Matiu 6:2 - BAṈARA KO VAIRU AMA LEVELEVEO

² “So sole so keru meme buarou keru tu me dauvemou se olaquamu meta pui meqai aikailou ko omadeuvo se kekai lipalipaitani ko sidopu ke kavani jari, meko ilusato ko pade kale ni matu keve tona. Seta so ke kava tu maba poso ta ke melo se tu ke rauraemo. Melai aṉata a bazuemela me, seko reketekete ta puliama Baṉara kasi, ako seta lula ke koa seko reketekete maba kasi sole.

Matiu 6:2 Marejeleo ya Msalaba

Matiu 15:7

Me lipalipa kamela! Ko quli vo Baṉara ovai bazuekema vo poropita Aisea tu o rikieko mekale avo ta tuvevo ama,

Matiu 16:3

Ni omadeu vikale meta eri kimela, ‘Mainio nioro kopa elou ako ko lei ta sibi kutukutu sole,’ kimela. Meta me rovea kai nianiio ko ururu ni nioro ako me qea sole ko lei, ta noi sole inio meta pui meqai nianiia komia taku ko mamola?

Matiu 22:18

Melai Jisu ta lula obe tamai nianiia seko ruqe ama vatolo, sole vota eri ma kiolake, “Me meqai lipalipaitani mela ko sidopu! Meta mela zaria pala inio madoelo aṉa.

Matiu 23:5

“Seta ke ereka kiadama quli tu maba poso ta ke melo. Ni ke lupika Tabu ama Riki melai seko kape topi, tu seta raura kamu ke elo maba poso ko vilu kasa. Ni seta kekai aikaivani seko suma ko puzipuzi.

Matiu 23:6

Ni seta kekai zariani papu raura kama papupapu ṉojola kale ni so jari kekai zariani kai papu raura kama papupapu ilusato ko pade kale.

Matiu 24:51

Ni vovo lekasa ta matuma koqotato o kativou tu vota okai zomanou se kekai lipalipaitani ko sidopu ke kovo ama koqotato. Nio sai nio seke zialoa koi ni taka ke roinaroinaekoa koi,” kiolake vo Jisu.

Matiu 5:18

Tuvevo avole aṉata a bazuemela me, puliama kama supi vo Mosese ko Bazu kale ama quli ta kopa besiziovou, ti kobeta barolou miduku ni au ko paitopaito ni kiadama quli ko ruvuro.

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:3

Melai meta pui so me qalou, so keru meme buarou keru tu me dauvevou keru kala olaquala maba, melai meta erekomo moiza kalo kale tu puliala ta o melai nianiiovou meko puaro.

Matiu 6:5

Nio vo Jisu ta obeta olake bazubazuto ni eri kiolake sekasi, “So keru meme vararaitou keru meta pui se kekai lipalipaitani ko sidopu jari me qalou, se keka matu zariani tu vararaito ilusato ko pade kale ni matu keve tona tu kiadama maba poso ta ke melo se. Aṉata a bazuemela me, seta puliama reketekete samu vo Baṉara kasi, ako seta lula ke koa seko reketekete maba poso kasi sole.

Matiu 7:5

Ṉoa lipalipa kalaṉa! Kazieka kuleto ṉo ṉaviko vilu kale ama kobukobu, saita inio ṉota ṉo qelou ni ṉo qaziekou ṉovo lolo ko vilu kale ama vuruvuru.

Maka 12:39

Ni tama balauvomo seke pitoekani kai papu raura kama papupapu ilusato ko pade kale, ni ke pitoekani qulepo ama zae ṉojola kale.

Maka 7:6

Nio vo Jisu ta o mati tiorikake ni eri ma kiolake se, “Meta meqai lipalipaitani mela ko sidopu, ako ko quli vo Baṉara ovai bazuekema vo poropita Aisea kasi tu o rikieko mekale avo ta matu tuvevo, ko eri kikovema, ‘Nia maba poso ta ke rauraela aṉa seko pesio kale, melai seta pui ke roquela aṉa,

Luke 11:41

Melai meta katimomo se ozaoza kamu meko peleta ni kapa kale ko evako quli, nio kiadama quli ta bulebule ko melai elou vo Baṉara ko vilu kasa.

Luke 11:43

“Matu ruqe ama quli kio ko melai barolou me, mea Parese poso mela! Ako meta meqa zaria kai papu ko raura kama papupapu ilusato ko pade kale ama ni meta meqa zaria tu ke rauraemelo se maba poso meme ola keru tatabarao ko zaekale.

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 12:56

Mea lipalipa kamela! Meta me rovea paqumuko ko miduku kale ama quli ni ko okale ama quli ni me rovea pidokiko ko varo ko talio ni kilo, melai noi sole inio meta pui me baqumuka ko aṉa a erekako quli mekasi ko kio ni kalo komia taku kale?” kiolake.

Luke 13:15

Nio vo Lekasa Jisu ta eri kiolake, “Mea lipalipa kamela! Mea kiada mela melai me rupasikani mela meko bulumakau ma doqi ko titi koko pade kasi sai koko titiziakoi kazo ni me qati olani mela jukasi tu ko nozutou Sabati ṉaniu kale.

Luke 20:46

“Tama balauvomo se Mosese ko Bazu kekai nianiiekatani, seke lipiani seko rosia sabosabo sate tu maba poso ta ke rauraemo tatabarao ko zaekale sai maba poso ke padoivakoi. Ni tama balauvomo seke pitoekani kai papu raura kama papupapu ilusato ko pade kale ni ke pitoekani qulepo ama zae ṉojola kale.

