Matiu 6:19 - BAṈARA KO VAIRU AMA LEVELEVEO

¹⁹ Nio vo Jisu ta obeta olake bazubazuto ni eri kiolake sekasi, “Meta pui padoeko meko batiro miduku kale, ako sai nio kota moatakou ni ko narakou, ni sai ta se kuilokuilo amu ta ke puraekou ko pade, ni ke kuilikou ko batiro sole.

Matiu 6:19 Marejeleo ya Msalaba

Matiu 19:21

Nio Jisu ta o vati tiorikake, ni eri va kiolake, “Ṉota ṉoqai zaria matu uri ama maba ṉa elo, sole ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi. Saita inio ṉo luluelou aṉa,” kiolake.

Matiu 6:20

Melai meta padoekomo meko tuvevo ama batiro aukale, meko ereko kale koa uri ama iruruputo vo Baṉara oka zariako, tu vota o katimelou noqola kama reketekete. Ako aukale ta pui kopa moatakou ni pui kopa narakou sole, ni puliala kuilokuilo ala ta opa puraekou koa pade tu o kuilikou koa batiro.

Luke 12:21

Ni Jisu ta eri kiolake, “Omadeuvo so jari inio keta elou sea kiadamu seke padoekani ke ṉaviko batiro poso, melai seta ozaoza kamu vo Baṉara ko vilu kasa,” kiolake.

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 12:39

Mata kala podepodeti ta eri; vo pade ko raki sala ta okai nianiiovou koa taku so keru vo kuilokuilo ala maba okai kilo ama taku, ta vota pui nio opa zarievou tu voa kuilokuilo ala maba ta okai amaqeo voko pade kale kuilole.

Luke 18:22

Nio so keru Jisu o viqa keru ko, vota eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma ni katima se ozaoza kamu koko seleni, inio ṉota batiro saṉa ṉo elou Baṉara kasi; saita inio ṉo luluelou aṉa.”

Luke 18:24

Nio Jisu ta o keake voko duki elo nio eri kiolake, “Matu tapata tu se batiro ama maba poso ta kekai amaqeo vo Baṉara ko lekasa puo!

1 Timoti 6:17

Bazuema se batiro kekai evani erisaṉama saevo ko lomaloma tu seta pui kekai raurailo, ni seta pui kekai keruvou soama batiro, ako koa batiro ta kapiavole ko roveako paito sole, melai seta kevai keruvou vo Baṉara inio, vo puaropuaroa katimelo o evani kiadama uri ama quli koko zolemelako anime.

Hiburu 13:5

Meta pui roqueko ko takula, ni meta maleziomo ko quli meme ṉeamukako quli kale, ako Baṉara ta eri kiove sole, “Aṉata maba pui aba vaemelou me ni aṉata pui uteo aba imelou me,” kiolake.