Matiu 5:12 - BAṈARA KO VAIRU AMA LEVELEVEO

¹² Melai meta matu zoleimo, ako meko reketekete aukale ama ta matu ko elou sole. Ako koa omadeuvo inio lulavo ke imevo jari se poropita madu, ni vo Baṉara ta o katimake se poropita madu matuma reketekete, so sole vota mata o katimelou me matuma reketekete.

Matiu 5:12 Marejeleo ya Msalaba

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Luke 13:34

“Me Jerusalema mela! Meta me daima ni me vouvaemani mela se poropita madu se vo Baṉara o soroemani mekasi! Latau taku inio aṉata a mela zaria padoemelo me tu a melati vailo, omadeuvo ko kokorako ta ko padoeka koko meqora poso koko zabu vima jari, melai meta meda lupaova!

Luke 6:23

“Zoleimo ni pekaomo meko zoleilo kale koa taku keru, ako meko reketekete aukale ama ta matu ko elou sole. Ako koa omadeuvo inio seko taite poso lulavo ke imevo jari se poropita madu, ni vo Baṉara ta o katimake se poropita madu matuma reketekete, so sole vota mata o katimelou me matuma reketekete.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Iruruputo 16:25

Nio ipu tiania vasi inio Paula ni Sailasi ta qo vararaitake ni qokai keraoke kama lotu kera Baṉara kasi, ni koa pirito pade kale amu ta keta ka didiekake ko.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 5:3

Ni so jari animeta meqa zoleiva animeko tapata poso, ako me baqumuka ta ko tapata ko epa ta pizaka lojo elo,

1 Koriniti 3:8

Vo o papatani ni vo ju o ikazatani ta omadeu iruruputo sanioqa, ni vo Baṉara ta reketekete saṉa o ikou nioqa kiada nioqa qo ṉaviṉavi qo erekako iruruputo ko podepodeti kale avo.

2 Koriniti 4:17

Ni eṉeko komia silo ama ni puju ama tola poso ikio ko odieṉela eṉe matu ṉaṉaidara kama reketekete kale, koa matuma ni paito pide ama reketekete, ko silo jaria kelo ko ikako koa kiadama tapata poso.

Pilipai 1:29

Ako vo Baṉara inio o bokerimelani me tu me duvevo puevo vo Karisito melai mata vo inio o zarie-melani me tu olaquavo me elo meko va nabuluputo vo Karisito kale avo.

Pilipai 2:17

Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Kolosi 3:24

Vo Lekasa Jisu Karisito ta reketekete saṉa o imelou me. So inio meta me qovou koa vikuvikula vo oma inainaekako voko maba madu. Ako Karisito inio vo tuvevo ala Lekasa vo me meva nabuluputani.

1 Tesalonaika 2:15

seke vouvaeveni vo Lekasa Jisu ni se poropita madu, ni eṉe ke niuma-niumaeṉeleni. Seta maba pui ke zoleva vo Baṉara. Ni seta ke kanaekimani kiadama maba poso.

Hiburu 10:34

Meko tauvemo kale se, meta me lainike se piripiri amu ko tola ni so keru kiadama meko lomaloma keta mela rapeke melai meta me zolei, ako meta meqai nianiiake ta lula me qoa ko qulepo ama quli ko noqola ko elo ama aukale sole.

Hiburu 11:26

Vota o kerukerutake ta voa Pakio vo Baṉara o soroevo ala komia peuru ma peuru kale vai toraeko ko qurato ta kokai paloasa ko Ijipi ama batiro, ako vota okai zuatake ko reketekete vo Baṉara o kativo ama vo sole.

Hiburu 11:33

Seko vai oqu kale vo Baṉara seta ke kati pazokiniake kama matu peuru poso ni ke koqotaekake; korotoma ni sidopu ama quli ke erekake ni ke koake ko quli vo Baṉara oma inainaekema quli. Kake ta ke evake laione poso sate, melai pui ko nanaemake.

Hiburu 11:6

Puliala maba ta o rovea zolevo vo Baṉara oqu pide ala, ako vo oka zariani kilo Baṉara kasi ta o tuvevo puevou vo Baṉara ta inevoana, ni o tuvevo puekou ta vota reketekete saṉa o imani seke vailivani vo.

Jemisi 1:2

A lolo poso mela, meta zoleimo so keru kiadama tapata poso ko barou keru mekasi,

Jemisi 5:10

A lolo poso mela, meta kerukeruemomo se poropita madu seke pesiovini Baṉara ko ṉikale, ni luluekomo seko inobea taruano seko tapata taku keru.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.