Matiu 20:18 - BAṈARA KO VAIRU AMA LEVELEVEO

¹⁸ “Meta didielomo aṉa. Animeta meda kaila inio Jerusalema ni sai nio seta ke vaelou aṉa maba a eveni lala raura kama siama madu ni Mosese ko Bazu kekai nianiiekatani ko ṉase topi, tu seta ke titizilo tu a vou.

Matiu 20:18 Marejeleo ya Msalaba

Matiu 10:4

ni Saimone, vo oka zariovini rupasimo Izireli qoqono Romu ko vailo kale azo, tu ke ṉavi ke lojolou, ni Jiudasi Isikarioti, vo Jisu o saiqorivo ala.

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Matiu 26:2

“Meta lula meqai nianiia ta oqotiṉa inio Alokato ko Ṉojola ko matuma ṉaniu. So keru inio aṉa maba a eveni lala ta ke luavilou se aṉako kana madu kasi, ni ke vouvaelou aṉa korosi topi,” kiolake.

Matiu 26:66

So sole noni ta meko pitoto?” kiolake. Nio seta ke vati tiorikake ni eri kikelake, “Vota maba o vouvou,” kikelake.

Matiu 27:1

Omadeu vikale koko raneo kale se raura kama siama madu ni se Jiu amu ko tanatanamu ta keva nakanakatatake vo Jisu tu ke vouvaevo vo.

Luke 22:71

Nio sea kiadamu ta eri kikelake, “Animeta pui meva zaria mata kala tu vota o melai bazueko koko tuveano! Ako animeta lula meda va viqa vo kiolani sole, ta kuiripato saṉa ota eva o ṉavi vo kai rairizio kale vota Baṉara vo Meqora inio kale!” kikelake.

Iruruputo 2:23

So keru vo o katiziovi keru meko pizato kale vo Baṉara ko vatolo ni korokoroti kale, meta mema luavive vo se kutumana kama maba madu ti seta ke mela vouvaevake vo korosi topi.