Matiu 20:8 - BAṈARA KO VAIRU AMA LEVELEVEO

⁸ “Sipole ṉaniu o sulupou kiola keru inio nea vaini kiaro ko tanala ta o bazuevake vovo iruruputo maba ko kuleto ala tu vota o odiemou seke iruruputani tu o tabarimo se. Nio vo o tabarima keru vota o taniekake tabarimo se tova ke taniteni iruruputo kasi azo ti obeta baroake se kuleto ke iruruputeni kasi.

Matiu 20:8 Marejeleo ya Msalaba

Matiu 20:7

Nio seta ke vati tiorikake ni eri kikelake, ‘Puliala o ṉelai zaria tu eṉeta ṉe iruruputo sole,’ kikelake, so sole vota o soroemake tu kepa iruruputo koa vaini kiaro kale.

Matiu 20:9

Ni vota o tabarimake se sike koloko raisiraisi ke taniteni iruruputo, ni o katimake pado ama ṉaniu ko iruruputo ko male ama reketekete.

Matiu 25:19

“Nio rosi ama taku ko tova nia nabulu poso vo tanala ta ota vaitake, ni okai zariake tama lelepiko voko nabulu poso ko kai iruruputo voko takula.

Matiu 25:31

Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.

Luke 10:7

Meta me elou sai koa pade kale ni me quovou ni me nozuekou ko quli seke katimelo ama quli, ako vo iruruputo ko maba ta o tabariovou sole. Melai meta pui pade azo pade me elou.

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

Luke 8:3

ni Joana, Kuza ko reko Herodi vo raura kala nabulu, ni Susana, ni mata kubo rekoreko, se kemai tauvekeni Jisu ni voko disaipeli madu seko lomaloma ni seleni.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Pita 4:10

Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.