Romu 1:8 - BAṈARA KO VAIRU AMA LEVELEVEO

⁸ Kuleto aṉata a qaseka aṉako uriavo vo Baṉara kasi vo Jisu Karisito kale kude mea kiada mela kale avo, ako komia pado ama peuru ma peuru ta ko viqa meko oqu ko bazu sole.

Romu 1:8 Marejeleo ya Msalaba

Matiu 24:14

Ni komia Uri ama Bazu vo Baṉara ko lekasa puo ko ta kekai bazubazutou komia peuru ma peuru kale tu kiadamu ta ke roveovou viqo. Sai kazo inio peuru ma peuru ta ko ruvurou,” kiolake vo Jisu.

Luke 2:1

Koa taku keru inio vo Romu ala Matu Aikovakova Auqasitasi ta o soroekake kama pado bazu koa Romu ko vailo kale ama peuru ma peuru kale amu kasi, tu seta ke zio tu kepa ataito kiolake.

Iruruputo 11:28

Ni kala pado se azo Aqabasi va kikelani ta o lojoake ni vo Tabu ala Auvana ko pizato kale vota o pidokikake ko matuma nioṉe koko ereilo ama koa pado ama Romu ko kati vailako peuru ma peuru kale. (Kota tova inio ko baroi vo Kalaudiasi Romu ala Aikovakova ko taku keru.)

Iruruputo 28:22

Melai eṉeta ṉeda ṉai zaria taṉa viqo ṉoko kerukeru, ako ṉe baqumuka ta kiadakoi zama maba poso ta ke perima ṉoko pitasa madu sole,” kikelake.

Romu 10:18

Nio noi nio: tuvevo ikio ko seta pui kepa viqe koa Bazu kio? Koe, seta maba ke uria viqe—omadeuvo ko Tabu ama Riki kikolani jari: “Seko pesio ko kora ta lula kokai zaroa kiadama peuru ma peuru; seko pesio poso ta lula ko baroa au ko sipo kasi,” kikolako.

Romu 16:19

Kiadama maba ta lula ke viqa meko sidopu sama iruruputo vo Jisu Karisito ko Uri ama Bazu kale, ni Sokale avo inio aṉata a mela zoleiva me. Aṉata a mela zaria me tu meta nianiio emo, uri ama quli kale, ni meta rurubiatana emo ruqe kasi azo.

Romu 6:17

Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.

1 Koriniti 1:4

Kiada keru aṉata a melai rauraeva vo Baṉara koa tauvezato sama roquano vo o katimelako kale ako meta vo Jisu Karisito ko mela sole.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

Epesasi 1:15

Sokale avo inio aṉata a qerukeruemela me kiada keru aṉako vararaito kale, ni aṉata a qaseka aṉako uriavo vo Baṉara kasi mekale avo. Ni kiada keru aṉata soa vararaito a eve so keru a viqe keru azo meko vai oqu vo Lekasa Jisu ni meko roquemo kiadama vo Baṉara ko maba madu.

Epesasi 3:21

so sole animeta mevai rauraeko vo Baṉara voko ṉaṉaidara kiada keru voko lotu qoqono kale ni animeko omadeu vati elo vo Jisu Karisito kale, latau ṉaniu ni ka ṉaniu. Emeni.

Epesasi 5:20

Ni vo Lekasa Jisu Karisito ko ṉikale meta kativomo meko uriavo kiadama quli kale avo vo Baṉara animevo Mama.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Pilipai 1:3

Kiada keru aṉa a qerukeruemela keru me, aṉata a qaseka aṉako uriavo Baṉara kasi mekale avo,

Kolosi 1:3

Eqeta qe kativa eqeko uriavo vo Baṉara kiada keru, animevo Lekasa Jisu Karisito vo Mama, so keru eqe qe melati vararaita keru me.

1 Tesalonaika 1:2

Kiada keru eṉeta ṉe qativa vo Baṉara eṉeko uriavo mekale avo, ni eṉeta ṉe qasemela me kiada keru eṉeko vararaito kale.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

2 Timoti 1:3

Aṉata a ilusiva vo Baṉara, vo aṉa ni aṉako taite poso ṉeva nabuluputani eṉeko uri ama vatolo kale. Aṉata a ilusiva vo kiada keru a qerukerueṉa keru ṉo aṉako vararaito kale ipu ni ṉaniu.

Pilimone 1:4

A baerebaere Pilimone ṉa, kiada keru aṉa a vararaita keru aṉata a qaseṉa ṉo ni a qativa ko uriavo aṉavo Baṉara.

Hiburu 13:15

So sole vo Jisu ko pizato kale animeta pui me lalamatou ilusivo vo Baṉara, ako ko ikio animeko siqasiqa sole. Animeta mevai bazubazutou animeko kora kale edolomu kasi ta vo inio animevo Lekasa.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.