Pilipai 1:8 - BAṈARA KO VAIRU AMA LEVELEVEO

⁸ Ni vo Baṉara melai okai nianiia koko tuveano ta aṉata aqai matu zaria tu a mela lelo me. Ako aṉata a matu roquemela me sole vo Jisu Karisito ko roquano kale.

Pilipai 1:8 Marejeleo ya Msalaba

Luke 1:78

Ako animevo Baṉara ta matuma tauvezato ko roquano sala sole. Koa voko roquano kale ta o melai barolou aukale azo animevo Pakio, omadeuvo vo o peatani ṉaniu ko zakaremu jari,

Romu 1:9

Aṉata ava nabuluputa vo Baṉara aṉako pado ama bulo sate kai bazubazuto kale vo Baṉara vo Meqora ko Uri ama Bazu. Ni vo Baṉara ta o rovea zomano aṉa a qasekako quli kale. Vota okai nianiia aṉako kerukeruemelo me

Romu 9:1

Aṉata a qasekou ko tuvevo ama quli; tuvevo avole aṉata vo Karisito vo lala sole pui a lipalipatou. Aṉako kerukeru ta ko aveaveiva vo Tabu ala Auvana kale, ni kota tuvetuve ko ila aṉa ta aṉata pui kala lipalipa kalala.

2 Koriniti 13:9

Aṉata ada zoleilou tu zara elo, meta me bizatou meko oqu kale ta. Nio aṉako vararaito ta meta maba bea maba sidopu me elou.

2 Koriniti 6:12

Eṉeko roquano ta pui silo ama mekasi, melai meko ikio silo ama eṉe kasi.

2 Koriniti 7:15

So inio voko roquemelo me ta kobeta pizata, ako vota o kerukerueka mea kiada mela ko dikidauputole lulueko voko bazu, ni meko baroekivo vo meko paṉao ni zarazarailo kale.

Qelesia 1:20

Ni vo Baṉara ta obe kai nianiia ko quli aṉa a rikiekako quli ta pui lipalipa kama.

Qelesia 3:26

Ni vai oqu kale vo Karisito inio mea kiada mela ta vo Baṉara ko meqora poso mela.

Qelesia 4:19

Meta aṉako meqora poso jaria mela. Ako aṉata a melai matu tolaiva me omadeuvo ko niania ta ko tolaiva jari, so keru koko vijara keru. Ni aṉata soa tolailo abeta elou, ti kobeta barolou meko Karisito jari elo.

Pilipai 2:1

Meta meda pizata ako meta omadeu saevo me evani mela vo Karisito sate sole, ni meta meda patuka ako vota o roquemela sole. Ni meta me bairumua vo Tabu ala Auvana sate, ni meta me qerukeruekinia ni me roquekinia me ṉavio kude voko pizato kale.

Pilipai 2:26

Ako vota oka matu zaria tu o mela lelo sole mea kiada mela. Ni vota tiṉoliṉoli ota eva ako meta me viqe ta vota ota verepe sole.

Pilipai 4:1

A visi poso, aṉata a roquemela me ni a melai zaria mela lelo me, ako me inio me matu zolela aṉa ni aṉata a melai rauraiva me sole. So sole meta beta olamo luluevo vo Lekasa Jisu ko aṉa a melai bazuekevo jari.

Kolosi 2:1

Aṉata aqa zaria bazuemelo me aṉako mela matu koidipo me, ni se Leodisia mu, ni kiadamu se pui ke toraelani aṉa.

Kolosi 3:12

Me inio vo Baṉara ko mabamu mela, vo lula o pitoemeleni mela ni o roquemelani mela tu meta o ṉaviko me elo. So sole meta roquekiniomo meko tauvekinio kale, ni isuatomo, ni zarazaraimo, ni baisekiniomo, ni inobe emo.

1 Tesalonaika 2:5

Meta meqai nianiia ta puliaka taku inio eṉeta ṉeba oluoluemele me, ni vo Baṉara inio okai nianiiani ta eṉeta puliama viluloqu sama kerukeru kale inio eṉeta ṉe irurupute mekasi.

1 Tesalonaika 2:8

Ako eṉeta ṉe matu roquemele me, so sole eṉeta ṉeqai zariake melati bazueko me ko Uri ama Bazu, ni eṉeta mata ṉeqai zariake melati koidipo me eṉeko pado ama saevo kale. Ako eṉeta soa matu roquemelo inio ṉe evake me sole.

2 Timoti 1:4

Aṉata a qerukerueka ṉoko deumu, ni aṉata aqai matu zaria tu ṉelo ṉo, so inio aṉata a zoleilou.

Pilimone 1:12

Erisaṉa aṉata a vaitoeva vo ṉokasi, ni aṉata a matu roqueva vo, o vaela aṉa sole.

Pilimone 1:20

So sole a baerebaere ṉa, ṉota uri ala tauvezato la eve aṉa animevo Lekasa va nabuluputo kale, ni ṉota zoleka mata aṉako bulo!

1 Jone 3:17

Ni kala batiro ala lotu maba ta obe velou kala vovo lolo olaquavo o evani melai pui o roquevou tu o tauvevo vo, ta vo Baṉara ko roquano ta maba puliama voko bulo kale!