Matiu 18:4 - BAṈARA KO VAIRU AMA LEVELEVEO

⁴ Nio voa maba vo o ṉavi o zarazarailo ala nea silo ala meqora jari, nio raura o elou vo Baṉara ko lekasa puo kale.

Matiu 18:4 Marejeleo ya Msalaba

Matiu 18:1

Koa taku kale se disaipeli madu ta ke olake Jisu kasi ni ke kuimaevake vo, ni eri kikelake, “Lala inio raura kala vo Baṉara ko lekasa puo kale?” kikelake.

Matiu 18:3

ni eri kiolake, “Meta kerukeruekomo komi! Meta pui me besiekou meko saevo tu meqora poso jari me elou ta pui meba amaqeovou vo Baṉara ko lekasa puo kale.

Matiu 18:5

Ni vo o baroekivani kala nea silo ala meqora jari ala voko luluelo aṉa ko kio kale ta o baroekila inio aṉa,” kiolake vo Jisu.

Maka 10:43

Melai meta pui so me qalou me ṉavio kude, ako vo oka zariovo ala raura elo mekasi azo ta kiada mela vo nabulu o elou nio vota raura o elou.

Maka 9:34

Melai seta pui ke vati tiorikake, ako seko talio kale seta kekai zolizoliekiniake sole ke ṉavio kude ko eri, “Lala inio raura kala anime azo?”

Luke 14:11

Ako vo Baṉara ta zara o ivou vo o raurarauraivani, melai vota raura o ivou vo o zarazaraivani sole,” kiolake.

Luke 9:48

ni vota eri kiolake sekasi, “Vo o baroekivani kala nea silo ala meqora jari ala voko luluelo aṉa ko kio kale ta o baroekila inio aṉa. Ni vo o baroekilani aṉa ta o baroekiva vo o soroeleni aṉa. Ako vo o zarazaraivani mea kiada mela azo, vo inio vo raura kala,” kiolake.

Jemisi 4:10

Meta zarazaraimo me ṉavi vo Baṉara ko tanama kale, nio vota o rauraemelou me.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”