Pilipai 2:7 - BAṈARA KO VAIRU AMA LEVELEVEO

⁷ So inio vota o vaekake voko peuru Baṉara sate ama, ni vota pulia quli jari ota evake o ṉavi. Ni ota alilake maba jari ni nabulu ota evake.

Pilipai 2:7 Marejeleo ya Msalaba

Matiu 12:18

“Nei nio aṉavo Nabulu vo a bitoeveni, ni vo a matu roquevani ni vo ava matu zoleivani. Aṉata a joroekou aṉako Auvana vo tona, ni vo inio okai velavelaovou sidopu ko keve kiadama komia peuru ma peuru kale ama maba poso kasi.

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Maka 9:12

Nio Jisu ta eri kiolake sekasi, ‘Tuvevo Ilaija inio o kilou kuleto tu o korokorotikou kiadama quli. Melai noi sole inio ko Tabu ama Riki ta eri kikola, aṉa maba a eveni lala ta a dolailou ni kelai kaikuapou se maba madu?

Luke 22:27

“Lala inio vo raura kala, vo o papuani ni o vuatani, ma vo ova nabuluputani vo? Meta meqai nianiia, vo o papuani inio. Melai aṉata a nabuluputani lala inio mekasi a eva keru,” kiolake.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Romu 1:3

Koko raki komia Uri ama Bazu ta vo Baṉara vo Meqora animevo Lekasa Jisu Karisito ikio. Vo maba jaria ereilo ni alilo o eveni vo Devita ko vikuvikula kale,

Romu 15:3

Ako vo Karisito ta pui opa zolei o ṉavi pala ko Tabu ama Riki kikolani jari, “Koa riqariqato se kuiripato ko maba poso ke erekako ṉo tona ta ko loa aṉa,” kikolako.

Romu 15:8

Ako aṉata a bazuemela me, ta vo Karisito ko saevo kale ama nabuluputo kale, vota nabulu oma eve se Jiu amu, tu kota kasa ko ivo vo Baṉara ta kerula kala kio, tu voko leveleveo seko taite poso kasi ama ta tuvevo ko elo,

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

2 Koriniti 13:4

Ako vota o vouvai korosi topi lekuleku ala, melai erisaṉa vota o saeva vo Baṉara ko pizato kale. Ni eṉe voko apositolo ṉela ta lekulekua ṉela, melai eṉeko mekasi ama iruruputo kale eṉeta ṉeqai zomanou kovo vo Baṉara ko pizato vo Karisito ko saevo kale, nio piza kavole ṉe jidopu puemelou me.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Qelesia 4:4

Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.

Pilipai 2:6

Ako vo Jisu Karisito ta Baṉara jari kiadama quli kale. Melai voko Baṉara jari elo ta pui opa kai kaite tu o vaeko.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 13:3

Kerukeruemomo tu tauvemomo se pirito pade kale ke evani maba poso; omadeuvo se jaria piripiri emo. Ni so jari meta kerukeruemomo se tapata ke evani, omadeuvo meta me lainika seko tola jari.

Hiburu 4:15

Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.