Matiu 26:41 - BAṈARA KO VAIRU AMA LEVELEVEO

⁴¹ Meta vailomo ni vararaitomo nio pui me amaqeovou zolizolito kale. Ako meta meqai zaria ereko ko sidopu, melai meta lekuleku ama maba poso mela.”

Matiu 26:41 Marejeleo ya Msalaba

Matiu 24:42

“Sole meta vailomo, ako meta pui meqai nianiia aṉa mevo Lekasa lala a vaitou keru sole.

Matiu 25:13

So inio tu meta vaitomo, ako meta pui meqai nianiia koa ṉaniu ni taku aṉa maba a eveni lala a vaitou keru sole,” kiolake vo Jisu.

Matiu 26:38

ni vota eri kiolake sea zouke kasi, “Aṉata matu duki ada eva ni sipole ko vouvaelou koa duki. Tu meta koi ni pui me maroṉou melai me vararaitou aṉa sase,” kiolake.

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Maka 14:38

Ni vota mata eri ma kiolake, “Meta vailomo ni vararaitomo nio meta pui me amaqeovou zolizolito kale. Ako meta meqai zaria ereko ko sidopu, melai meta lekuleku ama maba poso mela.”

Luke 11:4

ni taṉela akoeka eṉeko boutare poso, ako eṉeta ṉeda ma akoeka sea kiadamu seke saruekani eṉe kasi sole. Ni pui vaeṉelo eṉe zolizolito kale.”

Luke 21:36

So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.

Luke 22:40

Ni so keru vo o baroa keru koa zaekale, inio vota eri kiolake sekasi, “Vararaitomo tu meta pui me amaqeovou zolizolito kale,” ma kiolake.

Luke 22:46

Nio vota eri kiolake sekasi, “Noi sole inio meta meda maroṉa? Zolaimo ni vararaitomo tu pui me amaqeovou zolizolito kale,” kiolake.

Luke 8:13

Ni koa rui koko piako buturuakoi ta se inio seke viqani ko bazu ni zoleilole ke koani ko. Melai kota pui ko matu saqora seko kerukeru kale, sole pui tu ko keuva. Seta ke tuvevo pueka puju ama taku, melai so keru ko zolizolito ko kueva keru, seta ke vaeka seko oqu.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

1 Koriniti 10:13

Kiadama madolo ko meme doraekako ta kiada keru ko kuevako ikio maba poso kasi. Melai meta me rovea vai keru vo Baṉara ta pui opa zariekou tu meta me madoilo meko pizato ko topi tiniama madolo kale. So inio meme doraekou keru ko madolo, vota o katimelou me kama pizato tu meta meqai pataitou, ni vota o katimelou kama rora tu meda ka pakiovou.

1 Koriniti 16:13

Vailomo ni pizaka lojolo emo meko vai oqu kale vo Lekasa Jisu, parani putomo ni pizatomo.

1 Koriniti 9:27

Pui soa lala, melai aṉata a qaitizia a ṉavi tu pui a ereko koa ruqe aṉa aqa zariako ereko. Ako pui uri tu a ṉavi ta pui a qovo koa tabara Baṉara kasi azo ama aṉako bazubazuemo se edolomu ko tova sole.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

Kelokelozato 16:15

Eri kiola animevo Lekasa, “Viqomo! Aṉata a qilou kala kuilokuilo ala maba jari! Maurumauru ala voa maba vo toiratoirati obeta evani, ni o kati vailani voko suma poso, nio vota pui opa taliovou lava pide ubutiania tu vota o qurato!”

Kelokelozato 3:10

Meta lula me zorika aṉako bazu meko inobea pataito kai elo ko naqunaquto kale, so sole aṉata a bakiemelou me kiadama tapata kale azo koko kuevako peuru ma peuru kale amu tona, tu kota ko madoemo kiadama maba madu se miduku kale ke evani.