Matiu 9:2 - BAṈARA KO VAIRU AMA LEVELEVEO

² Sai nio kake maba madu ta ke vati olake kala maba vokasi, pui o roveani vezokato, ke borivani bourobouro kale. Nio so keru vo Jisu ota ma kea keru seko oqu vota eri kiolake voa vere ala maba kasi, “Zolei, meqora! Ṉoko sarueko poso ta kota ṉa akoiva,” kiolake.

Matiu 9:2 Marejeleo ya Msalaba

Matiu 14:27

Melai Jisu ta o pesiake sekasi ni eri kiolake, “Meta pui ṉalo; aṉata Jisu lala inio,” kiolake.

Matiu 4:24

So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu.

Matiu 6:12

ni taṉela akoeka eṉeko sarueko poso ko lula eṉe ṉe erekako, omadeuvo eṉeta ṉeda ma akoeka jari seke saruekani eṉe kasi.

Matiu 8:10

Ni so keru Jisu o viqa keru ko quli, vota aqasiele ota evake ni vota oma lilitake sea maba poso seke luluevani vo ni eri ma kiolake se, “Aṉata a bazuemela me, komi jari ama oqu sala maba ta puliakoi aba veve, se Izireli amu kasi melai pui aba keve soama oqu!

Matiu 8:16

Ni raisiraisi kota evake inio maba poso ta ke mati olake matu kubo maba madu se ziolo komai onobatani Jisu kasi. Nio Jisu ta o rerikake koa ziolo poso voko pesio kale, ni o urikimake se vere amu.

Matiu 9:22

Nio vo Jisu ta oka lilitake koa rekoreko ni o keake ko, nio eri kiolake kokasi, “Zolei, meqora. Ṉoko vai oqu vo Baṉara ta ko urikiṉa ṉo,” kiolake. Ni maba koa taku kale inio kota kota urikake.

Matiu 9:5

Maba pui tapata tu eri kio, ‘Ṉoko sarueko poso ta kota ṉa akoiva,’ ako meta pui me qea voko sarueko ta kota va akoiva kio ma pui, melai matu tapata ikio tu eri kio, ‘Loje tu tali,’ ako mea kiada mela ta me qelou ta vota ota lojoa kio ma pui sole.

Matiu 9:6

Sole aṉata kasa a mela elou me, aṉa maba a eveni lala ta pizato salala komia peuru ma peuru kale tu a akoekou maba ko sarueko poso,” kiolake. Nio vo Jisu ta eri kiolake voa maba kasi, vo pui o roveani vezokato, “Ṉota loje ni lokieka ṉoko kobo ni ola ṉo bade kasi!” kiolake.

Maka 1:32

Nio raisiraisi ṉaniu obe jeita keru nio maba poso ta ke mati olake matu kubo maba madu seke verepani ni ziolo komai onobatani Jisu kasi.

Maka 10:49

Nio vo Jisu ta o dokolake ni eri kiolake, “Nokaevomo vo.” So sole seta ke nokaevake voa leqa kala maba ni eri kikelake, “Zolei tu zolai ako vota o nokaeṉa sole,” kikelake.

Maka 5:34

Nio vo Jisu ta eri kiolake koa rekoreko kasi, “Meqora, ṉoko vai oqu vo Baṉara ta ko urikiṉa ṉo. Sole ṉota pui ṉo ṉalou, ako ṉota lula ṉoda urika sole.”

Maka 6:50

ako sea kiadamu ta ke veake vo ni keta matu ṉake sole. Melai tutumazi avole Jisu ta eri kiolake sekasi, “Meta pui ṉalo; aṉa ta Jisu lala inio,” kiolake.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Jone 2:25

Puliala obe vai bazuemou se maba poso vo Jisu melai vota o uria paqumukake maba ko bulo kale ama kerukeru.

Jone 21:5

Nio Jisu ta eri kiolake sekasi, “Meva, puliama niuniu me qoa kio?” kiolake. “Puliama,” kikelake.

Iruruputo 14:9

Vota o papuake sai ni o didiekake Paula kiolani. Ni Paula ta o veake vo ni ota va paqumukake voa maba ta o tuvevo puekake ta vota ota roveovou uriko kiolake, so sole Paula ta o toiritoirivake vo,

Iruruputo 19:12

Suma lupilupi lezu kale ama ni ailolo sabosabo vo lula okai iruruputako ta ke kati olake vere amu kasi, ni seko vere poso ta koma epezikake, ni ko ziolo poso melai kota ma rerikake.

Iruruputo 23:11

Ni koa ipu kale inio vo Lekasa Jisu ta o lojoake Paula ko sipole ni eri va kiolake, “Pui ṉalo! Ṉota lula ṉolai bazubazuta aṉa koi Jerusalema peuru kale, ni ṉota mata soa bazubazuto ṉolai elou Romu peuru kale,” kiolake.

Romu 5:11

Pui koko kiada, melai animeta meqa zoleiva ko quli vo Baṉara o erekema vo animevo Lekasa Jisu Karisito kale, vo erisaṉa anime Baṉara ko baerebaere poso o imelani.

Jemisi 2:18

Melai esa kala ta eri kiovou, “Kala ta oqu sala, kala ta iruruputo sala.” Aṉako opato ta eri, “Ṉota pui ṉoba roveovou la kasevo kala maba vo o ṉeamukani ko iruruputo pide ama oqu. Melai aṉata aṉa kasekou aṉako oqu aṉako iruruputo kale.”