Matiu 4:19 - BAṈARA KO VAIRU AMA LEVELEVEO

¹⁹ Nio vo Jisu ta eri kiolake nioqa kasi, “Kueko tu lulueloko aṉa. Ako qeta niuniu ko abu ko maba kidi qela melai erisaṉa aṉata a qelati nianiiekikou ko maba ko odiemo aṉa kasi,” kiolake.

Matiu 4:19 Marejeleo ya Msalaba

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Matiu 19:21

Nio Jisu ta o vati tiorikake, ni eri va kiolake, “Ṉota ṉoqai zaria matu uri ama maba ṉa elo, sole ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi. Saita inio ṉo luluelou aṉa,” kiolake.

Matiu 4:18

Ni vo Jisu ta opeta ketaina Qalili toupa ko ketaketa, nio vota o keake Saimone, kama pado voko ṉi ta Pita, ni vovo visi Aduru. Nioqa tamania ta abu ko maba kidi, so sole nioqata qopeta sabaoke toupa kale.

Matiu 4:20

So sole koa taku kale inio nioqata qo vaekake nioqako saru ni koa ziole qo luluevake vo.

Matiu 8:22

Melai Jisu ta eri kiolake vokasi, “Ṉota luluela aṉa. Vaema se pui kekai baroani ko auvana kale ama saevo tu ke mutamo seko vouma maba poso,” kiolake.

Matiu 9:9

Nio vo Jisu ta o vaekake koa zae ni voko talio kale vota o veake kala maba takisi o koani o ṉi ta Matiu obeta papuake voko iruruputo ko pade kale sai maba kovai olakoi seko takisi tabarikole. Sai nio Jisu ta eri kiolake vokasi, “Luluela aṉa.” Nio Matiu ta o lojoake ni koa ziole o luluevake vo.

Maka 2:14

Ni vota mata o sasa vatutake, ni o veake kala maba takisi o koani o ṉi ta Livai, Alepiasi vo meqora, obeta papuake voko iruruputo ko pade kale, sai maba kovai olakoi seko takisi tabarikole. Sai nio vo Jisu ta eri kiolake vokasi, “Luluela aṉa,” kiolake. Nio Livai ta o lojoake ni koa ziole o luluevake vo.

Luke 5:27

Ni Jisu ta o vaekake koa zae ni vota o veake kala maba takisi o koani Livai o ṉi sala, vo obeta papuani voko iruruputo ko pade kale, sai maba kovai olakoi seko takisi tabarikole. Ni Jisu ta eri kiolake vokasi, “Luluela aṉa!” kiolake.

Luke 9:59

Ni vota mata eri kiolake kala pado maba kasi, “Luluela aṉa.” Melai voa maba ta eri kiolake, “Lekasa, zariela kuleto tu aba mutavo aṉavo mama saita,” kiolake.

Jone 1:43

Ni koko raneo kale inio Jisu ta ota zio kiolake Qalili rana, so sole vota o zolaike ni ota olake. Ni vota o veake vo Pilipi sai ni eri kiolake vokasi, “Luluela aṉa!” kiolake.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Jone 21:22

Nio Jisu ta eri kiolake vokasi, “Aṉata ava zariovou vo tu obeta elou ti kobeta barolou aṉako vaito keru tea, kota pui ṉoko tu ṉota ṉoqai nianiio. Ṉota luluela aṉa kio!” kio.

2 Koriniti 12:16

Esa meta tuvevo me ikou, ko aṉata pui riteraite aba imele me. Melai esa kake mela inio eri kimevou aṉata lipalipa mela lovo a eve kimevou.