Romu 1:7 - BAṈARA KO VAIRU AMA LEVELEVEO

⁷ Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Romu 1:7 Marejeleo ya Msalaba

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Jone 20:17

Nio Jisu ta o bazuekake ko, “Ṉota pui kamalo aṉa, ako aṉata pui nio a qoiva a Mama kasi sole. Melai ṉota sidopu avole ola aṉako disaipeli poso kasi tu pa lai bazute sekasi, ‘Aṉata ada koilou inio vo aṉavo Mama ni mevo Mama kasi, vo aṉavo Baṉara ni mevo Baṉara kasi,’ ” kiolake.

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 9:13

Nio vo Ananaiasi ta o opatake ni eri kiolake, “Lekasa, matu kubo maba madu ta lula kevai bazuta nea maba aṉa kasi ni kiadama tapata poso vo o erekako ṉoko maba madu kasi Jerusalema ke evani kasi.

Romu 1:6

Me Romu peuru kale amu mela melai lula o nokaemela vo Baṉara tu meta vo Jisu Karisito ko mela me elo.

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 5:5

Ni koa keru ta pui quraqurati ama quli anime kasi, ako Baṉara ta lula o raibike voko roquano animeko bulo poso kale vo Tabu ala Auvana kale, vo lula o katiziovini tu anime kaqe.

Romu 8:28

Animeta meqai nianiia ta kiadama quli vo Baṉara ta uria ereko o eva anime me roquevani mela vo kaqe ni anime o nokaemelani mela voko vatolo kale.

Romu 8:39

pui peuru ma peuru ko topi vasi ko evako quli ni koko vima ko evako quli —pui koa kiadama quli vo Baṉara o erekema peuru ma peuru kale ikio kopa pitasimelou anime vo Baṉara ko roquano kasi azo vo o mela puarikema vo animevo Lekasa Jisu Karisito kale kude.

Romu 9:25

Vo Hosea ko buka kale ko rikiziovima ikio so ka kiovema ko eri kikolako, “Se pui aṉako madu kepa eveni se inio aṉako maba madu ke elou. Koa toutou ko aṉa pui aba roquekema aṉata a matu roquemou se.

1 Koriniti 1:24

Melai se Baṉara o nokaemani kasi, Jiu amu melai pui Jiu amu melai, komia Bazu ta ko kaseva vo Karisito, vo kasa o ikani Baṉara ko pizato ni ṉisa nianiio.

1 Koriniti 16:23

Vo Lekasa Jisu ko pakiezato sama roquano ta ko elou me tona.

2 Koriniti 13:14

Vo Lekasa Jisu Karisito ko pakiezato sama roquano, ni Baṉara ko roquano, ni vo Tabu ala Auvana ko bairumuo ta ko elou me tona.

Qelesia 6:18

A qaka ni visi poso, aṉata a melati vararaita me tu animevo Lekasa Jisu Karisito ko pakiezato sama roquano ta ko elou meko saevo kale. Emeni.

Epesasi 1:2

Ni aṉata a vararaita, tu vo Baṉara animevo Mama ni vo Lekasa Jisu Karisito ta o katimelou me voko roquano ni bule.

Epesasi 6:23

Ni aṉata a vararaita tu vo Baṉara animevo Mama ni vo Jisu Karisito ta o katimelou kiadama lotu maba mela voko bule ni oqu sama roquekinio.

Pilipai 1:2

Ni aṉata a melati vararaita, tu vo Baṉara animevo Mama, ni vo Lekasa Jisu Karisito ta o katimelou ko pakiezato sama roquano ni bule.

Pilipai 4:13

Ako vo Karisito inio o pizatilani sole. So inio aṉata a rovea kai zoleilo kiadama quli ko a doraeko ama quli kale.

Pilipai 4:20

Nio animeta me ilusivo animevo Mama Baṉara latau ṉaniu ni ka ṉaniu. Emeni.

