Matiu 24:6 - BAṈARA KO VAIRU AMA LEVELEVEO

⁶ Ni so keru meme viqou keru ko matuma pazokinio ko bazu ni ke ṉavio kude kanaekinio ko bazu melai meta pui me ṉalou, ako ko quli poso ta kota ereilou inio sole, melai pui ko ikio peuru ma peuru ko paitopaito.

Matiu 24:6 Marejeleo ya Msalaba

Matiu 2:3

So keru vo Aikovakova Herodi o viqa keru ko quli ta matu tiṉoliṉoli ota evake ni sea kiadamu se Jerusalema peuru kale ke eveni.

Matiu 24:14

Ni komia Uri ama Bazu vo Baṉara ko lekasa puo ko ta kekai bazubazutou komia peuru ma peuru kale tu kiadamu ta ke roveovou viqo. Sai kazo inio peuru ma peuru ta ko ruvurou,” kiolake vo Jisu.

Matiu 26:54

Melai kota pui so kopa kalou, ako so ko kalou ta ko Tabu ama Riki kikovevo ta pui nio tuvevo kopa elou sole,” kiolake.

Luke 21:19

Meta pizaka lojo emo meko oqu kale nio meta me qovou ko noqola kama saevo,” kiolake.

Luke 21:9

Ni so keru meme viqou keru ko matuma pazokinio ko bazu ni ke navio kude kanaekinio ko bazu melai meta pui me ṉalou, ako ko quli poso ta kota ereilou kuleto, melai kota pui ko kasekako ikio peuru ma peuru ko paitopaito ko taku ta sipole kota barou kio,” kiolake.

Luke 22:37

Ako aṉata a melai bazueka ko Tabu ama Riki kale ko rikiziovima aṉa kale avo ko eri kikolako, ‘Vota o atailou se ruqe amu ko ataataiti kale,’ kikolako ta tuvevo avole ko ereilou, ako ko aṉa kolai rikiziovima quli ta tuvevo avole kobeta tanita ereilo sole,” kiolake.

Jone 14:1

Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

2 Tesalonaika 2:2

tu meta pui kapiavole niuniala me elou meko kerukeru kale ni pui tiṉoliṉoli meqai elou kama lipalipa kama bazu. Ako kake ta keta lipata ni eri kikela, eṉeta ṉeqai bazuta vo Tabu ala Auvana ko avozio kale ma eṉeko bazubazuto kale ma kama leta kale, ko animevo Lekasa Jisu okai vaitako Ṉaniu ta lula inio kota baroi kio sama bazu.

Kelokelozato 6:4

Ti ko mata kala pado hose diri ala inio obeta puratake. Ko topi o zazuani ta vo Baṉara ta o kative ko pizato tu o kati kilo ko pazokinio miduku kale tu maba poso ta ke vouvaekinio ke ṉavio kude, ni vota o koe kama pado matuma benisi.