Matiu 22:18 - BAṈARA KO VAIRU AMA LEVELEVEO

¹⁸ Melai Jisu ta lula obe tamai nianiia seko ruqe ama vatolo, sole vota eri ma kiolake, “Me meqai lipalipaitani mela ko sidopu! Meta mela zaria pala inio madoelo aṉa.

Matiu 22:18 Marejeleo ya Msalaba

Matiu 12:15

Ni vo Jisu ta okai nianiiake seko korokorotato, so sole vota ota vatutake koa zaekale azo, ni matu kubo vaki ta ke luluevake vo. Ni vota o urikimake muli sea vere ama maba poso.

Matiu 19:3

Ni kake se Parese madu ta ke olake Jisu kasi tu zara ke ivo seko madoevo kale, ni eri kikelake, “Animeko Bazu kale vo Mosese o katimelema ta zarizari ama tu kala ta o vaekou voko reko kama kalo poso kale?” kikelake.

Matiu 22:17

Sole ṉota ṉela bazueka ṉoko kerukeru. Uri kio ko anime Jiu mu mela ta me buariko animeko takisi Romu ala Matu Lekasa kasi, ma pui? Noni kikola animeko Bazu?” kikelake.

Matiu 22:19

Sole meta katilomo tu a qelo koa siliva seleni ko takisi meqai erekako!” kiolake. Nio seta ke kativake ka pado Romu amu ko takula,

Maka 12:5

“Melai voa tanala ta mata o soroevake kala vovo nabulu, ni seta ke vouvaevake vo. Ni omadeuvo jaria tapata inio ke imake mata kake voko nabulu poso, kake ta ke pazomake ni kake ta ke vouvaemake.

Maka 2:8

Melai vo Jisu ta ota mai mamurake seko kerukeru ni vota eri ma kiolake se, “Noi sole inio meta soama kerukeru me ereka meko bulo kale?

Luke 10:25

Ni kala maba Mosese ko Bazu okai nianiiekatani ta o kuevake ni o madoevake sipativo vo Jisu. So sole vota eri kiolake vo Jisu kasi, “Tanala, Nianiiekato ko maba ṉa! Loma quli a erekou nio aṉata a qovou ko noqola kama saevo?” kiolake.

Luke 20:23

Melai Jisu ta ota mai potoake seko vimazioputo so sole eri ma kiolake,

Luke 5:22

Ni Jisu ta ota ma paqumukake seko kerukeru so sole vota eri ma kiolake, “Noi sole inio meta me dukieka soama kerukeru meko bulo kale?

Luke 9:47

Ni Jisu ta ota mai potoake seko kerukeru, so sole vota o voake kala silo ala meqora, ni vota o lojoevake vo voko papara,

Jone 2:25

Puliala obe vai bazuemou se maba poso vo Jisu melai vota o uria paqumukake maba ko bulo kale ama kerukeru.

Jone 8:6

Seta so kikelake tu seta ke madoevo, tu seta kevai zuakaeko ko titizato kikelake sole. Melai Jisu ta ota loquloqutake puliama pesio sate ni ota rikitake miduku topi voko ṉase kale ama seseu kale.

Iruruputo 5:9

So sole Pita ta eri kiolake kokasi, “Noi sole inio ṉo ni ṉovo lasive ta qe korotikala tu qeta qe madoevo vo Baṉara vo Tabu ala Auvana? Sea lasive rusu se kepa mutavani ṉovo lasive ta veutu ketaketa kebeta eva, ni seta mata kepa boriṉou ṉo ni ke ṉati saqorou!” kiolake.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.