Romu 10:12 - BAṈARA KO VAIRU AMA LEVELEVEO

¹² Komi ta ko tuboemela kasemelo animea kiada mela, ako anime Jiu amu mela ni anime pui Jiu amu mela ta puliama koko edolovo sole; Baṉara inio animea kiada mela vo Lekasa vo mauru o imelani animea kiada mela ni o nokaemelani vokasi.

Romu 10:12 Marejeleo ya Msalaba

Iruruputo 7:59

Ni se kebeta ola keru taivo vo Sitiveni vota matuma kora kale ovai petaoke vo Lekasa ni eri kiolake, “Lekasa Jisu, tala koa aṉako auvana!” kiolake.

Iruruputo 9:14

Vota o kuela Damasikasi se raura kama siama madu ko pizato ni zariekato sate tu o noqoeṉelo eṉea kiada ṉela ṉo ṉe ilusiṉani ṉela,” kiolake.

Romu 14:9

Ako vo Karisito ta o vovi ni mata o saeve voukale azo, tu vota se saevomu ni se voumu vo Lekasa o elo.

Romu 15:12

Ni mata, Aisea ta eri kiolake, “Kala pado vo Jese ko vikuvikula kale ala ta o puratou, ni vota Lekasa oma elou se peuru ma peuru kale ama qoqono poso, ni seta kevai keruvou vo,” kikolako.

Romu 2:4

Ṉo ṉoqai keduani ṉa voko matuma roquano, ni kaitizio, ni inobe, ta tuvevo avole ṉota pui ṉoqai nianiia vo Baṉara ko roqueṉo ṉo ta vota obe madoe odieṉo ṉo tu o liliṉo, kio?

Romu 3:22

Baṉara ta sidopu o ima sea kiadamu seke ṉeamuvani vo Karisito; ako kiadamu ta omadeuvo amu sole,

1 Koriniti 1:2

mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 15:47

Ni vo kuleto ala Adami ta miduku kale o erei. Melai omuqala Adami ta o kuevi aukale azo.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Epesasi 2:4

Melai vo Baṉara ko akoezato sama roquano ta palopaloasi ama ni vota matuvole o roquemele anime,

Epesasi 2:7

Ni vota o erekake komi quli tu kiadama maba madu ta ke kelou ko kuevako taku kale noi tinia aqasiele ama ikio voko pakiezato sama roquano. Ako koa pakiezato sama roquano ta noqola kasa ko eve sole voko roquemelo kale anime omadeu me vati evani mela vo Jisu Karisito.

Epesasi 3:16

Ni aṉata a baseva vo Mama, tu vota o katimelou me ko pizato voko matuma ṉaṉaidara kale azo, tu meta me bizatou meko auvana kale voko Tabu ama Auvana kale.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Pilipai 2:11

ni eri kikevou, “Jisu Karisito ta animevo Lekasa inio,” kikevou. Ni so inio kiadamu ta ke rauraevou vo Mama Baṉara.

Pilipai 4:19

Ni aṉavo Baṉara vo aqasiele ama batiro aukale ama sala ta o katimelou kiadama quli meko saevo ko korotiko ama quli, ako meta omadeu me vati evani mela vo Jisu Karisito sole.

Kolosi 1:27

Kota vo Baṉara ko zario tu kota uria kasa ko elo voko maba madu kasi, se kiadama peuru ma peuru kale ama qoqono poso kale amu, koa bazu lulavo mutamuta kama ko evema, ko qulepo ama ni ṉaṉaidara kama. Komi kio koa bazu: vo Karisito ta o eva meko saevo kale, ni Sokale avo meta me uria vakakuka ta meta meqai zomanou pado ama vo Baṉara ko ṉaṉaidara ni mauruto.

Kolosi 3:11

So sole vo Jisu Karisito omadeu saevo me vati evani mela kale ta puliama koko edolovo se pui Jiu amu pui movemove amu ni se Jiu amu lula movemove amu, ni se edolokoi kazo amu, ni se piru ama siqoa maba poso, ni se mabaku poso, ni se pui mabaku poso. Animea kiada mela ta omadeu me eva Karisito kale vo raura kala.

1 Timoti 2:5

Ako vo Baṉara ta omadeu pado sole, ni vo tabu ala Baṉara ni boutare sama maba poso ko tiania o evani ta mata omadeu pado, vo Jisu Karisito o ṉi sala maba,

Kelokelozato 17:14

Ni seta ke vati pazokiniou vo Sipi Meqora, melai vo Sipi Meqora, ni se o nokaemeni ni o pitoemeni ni se piza kama oqu samu ke luluevani vo, ta ke koqotaemou se, ako vota piza kala Lekasa kiadama lekasa poso azo ni vota piza kala Aikovakova kiadama aikovakova poso azo sole,” kiolake vo mateana.

Kelokelozato 19:16

Voko rosia sabosabo ni kiti topi ta ko rikiziovi koa ṉi: “Piza kala Aikovakova kiadama aikovakova madu azo ni Piza kala Lekasa kiadama lekasa poso azo,” ikio koa ṉi.