Luke 6:24

“Melai ruqe ama quli kio ko melai barolou me erisaṉa batiro me evani mela, ako meta lula me qoa meko patukato sole, ti kota kota korota inio, puliama mata kama meba kovou!

Luke 6:42

Ṉota pui eri kio ṉovo lolo kasi, ‘Zariela tu aṉata ada ṉa kazieko ṉoko vilu kale ama vuruvuru,’ kiṉovou, melai ṉo ṉaviko vilu kale ta ikoana matuma kobukobu! Noa lipalipa kala ṉa! Kazieka kuleto ṉo ṉaviko vilu kale ama kobukobu, saita inio ṉota ṉo qelou ni ṉo qaziekou ṉovo lolo ko vilu kale ama vuruvuru,” kiolake.

Jone 13:29

Jiudasi ta seleni baeke o kati vailani, so sole sea disaipeli madu ta ke kerukerutake ta Jisu ta o soroeva vo tu vota opa tatabaraeko kama ṉojola ko quli esa, ma tu o katimo kama seleni se ozaoza kamu tauvemole esa, kikelake.

Jone 5:41

“Aṉata pui nio aqa zaria rauraraurailo maba poso kasi.

Jone 5:44

Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa?

Jone 7:18

Ako eri nio sole: vo maba vo o kasekani o ṉaviko pizato kale ta oka zaria puratiko o ṉaviko ṉaṉaidara pala. Melai vo ova zariani ṉaṉaidara puevo vo o soroeveni, ta tuvetuve ala ni puliama lipalipato sala.

Iruruputo 10:2

Vota kala vararaito ko maba; vo ni voko pado ama saidi ta ke ilusivani vo Baṉara. Vo melai o matu tauvemani se Jiu ama ozaoza kama maba poso, ni vo pui o lalamatani vararaito Baṉara kasi.

Iruruputo 10:31

ni eri kiolala, ‘Koniliasi! Baṉara ta ota ṉa viqala ṉoko vararaito ni vota ota ṉa keala ṉoko puaropuaro sama iruruputo se ozaoza kamu kasi.

Iruruputo 10:4

Nio vota o toiritoirivake voa mateana ni voko ṉalo sate vota eri kiolake, “Loma ikio, tanala?” kiolake. Nio vo mateana ta o vati tiorikake vo ni eri kiolake, “Vo Baṉara ta oka zoleiva ṉoko vararaito ni ṉoko tauvezato sama iruruputo, ni vota o kerukerueṉa ṉo.

Iruruputo 11:29

Ni seke tuvevo putani ta ke vatoekake tu seta ke padoekou ko seleni omaomadeu ke navinavi ko bokao kale tu seta ke soroeko ni ke tauvemo seko lotu baerebaere poso se Jiudia peuru poso kale ke evani.

Iruruputo 24:17

“Aṉata a vaeke ko Jerusalema kubo sabere poso, ni aṉata mata a qeve sai ni a qati keve kama seleni a mabamu kasi ni mata a ṉavi ta a ereko ko siqasiqa kialake.

Iruruputo 9:36

Ni Jopa peuru kale ta kobeta evake ka pado rekoreko koko tuvevo putako koko ṉi ta Tabita. Koko ṉi Quriki pesio kale ta Dokasi kio, ni koko kio ni kalo ta “Dia” ka kikelako matu ileile ama ariku kiti ama biaṉa kio. Kota ko ṉamuke kiadama koko taku koko uri ama iruruputo ko ereko kale ni tauvemo kale se ozaoza kamu.

Romu 12:8

ma ṉota edolomu ko zuvarimo ko puaro saṉa ṉo elou ta ṉota ṉo zuvarimou se. Vo o puarikani edolomu kasi voko quli ta o puarikou zoleilo kale. Vo pizato sala ta o uria erekou voko koidi; ni vo o tauvezatani ta o tauvezatou zoleilo sase.

1 Koriniti 13:3

Aṉata a buarikou kiadama aṉako batiro se ozaoza kamu kasi, ni aṉata a zariekou aṉako tupu tu kota ko siqailo, melai aṉata roquano pidea lala tea kota utube ama ikio.

Qelesia 2:10

Ni seta omadeu quli ko kiada ikio ke paseqelake eqe, tu qepeta ziovou tauvemo se ozaoza kamu Jerusalema. Ni ko quli kio aṉa melai aqai matu zariako tu a ereko.

Epesasi 4:28

So inio vo o kuileni voko lulama saevo kale ta o epezou kuilo ni o iruruputou voko ṉase kale tu o kovou saevo ko korotikako quli, ni omai tauvekou koa uri ama quli se ozaoza kamu.

1 Tesalonaika 2:6

Eṉeta pui ṉeba kai zariovi tu ṉe ilusio mekasi, ni mata pui ṉeba kai zariovi ilusio edolomu kasi.

1 Timoti 6:18

Bazuema se tu seta kemai tauveko edolomu seko batiro, tu seko zolemo ama ta seko uri ama kalo ko elo, ni kekai zoleilo seko mati puaro se edoloma maba poso.

Pilimone 1:7

A baerebaere ṉa, ṉoko roquano ta ko matu zolela ni ko zuvarila aṉa, ako ṉota lula ṉoda ma zoleka kiadama vo Baṉara ko maba poso ko bulo sole.

Hiburu 13:16

Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.