Matiu 20:11 - BAṈARA KO VAIRU AMA LEVELEVEO

¹¹ Ni seta ke koake koa takula, ni ke taniekake vai ṉuruṉuruo vo vaini kiaro ko tanala,

Matiu 20:11 Marejeleo ya Msalaba

Matiu 20:10

Nio mata voa tanala ta o tabarimake se toni omuqa koloko ni zouke koloko ni varimuja koloko ke taniteni. Nio se varimuja koloko kale vikale ke taniteni ko kerukeru kale ta seta ke kovou raura kama tabara, melai so keru vo o katima keru koa tabara ta se melai koa omadeuma reketekete ko kiada.

Matiu 20:12

ni eri va kikelake, ‘Koe! Nia maba poso se tova ke iruruputalani ta omadeu aoa ko kiada ikio seko iruruputo. Melai eṉeta komia pado ama ṉaniu vualavuala kama ṉaniu kale ṉe iruruputa melai eṉea kiada ṉela ko tabara ta omadeuvo,’ va kikelake.

Maka 14:5

Ako ṉoqai tatabaraova tea, matu kubo seleni kio ṉoqai kovou nio ṉo qatimou se ozaoza kamu,” kikelake. Ni seta kekai karaṉake.

Luke 15:2

nio se Parese madu ni se Mosese ko Bazu kekai nianiiekatani ta ke taniekake ṉuruṉuruo ni eri kikelake, “Nea maba ta o baroekima se ruqe ama maba madu ni o mati palaita se!” kikelake.

Luke 19:7

Nio kiadama maba poso ke keve keru koa kalo, seta ke taniekake ṉuruṉuruo, ni eri kikelake, “Nea maba ta ota ola ni ota eva vo ruqe ala maba ko pade kale!” kikelake.

Luke 5:30

Nio kake Parese madu ni se Mosese ko Bazu kekai nianiiekatani maba poso ta ke ṉuruṉuruake vo Jisu ko disaipeli poso kasi ni eri kikelake, “Noi sole inio meta me qeazata ni me nozuta nia maba poso se takisi ke koani ni se ruqe amu sase?” kikelake.

Jone 6:41

Nio sai ke lojoani Jiu amu ta ke taniekake vai ṉuruṉuruo vo, ako vota eri kiolake sole, “Aṉa inio voa bereti aukale azo a jaqoreni lala,” kiolake sole.

Jone 6:61

Nio Jisu ta omai nianiiake voko disaipeli madu ta kekai ṉuruṉuruake ko, so sole vota eri ma kiolake se, “Koa aṉako pesio ta ko maba epezimelo me kikola kio?

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

1 Tesalonaika 2:16

Se inio mata sea maba poso seke dokoliṉelo eṉe kikeveni kai bazuto kale me pui Jiu mu mela kasi vo Baṉara ko pakio ko borikako bazu. Koa keve kale inio seta ke ereka matuma boutare ko kobe kai paloasako kiadama seko sarueko poso seke erekako kiada keru. Ni kokale inio vo Baṉara ko matuma korakorailo ta vairutu pado kobe mai baroa.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.