Matiu 24:39 - BAṈARA KO VAIRU AMA LEVELEVEO

³⁹ Ako seta pulia quli ke kerukeruekake sole se komai barolo ama, melai ota podolo kale ko matuma nioqololo ta komai baroake ni ko duluemake se. Ni so inio ko kalo avo aṉa maba a eveni lala a vaitou keru.

Matiu 24:39 Marejeleo ya Msalaba

Jone 3:20

Ako kiadama maba poso se boutare ke erekani ta kevai kideipa voa zakaremu ni seta pui kepa kilou voa zakaremu kasi, ako seta pui kasa ke ika seko ruqe ama kalo poso sole.

Matiu 24:37

Melai aṉa maba a eveni lala ta a vaitou, so keru maba poso kebeta ziovou keru seko kerukeru pide ama saevo kale Noa ko taku keru ke erekema jari ama.

Iruruputo 13:41

‘Keatini, me meqai balebaleitani mela voko bazu! Meta me vuzeilou ni me vouvou! Ako ko quli aṉa a erekako vairutu ta meta pui tuvevo meba ikou sole, kala zakaremu obe ikou mekasi melai!’” kiolake.

2 Pita 3:5

Melai seta pui kekai zaria kerukerueko ko quli ko ereima quli ko tanitanila kale. Vo Baṉara ta o pesio kale inio o erekake ko au ni miduku. Vota o puratikake ko tabarioma miduku jukale azo koa vimama ni topi ama ju ko tiania.

Luke 19:44

Ni seta ke biresukou meko lado otu ni ke ruvurimelou me, ni pulia quli ta kopa elou sai meko peuru ko evakoi, ako meta pui me nianiieka komia taku so keru vo Baṉara oka zaria keru pakiemelo me sole,” kiolake.

Romu 1:28

Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko.

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 24:3

Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.

Matiu 24:30

Ni ko quli ko tova inio aṉa maba a eveni lala ko mamola ta ko podakou aukale, nio kiadama maba madu miduku kale amu ta duki keta elou ni keta zialou, ni aṉa maba a eveni lala ta a qilou aukale ama leikale ni seta ke lelou aṉa a bizato ni aqasiele ama ṉaṉaidara sate.

Matiu 24:40

Nio koa taku keru omuqa kidi ta qopeta iruruputou kiaro kasi, ni kala ta aba vovou, kala ta a vaevou.