tupu ta ko rapuka ni ko pizata roquano kale.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Kolosi 1:29

Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

Kolosi 2:13

Lulavo meta pui saevo mela auvana kale, ako so keru meta sarueko poso samela sole, ni meta pui Baṉara ko toutou Izireli kale amu mela, Baṉara ko Bazu pidea mela koko katiziovima Mosese kale kude. Melai erisaṉa vo Baṉara ta o saevimela me Karisito sase, Baṉara ta lula ota mela akoeka kiadama animeko sarueko poso.

1 Timoti 1:14

Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

1 Timoti 2:15

Melai se rekoreko ta ke pataitou seko oqu kale ama elo ni roquano ni tabu elo, ni seko inobe ama kalo kale, nio seta ke pakiovou seko kovo kale ko meqora.

1 Timoti 2:9

Aṉata mata ama zaria se rekoreko tu uria saboilo ke elo seko zarazarailo ni paṉao kale; pui seko viriviri toukale ni pui kama qolo, ni kama bavi ko toruru ni kama matuma tatabara sama suma poso.

Taitasi 2:12

Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

Taitasi 2:2

Bazuema se lasive ama qoleqole poso tu seta inobe ni nianiio ke elou, ni ke uria odiziovou ke ṉavi; tu ke pizatou seko kai oqu kale ko tuveano, ni seko roquano kale, ni pataito kale.

Taitasi 2:4

tu ke tauvemo se vairu ama rekoreko poso tu ke roquemo seko lasive poso ni meqora poso,

Taitasi 2:6

Ni mata so jari bazuema se vairu ama maba poso tu ke uria odizio ke ṉavi.

Jemisi 4:6

Melai ko tauvezato sama roquano vo Baṉara o puarikako ta kobe kai paloasa koa ṉaloṉalo ama vatolo, Tabu ama Riki kikolani jari, “Baṉara ta seke aikaivani vo kana, melai seke zarazaraivani ta o katima ko tauvezato sama roquano.”

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

3 Jone 1:9

Aṉata a rikieve kala riki se lotu qoqono madu kasi. Melai vo Daeoterapesi ta ota lupaoke viqo aṉa kialani, ako vo inio o raurarauraivani sole tu mevo vilua pikopiko o elou.