Matiu 20:4 - BAṈARA KO VAIRU AMA LEVELEVEO

⁴ Sole vota o soroemake se tu seta kepa iruruputo voko vaini kiaro kale ni vota o tabarimou se koko male ama tabara kale, ni seta keta olake iruruputole.

Matiu 20:4 Marejeleo ya Msalaba

Matiu 20:3

“Nio siakava koloko kale vikale mata nea tanala ta o olake maketi kasi, sai maba poso ke padoivakoi, ni mata o meake kake maba poso se puliama iruruputo samu.

Matiu 20:5

“Nio toni omuqa koloko kale ṉadale ni mata zouke koloko kale raisiraisi nea tanala ta o erekake koa omadeuma kalo, o vailima maba poso tu ke iruruputo voko kiaro kale.

Matiu 9:9

Nio vo Jisu ta o vaekake koa zae ni voko talio kale vota o veake kala maba takisi o koani o ṉi ta Matiu obeta papuake voko iruruputo ko pade kale sai maba kovai olakoi seko takisi tabarikole. Sai nio Jisu ta eri kiolake vokasi, “Luluela aṉa.” Nio Matiu ta o lojoake ni koa ziole o luluevake vo.

1 Koriniti 6:11

Kake mela me ta soa mela lulali. Melai erisaṉa meta lula saqasaqa me evani mela sarueko kale azo, ni meta lula Baṉara ko tabu ama maba poso me evani mela, ni meta lula sidopu me evani mela Baṉara ko kelokelozato kale animevo Lekasa Jisu Karisito mela voukale ni vo animevo Baṉara ko Tabu ama Auvana melai elo kale me. Taka papariomo ruqe ama iruruputo ko pauveko

Kolosi 4:1

Ni me lekasa poso mela, meta sidopu emo ni ijatinia mati vailo emo meko mabaku poso, ako me melai meta kala Lekasa samela aukale sole.

Taitasi 3:8

Kota tuvevo ama bazu ikio. Aṉata aṉa zaria ṉo tu ṉota matu piza kavole ṉomai bazuekou komi quli, tu se kevai keruani vo Baṉara ta ke ereko ko uri ama iruruputo seko dikidauputo kale, koko uria tauvemo ama kiadama maba poso.

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.