Matiu 27:22 - BAṈARA KO VAIRU AMA LEVELEVEO

²² Nio Paelati ta mata o kuimaemake se ni eri kiolake, “Loma quli kio aṉata a erekou vo Jisu vo keva nokaekani vo Baṉara o soruevani Pakio?” Melai seta eri kikelake “Patoevomo!” kikelake.

Matiu 27:22 Marejeleo ya Msalaba

Matiu 1:16

Ni vo Josepa ta Jekopi ko toutou kale ala, vo inio Mere vo tanala, ni ko ikio vo Jisu ko niania, voa Pakio vo Baṉara o pitoeveni.

Matiu 27:17

Nio so keru sea vaki ke padoiva keru, vo Paelati ta o kuimaemake se ni eri kiolake, “Lala pado inio meta mevai zaria tu aṉata a mela rupasivou, Jisu Barabasi ma Jisu vo Baṉara o soroevani Pakio keva nokaekani?” kiolake.

Matiu 27:21

So keru inio Paelati ta mata o kuimaemake sea vaki ni eri kiolake, “Lala pado nioqi azo inio meta meva zaria tu aṉata a mela rupasivou?” Nio sea kiadamu ta ke vati tiorikake, ni eri kikelake, “Barabasi!” kikelake.

Matiu 27:23

Nio vota mata o kuimaekake, “Melai loma quli sarueko ikio nea maba o erekako?” Nio seta mata ke matu upaupatake ni eri kikelake, “Patoevomo korosi topi tu o vou!” kikelake.

Maka 14:55

Ni se raura kama siama madu ni se Jiu amu ko lotu tanatanamu ta ke madoekake tu kevai kuiriko kama kuiripato vo Jisu tu ke vouvaevo vo, melai seta pulia quli keta va keake.

Jone 4:25

Ni koa rekoreko ta eri kikolake vokasi, “Aṉata avai nianiia vo Baṉara o soroevo ala Pakio ta ota kilou. So keru vo o kilou keru vota kasa o ikou kiadama quli anime kasi,” kikolake.

Iruruputo 13:28

Seta pui kepa tava roveovi kelo vo Jisu ko saruilo melai seta ke pasevake vo Paelati tu oma vouvaevo.

Iruruputo 13:38

“Sokale avo inio eqeta qe mela zaria me tu kai nianiiomo ko, me aṉako lolo poso mela Izireli amu mela, vo Jisu kovai ereima quli ta ko kaseka sarueko ko akoezato sama bazubazu mekasi, ni kiadamu seke tuvevo puevani vo ta ke rupasia kiadama sarueko ko kuiripato kale azo. Melai vo Mosese ko Bazu ta pui ko roveako rupasimelo me koa sarueko ko kuiripato kale azo.