Matiu 5:39 - BAṈARA KO VAIRU AMA LEVELEVEO

³⁹ Melai aṉata a bazuemela me, meta pui me besiekou ko ruqe ruqe kale, sole kala maba ta ota ṉa pazokou ṉoko palo rana ari tu o quratiṉo ubutiania, ta mata kativa ṉoko made rana ari tu ota ṉa pazoko.

Matiu 5:39 Marejeleo ya Msalaba

Matiu 5:40

Ni kala ta o ṉati ziovou ṉo titizikinio kale tu ota ṉa kovo ṉoko rosia sabosabo, ta uri tu kativa ṉoko rosia sabosabo, ni mata ṉota va zarieka ṉoko puju ama sabosabo tu o kovo.

Luke 22:64

Ni seta keta va lupikake ko vilu ni ke kuimaevake vo, “Lala inio o pazoṉa ṉo? Tava kaseka o ṉi!” kikelake.

Luke 6:7

Nio kake se Mosese ko Bazu kekai nianiiekatani maba poso ni Parese poso ta keka zariake kama keve kale tava kelo ko saruilo Jisu ko, tu kuiripato saṉa ke ivo kokale kikelake, sole seta keta vati matu vailake tu keta va kelo esa vota o urikatou Sabati ṉaniu kale.

Jone 18:23

Nio Jisu ta o vati tiorikake vo, ni eri kiolake, “Ṉota ṉo viqa aṉako pesio aṉa abe kai pesiako ta sarusaru tea, ṉota mai bazueka kiadamu koi ke evani uko quli kio ko kio. Melai aṉa lula kialani ta korokoroti tea, noi sole ṉota ṉo bazola aṉa?” kiolake.

1 Koriniti 6:7

Koa meko borikinio titizikinio kale ta pui ko male meko lotu saevo kale. Noi sole inio meta pui me akoema se ruqe ke erekani mekasi? Noi sole inio meta pui me zariema tu ke ubeubemelo? Ko ikio meme malezikako kalo sole!

1 Tesalonaika 5:15

Balauvomo tu meta pui me besiekou ko ruqe ruqe kale, melai meta madoekomo tu erekomo ko uri kiada keru me ṉavio kude ni so jari kiadama maba poso kasi.

Hiburu 12:4

Meko kati pazokinio tu tizaeko ko sarueko ta pui nio ko kati ijatinia puekinia tu meta meqai vou.

Jemisi 5:6

Meta lula kuiripato saṉa me ima ni me vouvaema se sidopu ama maba poso, se pui ke besitani.

1 Pita 3:9

Ni kala ta o saruekou mekasi, ta meta pui me besiekou ko sarueko vokasi, ni kala ta o ruqe kasemelou me, melai meta pui mevai besiekou tu me ruqe kasevou vo. Melai meta uri ama pesio kale me mati pesiovou soama maba poso, ako me inio me nokaivani mela sole tu koa kalo kale me qovou vo Baṉara ko mauruto.