Matiu 3:11 - BAṈARA KO VAIRU AMA LEVELEVEO

¹¹ “Aṉata bapitaiso a imela mea maba poso mela jukale tu ko mamola pueko meko lilizio, melai vo mainio opa kilo ala aṉako tova inio bapitaiso o imelou me Tabu ala Auvana ni uza kale, ni vota matu raura kala aṉa kasi azo, ni aṉata pui a male tu vovo mabaku va elo tu ava boriko voko kiti ko kiazakiaza.

Matiu 3:11 Marejeleo ya Msalaba

Matiu 3:6

Ni sea maba poso ta kekai eraeraoke seko sarueko poso Baṉara kasi, nio vo Jone ta bapitaiso o imake se Jodani sukuru kale.

Maka 1:4

Nio so inio vo Jone ta o puratake lealea kama zaekale, ni bapitaiso o imake se maba poso ni o bazubazutake ni eri kiolake, “Meta liliziomo meko sarueko kale azo ni bapitaiso emo, inio vo Baṉara ta ota mela akoekou meko sarueko poso,” kiolake.

Luke 1:17

Vota o ziovou vo Lekasa ko kuleto, Baṉara ko piza kama Auvana sala omadeuvo vo poropita Ilaija jari. Vota mata o tova odouvimou se mama poso ni se meqora poso; ni vota o lilimou se bikobikoirato ko maba poso se sidopu amu ko nianiiekato kasi, ni vota inaina kamu o imou kama qoqono vo Lekasa kaqe,” kiolake vo Baṉara vo mateana.

Luke 3:16

So sole Jone ta eri kiolake sea kiadamu kasi, “Aṉata bapitaiso a imela me jukale tu ko mamola pueko meko lilizio meko sarueko kale azo, melai kala aṉa azo raura kala ta obeta kueva. Aṉata pui a male tu vovo mabaku va elo tu ava rupasiko voko buti ko raitoraito. Vo inio bapitaiso o imelou me Tabu ala Auvana ni uza kale.

Luke 3:3

So sole Jone ta o olake pado ama Jodani sukuru ko levoano ko evako peuru poso kale, ni okai bazubazutake ko eri, “Liliziomo meko sarueko poso kale azo ni bapitaiso emo, inio vo Baṉara ta ota mela akoekou meko sarueko poso,” kiolake.

Jone 1:15

Ni Jone Bapitaiso ta ovai bazutake vo. Ni vota o velavelaoke, ni eri kiolake se maba poso kasi, “Nei nio vo vo, aṉa a melai bazueveni, ‘Vo aṉako tova o kilo ala, vo inio raura kala aṉa kasi azo, ako vota lulavo o eveni aṉa puliako alilo sole,’ ” kiolake.

Jone 1:30

Nei nio vo vo aṉa a qaseveni so keru aṉa eri kiave keru, ‘Kala maba ta obeta kueva aṉako tova obe luluela, melai vota raura kala aṉa kasi azo, ako vota o eveni lulavo aṉa puliako alilo sole.’

Iruruputo 1:5

Jone ta o bapitaiso pute jukale, melai puliako tu keu meta me bapitaiso puilou Tabu ala Auvana kale,” kiolake.

Iruruputo 19:4

Nio eri kiolake vo Paula, “Jone ko bapitaiso ta seke liliziovini seko sarueko kale azo ko pala ikio, ni vota o bazueme se Izireli amu tu seta ke tuvevo puevou vo o kilo ala voko tova—vo inio vo Jisu,” kiolake.

Iruruputo 8:36

Nio nioqako lulueko kale koa keve inio nioqata qo baroake kala pado zaekale ju ko evakoi, nio voa raura kala maba ta eri kiolake, “Kota ju. Ikoana kama quli koko tizaeko ama aṉako bapitaiso elo?” kiolake.

Iruruputo 8:38

Nio voa raura kala maba ta o bazuevake totiaqolo o taliekani maba tu o dokoliko ko, ni vota o dokolikake, nio Pilipi ni voa raura kala maba ta qo saqorake jukale, ni Pilipi ta bapitaiso o ivake vo.

1 Koriniti 12:13

So sole so keru anime bapitaiso me eva keru inio voa omadeula Auvana ta omadeu pado qoqono o imele animea kiada mela; Jiua mela melai, pui Jiua mela melai, mabaku mela melai, pui mabakua mela melai. So inio animeta omadeuvo voko tupu jaria mela, ako voa omadeu pado Auvana inio o puariziovini animea kiada mela kasi sole, tu animeta me bizato vokale.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Taitasi 3:5

vota o pakiemele anime. Pui kama quli uri ama anime lula me erekako kale, melai voko pakiezato sama roquano kale inio vota o pakiemele anime vo Tabu ala Auvana kale ama pusailo kale, vo o katimeleni anime vairu ama alilo ni vairu ama saevo.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”