Pilipai 4:23

Ni aṉata a vararaita tu vo Lekasa Jisu Karisito ko pakiezato sama roquano ta ko elou mea kiada mela tona. A baika.

Kolosi 1:2

Aṉata a joroeka komia leta me Kolosi peuru kale amu mela kasi vo Baṉara ko qoqono mela kasi, eṉeko kerula kama tamania kale amu mela, lula omadeu me evani mela vo Karisito sase. Eqeta qe vararaita tu vo Baṉara animevo Mama ta o katimelou ko tauvezato sama roquano ni bule.

Kolosi 3:12

Me inio vo Baṉara ko mabamu mela, vo lula o pitoemeleni mela ni o roquemelani mela tu meta o ṉaviko me elo. So sole meta roquekiniomo meko tauvekinio kale, ni isuatomo, ni zarazaraimo, ni baisekiniomo, ni inobe emo.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

1 Tesalonaika 1:1

Aṉa Paula lala ta a rikieka komia leta, Sailasi ni Timoti sase, mea Tesalonaika peuru kale ama lotu qoqono mela kasi, vo Baṉara animevo Mama ko madu mela ni animevo Lekasa Jisu Karisito ko madu mela kasi. Ni aṉata a vararaita tu vo Baṉara ko roquano ni bule ta ko elou me tona.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Tesalonaika 1:4

Eṉeko kaka poso ni visi poso mela, eṉeta ṉeqai nianiia ta vo Baṉara ta o roquemela me ni vota o pitoemele me tu o ṉaviko mela me elo.

1 Tesalonaika 4:7

Ako vo Baṉara ta pui opa nokaemele tu animeta me elo kuna kama quli kale melai animeta tabu me elo.

1 Tesalonaika 5:28

Aṉata a melati vararaita me, tu vo animevo Lekasa Jisu Karisito ko roquano ta ko elou me tona. A baika.

2 Tesalonaika 1:2

Ni aṉata a mela vararaita me, tu vo Baṉara animevo Mama ni Lekasa Jisu Karisito ko roquano ni bule ta ko elou me tona.

2 Tesalonaika 3:16

Nio animevo Lekasa Jisu o ṉavi, vo bule ko raki, ta o katimelou me ko bule kiadama keve kale kiada keru. Ni aṉata a melati vararaita me tu vo Lekasa Jisu ta o elou mea kiada mela sase.

2 Tesalonaika 3:18

Aṉata a melati vararaita me, tu vo animevo Lekasa Jisu Karisito ko pakiezato sama roquano ta ko elou mea kiada mela tona.

1 Timoti 1:2

Aṉata a rikieka komia leta ṉo Timoti ṉa kasi aṉavo maba meqora jaria laṉa vo Jisu Karisito vai oqu kale. Ni aṉata a vararaita tu vo Baṉara animevo Mama ni Jisu Karisito animevo Lekasa ta o katiṉou ṉo voko tauvezato sama roquano, ni baiseo, ni bule.

1 Timoti 6:2

Sea mabaku poso se lotu maba tanamu samu ta pui ke kaikuapo zorimo seko tanamu eri kio sama kerukeru kale, “Animevo tanala ta animea lotu tamania kale ala pala.” Melai seta kema uria nabuluputo se, ako sea tanamu seke koani ko tauvezato sea mabaku poso ko iruruputo kale ta tuvevo puto ko maba madu sole ni sea mabaku poso ta ke roquema seko tanamu sole. Ṉota kai nianiiekate ni kai bazubazute komi quli poso.

2 Timoti 1:2

Aṉata a rikieka komia leta ṉo Timoti ṉa kasi, aṉavo maba meqora jaria laṉa. Ni aṉata a vararaita tu vo Mama Baṉara ni Jisu Karisito animevo Lekasa ta qo katiṉou ṉo ko pakiezato sama roquano, ni baiseo, ni bule.

