Romu 1:21 - BAṈARA KO VAIRU AMA LEVELEVEO

²¹ Seta kevai nianiia vo Baṉara, melai seta pui ke rauraeva vo ni ke ilusiva vo voko malezivako raurailo kale, ako ko utube ama kerukeru poso ta niuniala ni kutumana kota ma ika seko bulo poso sole.

Romu 1:21 Marejeleo ya Msalaba

Jone 3:19

Nio eri nio koa titizato: vo zakaremu ta o kuevi komia peuru ma peuru kale, melai se maba madu ta ke matu roqueke ko kutumana voko zakaremu kasi azo, ako seta boutare samu sole.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 1:19

Baṉara ta o katima se ko koqotato, ako o ṉavi ta lula o mati vakakuka sole, so sole kota ko male tu seta ke paqumuvo vo.

Romu 1:28

Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko.

Romu 11:10

Seko vilu ta leqa ko elou ni seta pui kepa roveovou kelokelozato; ni seko tapata poso ta ko lokulokuemou se kiadama taku keru,” kiolake.

Romu 15:9

tu se pui Jiu amu melai ke roveo ilusivo vo Baṉara voko akoekato sama roquano kale. Ko Tabu ama Riki kikolani jari, “So sole aṉata a ilusiṉou ṉo pui Jiu amu sase, Aṉata a ilusiṉou ṉo a qera kale,” kikolako.

2 Timoti 3:2

Ako koa taku kale maba poso ta ke ṉavi ke kerukeruilou, ni ke vailivailikou ko takula, ni ke aikailou, ni ke rauraraurailou; seta keta ruqe pesiovou, ni pui kepa zorimou seko mama ni niania poso, puliama seko kaseko seko uriavo, ni seta Baṉara ko bazu ke bikoirikani maba madu;

1 Pita 1:18

Ako meta meqai nianiia ta meta kalo pidea saevo me eveni mela meko taite poso ke kaevo jari lulavo. Melai vo Baṉara ta o pakiemele me. Vota o tabarimele me ni o rupasimele me meko taite poso ke erekema jari ama kalo kale azo. Ni ko quli me ko rupasimelema quli ta pui ko quli ko niaqariako quli kale omadeuvo siliva ni qolo.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

Kelokelozato 14:7

Ni vota eri kiolake matuma kora kale, “Tava paṉaomo vo Baṉara, ni rauraevomo vo! Ako taku ta kota baroa tu o titizimo kiadama maba poso sole. So sole ilusivomo vo, vo au ni miduku, ni ivere, ni ju poso o erekeni!” kiolake.

Kelokelozato 15:4

Lala inio pui opa taṉa panaovou, Baṉara? Lala inio ota ka lupaovou taṉa kaseko ṉoko naizato? Puliala! Ṉo tisoiko ṉo qiada Tabua laṉa. Kiadama toutou poso ta ke kilou ilusatole ṉoko taqo kale ako kiadamu ta lula ke kea ta ṉoko iruruputo ta sidopu ama sole.”