Matiu 3:5 - BAṈARA KO VAIRU AMA LEVELEVEO

⁵ Nio matuma vaki ta ko padoivake vokasi Jerusalema azo ni pado ama Jiudia ranʼazo ni Jodani sukuru ko sipole ama peuru poso kale azo tu ke didieko voko bazubazu.

Matiu 3:5 Marejeleo ya Msalaba

Matiu 2:1

Vo Jisu ta o alilake Betelihema peuru kale Jiudia rana, koa taku vo Herodi aikovakova obeta eva keru sai. Nio puliako tu keu kake maba poso ke lezumatani ko suti poso ko kavani ta ke kuevake ṉaniu ko peatakoi vasi azo Jerusalema peuru kale.

Matiu 4:25

Sokale avo inio koa matuma vaki ta ko luluevake vo Jisu, ni seta Qalili rana mu, ni koa Tonipeuru kale azo amu, ni sea Jerusalema mu, ni mata kama peuru poso kale amu Jiudia rana mu, ni se Jodani sukuru ka pake amu.

Maka 1:5

Nio matu kubo maba madu Jiudia rana mu ni Jerusalema matu peuru kale amu ta ke olake didievole vo Jone. Ni seta kekai eraeraoke seko sarueko poso Baṉara kasi, nio vo Jone ta bapitaiso o imake se Jodani sukuru kale.

Luke 16:16

“Mosese o katimelema Bazu ni se poropita madu ko riki poso ta ko pizate ti kobeta baroi Jone Bapitaiso ko taku keru, so keru azo inio aṉata a danite kai bazubazuto ko Uri ama Bazu Baṉara ko lekasa puo ko bazu sama ni maba poso ta ko riaboema amaqimo voko lekasa puo kale.

Luke 3:3

So sole Jone ta o olake pado ama Jodani sukuru ko levoano ko evako peuru poso kale, ni okai bazubazutake ko eri, “Liliziomo meko sarueko poso kale azo ni bapitaiso emo, inio vo Baṉara ta ota mela akoekou meko sarueko poso,” kiolake.

Luke 3:7

Ni matuma padopadoilo ta ke kuevake Jone kasi tu bapitaiso kepa elo vokasi kikeveni. Nio vota eri ma kiolake se, “Meta dole jaria ruqea mela! Noi sole inio meta eri kimela, ‘Eṉeta bapitaiso ṉe elou inio eṉeta ṉeda ka lapasou koa koqotato vo Baṉara o soroeko ama,’ kimela?

Jone 3:23

Ni Jone melai o bapitaiso putake Ainoni peuru kale pui vaṉa Selema peuru kale azo ako sai ta kubo ju sakoi sole, sai nio se maba madu ta kevai kuevake vo ni vota bapitaiso o imake se.

Jone 5:35

Jone ta kala juke jari o eve, ni vota o taloekiko ko zakaremu, ni meta meqa zariovi tu ko zolemelo voko zakaremu puju ama taku kale.