Matiu 21:11 - BAṈARA KO VAIRU AMA LEVELEVEO

¹¹ Nio sea vaki seke kuevini Jisu sase ta eri kikelake, “Nei ta poropita Jisu inio Nazareti peuru Qalili tanala,” kikelake.

Matiu 21:11 Marejeleo ya Msalaba

Matiu 2:23

Nio vota Nazareti peuru kale o evake, tu vo Baṉara kiovevo se poropita madu kale kude ta tuvevo ko elo, ko eri kikovema, “Voa Pakio ta Nazareti ala o elou,” kikovema.

Matiu 21:10

Nio so keru vo Jisu o amaqea keru Jerusalema, kiadama maba poso koa matu peuru kale amu ta ke rereake tu kepa velo lala inio voa maba o kuevani, ni keta matu tibaraputake, ni keta kuimaekiniake ke ṉavio kude, ni eri kikelake, “Lala inio nea maba?” kikelake,

Matiu 21:26

Ni animeta mata eri kimevou, ‘Maba inio o kative koa pizato,’ kimevou, ta meda ma balauvou se maba madu, ako seta ke tuvevo pueveni nio sole vo Jone ta kala Baṉara vo poropita,” kikelake.

Matiu 21:46

Sole seta kekai zariake tu noqoevo vo, melai seta keta ma ṉake sea matuma vaki, ako sea vaki ta ke tuvevo pueva vo Jisu ta poropita inio sole.

Maka 6:15

Nio kake ta eri kikelake, “Vota Ilaija inio,” kikelake, ni kake ta mata eri kikelake, “Vota kala Poropita inio lulali ala poropita jari ala,” kikelake.

Luke 13:33

Ako mata puju ama taku kale aṉata abeta ziovou talio Jerusalema, pui uri tu kala poropita ta o vouvou edolokoi ako Jerusalema peuru kale inio ke vouvaemakoi muli sole!

Luke 24:19

Nio Jisu ta o kati tiorikake nioqa ni eri kiolake, “Loma quli kio ko ereilama?” kiolake. Nio nioqata qo vati tiorikake vo ni eri kiqolake, “Vo Nazareti ala Jisu kasi ko ereilama quli. Voa maba ta kala poropita ni voko piza kama rukuruku kale ni voko aqasiele ama iruruputo kale ta kasa ko eve ta vota Baṉara o roveani kerukeruevo ni kiadama maba poso melai kevai zoleivani.

Luke 7:16

Ni sea kiadamu ta keta matu ṉake, ni seta ke rauraevake vo Baṉara ni eri kikelake, “Matula poropita ta o purata anime kasi!” kikelake, ni mata “Baṉara ta lula o kueva tu o pakiemo voko maba poso!” kikelake.

Luke 7:39

Ni so keru voa Parese o kea keru koa iruruputo inio vota eri kiolake voko kerukeru kale, “Nea maba ta tuvevo ala poropita tea, vota okai nianiio nio komia reko koko tibaevako vo, ni ota kai nianiio nio koko matu ruqe ama ni sarueko sama saevo koko elo kale!” kiolake.

Jone 1:21

“Kio, sole lala ṉa inio ko ṉo? Ilaija ṉa inio ko ṉo kio?” va kikelake. “Pui, aṉata pui vo lala,” kiolake vo Jone. “Ṉo inio vo ṉe darevani Poropita ṉa kio?” va kikelake. “Pui,” ma kiolake voko ma opato kale.

Jone 1:25

Ni seta ke olake ni ke kuimaevake vo Jone, “Ṉota pui vo Baṉara o soroevani Pakio, ma Ilaija, ma kala Poropita ṉa kiṉola, ta noi sole inio ṉota ṉo bapitaiso puta?” kikelake.

Jone 4:19

“Tanala, vairutu pado inio aṉata a baqumuṉa ta ṉota kala poropita ṉa,” kikolake koa rekoreko.

Jone 6:14

Sai ke evani maba poso ta ke keake koa aqasiele ama iruruputo vo Jisu o erekako, nio eri kikelake, “Matu tuvevo, nei nio voa Poropita vo o kaseini tu o kilo peuru ma peuru kale!” kikelake.

Jone 7:40

Ni kubo maba madu koa matu padopadoilo kale amu ta ke viqake vo kiolani nio seta eri kikelake, “Tuvevo avole nei nio voa Poropita me darevani!” kikelake.

Jone 9:17

So sole se Parese madu ta mata kama kuimaevo ke evake voa maba, “Ṉota so kiṉola vo inio oṉa leqosikala ṉoko vilu kiṉola—uriavo, ṉota noi nio va kiṉola voa maba?” kikelake. Nio vota o mati tiorikake, “Vota kala poropita inio,” kiolake.

Iruruputo 7:37

Ni Mosese inio vo eri kioveni sea Izireli ama maba poso kasi, ‘Baṉara ta o melai soroevou me kala pado Poropita, omadeuvo vota o soroela aṉa jari, ni vota kala pado me ṉaviko qoqono kale ala,’ kioveni.