Matiu 8:4 - BAṈARA KO VAIRU AMA LEVELEVEO

⁴ Nio Jisu ta eri kiolake voa maba kasi, “Pui ṉoqai bazutou komi kala kasi, melai ṉota ola sidopu avole vo siama kasi tu o lelepiṉo saita inio ṉota ṉo erekou koa siqasiqa vo Mosese ko Bazu ko melati soruekako tu kiadamu ta ke tuvevo puekou ko ṉota erisaṉa ta ṉoda urika kio.”

Matiu 8:4 Marejeleo ya Msalaba

Matiu 10:18

Aṉako luluelo ko kio kale sole meta ke melati ziovou titizimelole qavuna madu kasi ni aikovakova poso kasi, tu meqai bazutou vo Baṉara ko Uri ama Bazu sekasi ni se pui Jiu ama maba poso kasi.

Matiu 16:20

Ni Jisu ta piza kavole o bazuemake o disaipeli madu tu seta pui kekai bazutou maba madu kasi ta vo Jisu nio vo Baṉara o pitoeveni Pakio.

Matiu 17:9

Nio seke saqora keru sopu kale azo, nio Jisu ta o bazuemake sea zouke disaipeli madu ni eri kiolake sekasi, “Mata puliala mevai bazuekou koa kelokelozato meme qeako ti kobeta barolou aṉa maba a eveni lala ko mata saevo voukale azo.”

Matiu 3:15

Melai vo Jisu ta o vati tiorikake vo ni eri kiolake vokasi, “Komia taku kale ta vaeka tu so ko kalo tu aniqeta qe korotiko vo Baṉara oka zariani tu qe ereko,” kiolake. So sole vo Jone ta o opatikake vo Jisu ko zario.

Matiu 5:17

Ni vo Jisu ta obeta olake bazubazuto, ni eri ma kiolake se, “Pui kerukerueko ta aṉata a queva tu sebiekole vo Mosese ko Bazu ni se poropita madu ko nianiiekato. Aṉata pui a queva tu epezikole ko melai aṉata a queva tu se kikevevo ta tuvevo ko elou.

Matiu 6:1

Nio vo Jisu ta obeta olake bazubazuto ni eri kiolake sekasi, “Meta balauvomo tu pui me erekou meko uri ama iruruputo ubutiania tu maba poso ta ke mela lelo me. Ako meta me erekou ko quli ubutiania ta meta pui meba ṉeamukou ko reketekete mevo aukale ala Mama kasi azo sole.

Matiu 9:30

Nio nioqako vilu ta kota urikake ni qota keazakeazatake. Melai Jisu ta o bazuevake nioqa tu nioqata pui qokai bazutou edolomu kasi ko quli koko ereivako nioqa kasi.

Maka 13:9

“Ni meta me ṉavi nio me balauvou. Ako seta ke noqoemelou, ni ke melati ziovou titizikinio kale ni seta ke pazomelou ilusato ko pade kale ni ke lojoemelou me se Lekasa poso ni Qavuna madu ko tanama kale, ni so inio meta meqai bazutou ko Uri ama Bazu sekasi.

Maka 3:12

Melai vota o riqaekake koa ziolo poso tu pui kevai bazuto noni ala maba inio vo Jisu.

Maka 5:43

Ni vo Jisu ta o katimake se matu piza kama bazu tu seta pui kekai bazutou kake kasi. Ni vota mata eri kiolake, “Meta katikomo ko sailao tu ko vuato,” kiolake.

Maka 6:11

Melai so keru meme barolou keru kama pado peuru kale ni maba poso ta pui ke baroekimelou ni pui ke didiemelou me, ta meta me vaekou koa peuru, ni me bapazikou meko kiti kale ama pari tu ko mamola pueko seta pui Baṉara ko madu inio,” kiolake.

Maka 7:36

Nio Jisu ta matuvole o pasemake se tu seta pui kekai bazutou voko urikivo voa maba; melai kiada keru Jisu ta omai bazueka kiadama maba tu pui ke bazubazutou, melai seta kebe vai bazubazuta inio mati vo Jisu.

Maka 8:30

Ni Jisu ta o bazuemake se tu seta pui kekai bazutou ta vo inio vo Baṉara o pitoeveni Pakio.

Maka 9:9

Ni seke saqora keru sopu kale azo, nio Jisu ta o bazuemake sea zouke disaipeli madu ni eri kiolake sekasi, “Meta puliala mevai bazuekou koa keazakeazato meme qeako, ti kobeta barolou aṉa maba a eveni lala ko mata saevo voukale azo,” kiolake.

Luke 17:14

Nio vo Jisu ta o meake se ni eri kiolake sekasi, “Olamo tu pa lupasiomo se siama madu kasi,” kiolake. Ni so keru se kebeta ola keru inio seta keta urikake ni bulebule tupu keta evake.

Luke 21:13

Soama taku kale inio meta meqai bazutou ko Uri ama Bazu sea maba madu kasi.

Luke 4:41

Ziolo poso melai o rerikake kubo maba poso kale azo, ni koa ziolo poso ta kota upaupatake ni eri kikolake, “Ṉota vo Baṉara vo Meqora ṉa!” kikelake. Melai vo Jisu ta o kaqarikake koa ziolo poso tu ko moizailo, ako kota kovai nianiia ni kovai bazuta ta vo inio vo Baṉara o soroeveni Pakio.

Luke 5:14

Ni Jisu ta eri va kiolake vo, “Pui ṉoqai bazutou komi kala kasi, melai ṉota ola sidopu avole vo siama kasi tu o lelepiṉo saita inio ṉota ṉo erekou koa siqasiqa vo Mosese ko Bazu ko melati soruekako tu kiadamu ta ke tuvevo puekou ko ṉota erisaṉa ta ṉoda urika kio,” kiolake.

Luke 8:56

Ni koko niania ni mama ta qota polosake, melai Jisu ta o bazuekake nioqa tu nioqata pui qokai bazuto kala kasi koko ereilama quli kiolake.

Luke 9:21

Nio Jisu ta o matu kaitimake se tu seta pui ke kasekou ko kala kasi.

Jone 5:41

“Aṉata pui nio aqa zaria rauraraurailo maba poso kasi.

Jone 7:18

Ako eri nio sole: vo maba vo o kasekani o ṉaviko pizato kale ta oka zaria puratiko o ṉaviko ṉaṉaidara pala. Melai vo ova zariani ṉaṉaidara puevo vo o soroeveni, ta tuvetuve ala ni puliama lipalipato sala.

Jone 8:50

Aṉata pui a vailika a ṉaviko raurailo mekasi. Melai vo o vailikani ko mekasi ta inevoana, ni vo inio vo o titizato ala.