Matiu 24:3 - BAṈARA KO VAIRU AMA LEVELEVEO

³ Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.

Matiu 24:3 Marejeleo ya Msalaba

Matiu 13:36

Vo Jisu ta o vaemake sea vaki ni ota vaitake pade kasi, nio o ṉaviko disaipeli madu ta kevai kuevake vo ni eri kikelake, “Ṉelai bazubazueka koa podepodeti rabu kiaro kale ama ko kalo.”

Matiu 13:49

Ni so jari pado inio ko kalo avo komia peuru ma peuru ko paitopaito keru. Vo Baṉara ko mateana madu ta ke kilou ni ke pitasimou se ruqe amu sidopu amu kasi azo.

Matiu 15:12

Nio se disaipeli madu ta ke olake Jisu ko sipole ni eri kikelake, “Se Parese madu ta duki kekai eva ni kekai kaikuapa ṉoṉo qasekako quli.”

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Matiu 17:19

Koko tova inio se disaipeli madu ta ke olake Jisu kasi ke kiadakoi, ni eri kikelake, “Noi sole inio eṉeta pui ṉe rovea reriko ko ziolo?” kikelake.

Matiu 21:1

Ni Jisu ni voko disaipeli madu ta kebeta taliake keve tona, ni sipole kebe baro Jerusalema kikela keru, inio seta ke baroake Betipeji sasa peuru Olive Ore sama Sopu ko ketaketa. Nio Jisu ta o soroekake omuqa voko disaipeli kidi tu qopeta zio seko kuleto vasi.

Matiu 24:27

Ako aṉa maba a eveni lala a vaitou keru ta ke lelou kiadama maba madu omadeuvo kapi ko laqato jari ṉaniu o peatakoi vasi azo ti o sulupakoi vasi.

Matiu 24:30

Ni ko quli ko tova inio aṉa maba a eveni lala ko mamola ta ko podakou aukale, nio kiadama maba madu miduku kale amu ta duki keta elou ni keta zialou, ni aṉa maba a eveni lala ta a qilou aukale ama leikale ni seta ke lelou aṉa a bizato ni aqasiele ama ṉaṉaidara sate.

Matiu 24:37

Melai aṉa maba a eveni lala ta a vaitou, so keru maba poso kebeta ziovou keru seko kerukeru pide ama saevo kale Noa ko taku keru ke erekema jari ama.

Matiu 24:39

Ako seta pulia quli ke kerukeruekake sole se komai barolo ama, melai ota podolo kale ko matuma nioqololo ta komai baroake ni ko duluemake se. Ni so inio ko kalo avo aṉa maba a eveni lala a vaitou keru.

Matiu 24:43

Ako vo pade ko raki sala ta okai nianiiovou koa taku so keru vo kuilokuilo ala maba okai kilo ama taku, ta vota ota vailou inio ni pui opa maronou, tu voa kuilokuilo ala ta pui o amaqeovou voko pade kale kuilole.

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Luke 21:7

Ni seta ke kuimaevake vo ni eri kikelake, “Lekasa, noi keru inio ko quli ta ko ereilou? Ni loma quli mamola ikio ko elo ama tu ko mamola pueko koko ereilo ama quli?” kikelake.

Iruruputo 1:7

Nio Jisu ta o mati tiorikake se ni eri ma kiolake, “Ko taku poso ni ko ereilo ama quli ko ṉaniu poso ta o ṉavi Baṉara ko vatolo kale inio o korotikou, so inio pui ko male tu meta meqai nianiio ko quli ko ereilo ama quli.

Hiburu 9:26

Kubo taku okai amaqeovi tea, vota ota tolailo inio kubo taku kale peuru ma peuru ko erei keru azo. Melai koko ereima kale vota kasa o eve omadeu taku ko kiada ko malezikako kiadama taku komia tovatovama taku kale, tu vota siqasiqa o elo o ṉavi, tu vota noqola zauteko o elou maba poso ko sarueko poso.