2 Timoti 4:22

Aṉata a vararaita tu animevo Lekasa ko mauruto ta ko elou ṉoko auvana kale. Ni aṉata a vararaita tu vo Baṉara ko roquano ta ko elou mea kiada mela tona. A baika.

Taitasi 1:4

Aṉata a rikita ṉo Taitasi ṉa kasi aṉavo maba meqora jaria laṉa vo Jisu Karisito vai oqu kale. Ni aṉata a vararaita tu vo Baṉara animevo Mama ni Jisu Karisito animevo Pakio ta o katiṉou ṉo voko pakiezato sama roquano ni bule.

Pilimone 1:25

Ni aṉata a vararaita tu vo Lekasa Jisu Karisito ko pakiezato sama roquano ta ko elou mea kiada mela tona. A baika.

Pilimone 1:3

Ni aṉata a vararaita, tu vo Baṉara animevo Mama, ni vo Lekasa Jisu Karisito ta qo katimelou ko pakiezato sama roquano ni bule.

Jemisi 1:1

Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

1 Pita 1:15

Melai meta tabutabuo kale erekomo kiadama quli, ako vo Baṉara vo o nokaemeleni me ta tabu ala sole.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

2 Jone 1:3

Vo Baṉara animevo Mama ni vovo Meqora Jisu Karisito ko pakiezato sama roquano, ni tauvezato sama roquano, ni bule ta ko elou anime tona. Ni animeta me qovou vo Karisito ko tuveano ni roquano ko puratikako mauruto.

Kelokelozato 2:1

“Ṉota eria rikito eve sai Epesasi ama lotu qoqono ko mateana kasi: Eri nio koa bazu koko kuevako vokasi azo vo koa sikeura suti voko palo ṉase topi sala ni o taliani koa sikeura qolo papupapu juke ko ko tiania:

Kelokelozato 2:12

“Ni ṉota eria rikito eve sai Peqamami ama lotu qoqono vo mateana kasi: Eri nio koa bazu koko kuevako vokasi azo vo omuqa rana ivoivo ama benisi sala.

Kelokelozato 2:18

“Ṉota eria rikito eve sai Taiataira ma lotu qoqono ko mateana kasi: Eri nio koa bazu koko kuevako vo Baṉara vo Meqora kasi azo, vo o vilu ta uza ko urusana jaria urusoma vilu sala, ni o kiti ta matu bulebule ama barasi jaria kapikapito ama sala.

Kelokelozato 2:29

“Uri tu meta paqumukomo meme viqako quli vo Tabu ala Auvana kiolani sikeura lotu qoqono poso kasi!

Kelokelozato 2:8

“Ni ṉota eria rikito eve sai Samena ama lotu qoqono ko mateana kasi: Eri nio koa bazu koko kuevako vo kiadama quli ko tanitanila ni koko paitopaito sala kasi azo, vo o vovini ni mata o tova saeveni voukale azo.

Kelokelozato 22:21

Vo Lekasa Jisu ko pakiezato sama roquano ta ko elou mea kiada mela Baṉara ko maba poso mela tona.

Kelokelozato 3:14

“Ṉota eria rikito eve sai Leodisia lotu qoqono ko mateana kasi: Eri nio koa bazu vo Emeni kasi azo ko kuevako, vo kerula kala ni tuvevo ala bazubazuto ko maba, ni koko raki ota ka evani kiadama quli vo Baṉara o erekema.

Kelokelozato 3:22

“Uri tu meta paqumukomo meme viqako quli vo Tabu ala Auvana kiolani sikeura lotu qoqono poso kasi!”

Kelokelozato 3:7

“Ṉota eria rikito eve sai Piladelepia peuru kale ama lotu qoqono ko mateana kasi: Eri nio koa bazu koko kuevako vo Tabu ala ni Tuvevo ala kasi azo. Vo inio vo Devita ko vidulu o ṉeamukani nio so keru vo o veuka keru ko tibulu inio puliala ta o rovea tibuliko ko, ni so keru vo o tibulika keru ko inio puliala ta o rovea veuko.