Matiu 24:43 - BAṈARA KO VAIRU AMA LEVELEVEO

⁴³ Ako vo pade ko raki sala ta okai nianiiovou koa taku so keru vo kuilokuilo ala maba okai kilo ama taku, ta vota ota vailou inio ni pui opa maronou, tu voa kuilokuilo ala ta pui o amaqeovou voko pade kale kuilole.

Matiu 24:43 Marejeleo ya Msalaba

Matiu 14:25

Ni vaqaza obe peata keru inio Jisu ta ota taliake toupa ko ju topi, ni ota olake o disaipeli madu kasi.

Matiu 20:11

Ni seta ke koake koa takula, ni ke taniekake vai ṉuruṉuruo vo vaini kiaro ko tanala,

Matiu 24:42

“Sole meta vailomo, ako meta pui meqai nianiia aṉa mevo Lekasa lala a vaitou keru sole.

Matiu 24:44

Sole me melai inainaomo, ako aṉa maba a eveni lala ta a vaitou koa taku kale ko me pui me baqumukako kale sole,” kiolake.

Matiu 25:10

Nio sea sarube ama sinaqu rusu poso ke olake tatabaraekole ko oela, se savasi maqa inio vo obe vairua rorotani maba ta ota baroake. Nio sea sike sinaqu rusu ke inainaovini ta keta amaqeake vo sate rorotato ko bau vuato kale, ni ke tibulikake ko veutu.

Matiu 25:13

So inio tu meta vaitomo, ako meta pui meqai nianiia koa ṉaniu ni taku aṉa maba a eveni lala a vaitou keru sole,” kiolake vo Jisu.

Maka 13:35

Sole meta vailomo, ako meta pui meqai nianiia sole koa taku aṉa a vaitou keru, omadeuvo sea nabulu poso jari pui kekai nianiiani vo pade ko tanala o vaitou keru. Esa raisiraisi ma ipu tiania ma vikale.

Maka 6:48

Ni vota o meake sea disaipeli madu ta kebeta vouvaekiniake qeluto kapea ururu kale. Nio vaqaza obe peata keru nio Jisu ta ota taliake toupa ko ju topi, sipole omai alokatake se.

Luke 12:38

Sea nabulu poso ta keta zoleilou so keru vo o toraemou keru se inaina kamu, obe mai barou ipu tiania ma ipu raneto melai!

Luke 12:39

Mata kala podepodeti ta eri; vo pade ko raki sala ta okai nianiiovou koa taku so keru vo kuilokuilo ala maba okai kilo ama taku, ta vota pui nio opa zarievou tu voa kuilokuilo ala maba ta okai amaqeo voko pade kale kuilole.

Luke 21:36

So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.

Kelokelozato 16:15

Eri kiola animevo Lekasa, “Viqomo! Aṉata a qilou kala kuilokuilo ala maba jari! Maurumauru ala voa maba vo toiratoirati obeta evani, ni o kati vailani voko suma poso, nio vota pui opa taliovou lava pide ubutiania tu vota o qurato!”

Kelokelozato 3:3

So sole kerukeruekomo koa nianiiekato ko me lula me viqema ni me ṉeamukema. Meta zorikomo ko ni liliziomo meko sarueko poso kale azo. Ako meta pui me doiratou nio aṉata ota podolo kilo a melai elou vo kuilokuilo ala maba jari, ni meta maba pui meba kai nianiiovou koa taku so keru aṉa a qilou keru mekasi sole.