Matiu 26:18 - BAṈARA KO VAIRU AMA LEVELEVEO

¹⁸ Nio Jisu ta o mati tiorikake ni eri kiolake, “Meta me ziovou koa matu peuru kale, ni me velou kala maba sai, ni eri kimevou, ‘Eṉevo Tanala ta eri kiola, vo Baṉara ola pitoekema taku ta sipole, sole aṉako disaipeli madu ni aṉa ta ṉe erekou ko Alokato ko Ṉojola ko sailao ṉoko pade kale,’ kimevou,” kiolake.

Matiu 26:18 Marejeleo ya Msalaba

Matiu 21:3

Ni kala ta o kuimaeqelou qe ni eri kiovou, ‘Noi sole inio qeta qe rupasika koa doqi?’ kiovou, nio qeta eri kiqevou, ‘Animevo Lekasa inio oka zaria,’ kiqevou, ti vota obe qela zariekou nio koa doqi,” kiolake.

Matiu 23:10

Ni meta pui meqai nokailou ko odikato ko maba mela, ako mevo odikato ko maba ta omadeu pado inio sole voa Pakio vo Baṉara o pitoeveni.

Matiu 23:8

“Melai meta pui meqa zariovo tu maba poso ta ke mela nokaekou me titisa ni tanamu. Ako meta omadeu tamania mela sole ni omadeu pado inio mevo Titisa ni Tanala sole.

Matiu 26:19

Nio se disaipeli madu ta ke olake ni ke kake Jisu mati kiolani jari ni kepa inainaekake koa Alokato ko Ṉojola ko sailao.

Matiu 26:2

“Meta lula meqai nianiia ta oqotiṉa inio Alokato ko Ṉojola ko matuma ṉaniu. So keru inio aṉa maba a eveni lala ta ke luavilou se aṉako kana madu kasi, ni ke vouvaelou aṉa korosi topi,” kiolake.

Matiu 26:49

Nio vo Jiudasi ta tutumazi avole o olake Jisu kasi ni eri kiolake, “Matu uri, tanala,” kiolake, ni o luluevake vo.

Maka 5:35

Ni vo Jisu puliako okotiko voko pesipesito inio kake bazu ke borikani Jaerasi ko pade kasi azo ta ke baroake, ni eri va kikelake vo Jaerasi, “Noko meqora ta lula kota voula, sole ṉota pui utu riteraite ivo vo Tanala,” kikelake.

Luke 22:53

Aṉa inio abeta evani lala kiadama ṉaniu poso me sase Jelepade kale, ta pui me noqoela sai. Melai komi kio meko taku meqai iruruputako, ni kota ko kutumana ko pizato ko taku,” ma kiolake.

Jone 11:28

Ni Mata ko so kio ko tova inio kota kota vaitake ni moizavole ko nokaekake koko visi Mere, ni eri kikolake, “Vo Tanala ta lula koi, ni vota oṉa kuima ṉo,” ka kikolake.

Jone 12:23

Nio Jisu ta o tiorizatake ni eri kiolake, “Erisaṉa ta kota baroa ko taku aṉa maba a eveni lala ko tu aṉata a qovo ko raura kama ṉaṉaidara.

Jone 13:1

Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.

Jone 17:1

Ni Jisu mati pesio voko disaipeli madu ko tova inio vota o tadatake aukale vasi ni eri kiolake, “Mama, taku ta kota baroa, tu kasa pueka ṉovo Meqora lala ko ṉaṉaidara se maba poso kasi, tu aṉata a roveovou kasa pueko ṉoko ṉaṉaidara.

Jone 20:16

Nio vo Jisu ta eri kiolake, “Mere!” kiolake. Ni kota taukavole ko lilitake vokasi, ni eri kikolake, “Raboni!” kikolake Hiburu pesio kale, se Jiu amu ko pesio. Koko kalo ta “Nianiiekato ko maba,” kio kio ko so.

Jone 7:30

Nio ke viqe keru voko so kio inio sea tanatanamu ta ke noqoevo kikelake vo, melai puliala ta o roveake kamavo, ako voko taku ta pui nio ko baroake sole.

Jone 7:6

Nio Jisu ta eri kiolake sekasi, “Aṉako taku ta pui nio ko baroa. Meko taku ta kiada keru ti uri,

Jone 7:8

Sole meta olamo koa ṉojola kasi. Aṉata pui a ziovou erisaṉa koa ṉojola kale, ako aṉako taku ta pui nio ko baroa sole,” kiolake.