Matiu 6:4 - BAṈARA KO VAIRU AMA LEVELEVEO

⁴ Ni koa kalo kale ta me ṉavi me qiada inio meqai nianiiovou meko puaro. Ni mevo Mama vo o keani meko moiza kalo kale ama puaro ta reketekete saṉa o imelou me.”

Matiu 6:4 Marejeleo ya Msalaba

Matiu 10:42

Meta uria kai nianiimo komi quli, vo o kativo ala kama kapa saroro ju pala kala zara kala, ako vota aṉavo lulupato ko maba sole, ta vo Baṉara inio reketekete saṉa o ivou voa maba,” kiolake vo Jisu.

Matiu 6:18

tu puliala ta okai nianiiovou meko pui vuato, melai mevo Mama, vo puliala o veani, vo inio okai nianiiovou ko. Ni mevo Mama, vo o keani ko meme erekako quli moiza kalo kale, vo inio o katimelou me meko reketekete.”

Matiu 6:3

Melai meta pui so me qalou, so keru meme buarou keru tu me dauvevou keru kala olaquala maba, melai meta erekomo moiza kalo kale tu puliala ta o melai nianiiovou meko puaro.

Matiu 6:6

Melai meta pui so me qalou. So keru meme vararaitou keru meta me amaqeovou meko lose kale ni me dibulikou ko veutu, ni me vararaitou mevo mutamuta kala Mama kasi, vo puliala o veani, ni mevo Mama vo o keani ko meme erekako quli moiza kalo kale, vo inio o katimelou me meko reketekete.

Luke 14:14

nio vo Baṉara ta mauru o iṉou ṉo, ako seta pui kepa roveovou ereko koko vaitotola sole. Melai Baṉara ta o katiṉou ṉo koko besibesi so keru se sidopu amu ke saevou keru voukale azo,” kiolake.

Luke 8:17

“So jari nio ko quli ko meme qamikako quli ta kasa ko elou ubutiania, ni ko quli koko mutaivako quli ta kasa ko elou.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

Hiburu 4:13

Pulia quli ta ko rovea tava daipailo vo Baṉara, kiadama quli peuru ma peuru ko ereima ta kasale voko keazato kale. Animea kiada mela ta me lojolou voko kuleto ni animeta meqai eraeraovou kiadama quli ko lula anime me erekako quli.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.