Matiu 24:9 - BAṈARA KO VAIRU AMA LEVELEVEO

⁹ “Ni koa taku kale inio maba poso ta ke noqoemelou ni ke tolaemelou ni ke vouvaemelou me, ni kiadama maba madu ta ke melai kaikuapou, ako meta aṉa me luluelani mela sole.

Matiu 24:9 Marejeleo ya Msalaba

Matiu 22:6

Ni kake sea maba madu ta ke noqoemake voa lekasa ko nabulu madu ni ke pazomake ni ke vouvaemake se.

Matiu 23:34

So inio aṉata a bazuemela me, aṉata a joroemou se poropita madu ni se nianiioma maba poso ni seke nianiiekatani mekasi. Melai kake ta me vouvaemou ni kake ta me batoemou korosi topi ni kake ta me bazomou ilusato ko pade kale ni me butuemou peuru kale azo kama peuru kale.

Luke 11:49

Sokale avo inio vo nianiio sala Baṉara ta eri kioveni, ‘Aṉata a joroemou sekasi se poropita madu ni apositolo madu, nio kake seta ke vouvaemou ni kake ta ke niumaniumaemou.’

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Jone 15:18

“Se kutumana kamu ke melai kideipou keru me, ta meta memai nianiiovou ta seta kelai kideipe aṉa kuleto.

Jone 15:21

Seta ke melai erekou me koa kalo aṉa kale avo sole, ako seta pui kevai nianiia vo aṉa o soroeleni sole.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Iruruputo 28:22

Melai eṉeta ṉeda ṉai zaria taṉa viqo ṉoko kerukeru, ako ṉe baqumuka ta kiadakoi zama maba poso ta ke perima ṉoko pitasa madu sole,” kikelake.

Iruruputo 7:59

Ni se kebeta ola keru taivo vo Sitiveni vota matuma kora kale ovai petaoke vo Lekasa ni eri kiolake, “Lekasa Jisu, tala koa aṉako auvana!” kiolake.

1 Pita 4:16

Melai meta me ditiziovou ni me dolailou meko Karisito ko lotu maba elo ko kio kale ta, meta pui qurato melai meta vai ilusikomo vo Baṉara meko melai nokailo vo Karisito ko ṉi.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.

Kelokelozato 7:14

“Tanala, aṉata pui amai nianiia,” va kialake. Nio vota eri kiolake aṉa kasi, “Ni nio sea maba madu se lula ke pakiziani koa matu tapata kama niumaniumato ko poro kale azo. Seta lula vairu ke ika seko rosia sabosabo poso ni seta lula tapo ke ika vo Sipi Meqora ko vou ko dara kale.