Matiu 18:3 - BAṈARA KO VAIRU AMA LEVELEVEO

³ ni eri kiolake, “Meta kerukeruekomo komi! Meta pui me besiekou meko saevo tu meqora poso jari me elou ta pui meba amaqeovou vo Baṉara ko lekasa puo kale.

Matiu 18:3 Marejeleo ya Msalaba

Matiu 13:15

Ako seko kerukeru ta kutumana ni seko taliṉa ta tibutibuli ni seko vilu ta imaimadi sole. Melai seta pui so ke kava tea seko vilu ta ko keazatou ni seko taliṉa ta ko viqaviqazatou ni seko kerukeru ta ko paqumukou ni ke titiziovou ni ke kilou aṉa kasi tu aṉata a urikimou se,’ ka kiovema.

Matiu 18:2

So sole Jisu ta o nokaevake kala silo ala meqora, nio o lojoevake seko tanama kale,

Matiu 18:4

Nio voa maba vo o ṉavi o zarazarailo ala nea silo ala meqora jari, nio raura o elou vo Baṉara ko lekasa puo kale.

Matiu 19:14

Melai Jisu ta eri kiolake sekasi, “Meta pui kaitimo se meqora poso tu ke kilo aṉa kasi, ako se maba poso nia sasa rusu jari ke kalo amu nio ke ṉeamukou vo Baṉara ko lekasa puo kale ama mauruto sole,” kiolake.

Matiu 19:23

Nio Jisu ta eri kiolake voko disaipeli madu kasi, “Aṉata a bazuemela me, matu tapata tu se batiro ama maba poso ta kekai amaqeo vo Baṉara ko lekasa puo.

Matiu 5:18

Tuvevo avole aṉata a bazuemela me, puliama kama supi vo Mosese ko Bazu kale ama quli ta kopa besiziovou, ti kobeta barolou miduku ni au ko paitopaito ni kiadama quli ko ruvuro.

Matiu 5:20

Sole aṉata a bazuemela me, meta erekomo ko quli vo Baṉara oka zariako quli tu kai paloasomo se vo Mosese ko Bazu ko nianiiekato ko maba poso ni se Parese madu ke erekako kalo. Ako pui so tea, meta pui meba malezikou tu kai amaqeo vo Baṉara ko lekasa puo,” ma kiolake.

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:2

“So sole so keru meme buarou keru tu me dauvemou se olaquamu meta pui meqai aikailou ko omadeuvo se kekai lipalipaitani ko sidopu ke kavani jari, meko ilusato ko pade kale ni matu keve tona. Seta so ke kava tu maba poso ta ke melo se tu ke rauraemo. Melai aṉata a bazuemela me, seko reketekete ta puliama Baṉara kasi, ako seta lula ke koa seko reketekete maba kasi sole.

Matiu 6:5

Nio vo Jisu ta obeta olake bazubazuto ni eri kiolake sekasi, “So keru meme vararaitou keru meta pui se kekai lipalipaitani ko sidopu jari me qalou, se keka matu zariani tu vararaito ilusato ko pade kale ni matu keve tona tu kiadama maba poso ta ke melo se. Aṉata a bazuemela me, seta puliama reketekete samu vo Baṉara kasi, ako seta lula ke koa seko reketekete maba poso kasi sole.

Maka 4:12

Sokale avo inio seta ke toiritoirizatou melai pulia quli kepa kelou, ni seta ke viqou melai pui kepa patapataekou. Sokale avo inio seta pui ke vaeka seko ruqeruqe ama kalo ni so inio vo Baṉara ta pui opa tama akoekou seko sarueko.”

Luke 13:24

“Meta matu madoekomo tu kai amaqeomo ko riro ama veutu, koko odiemelo ama me noqola kama saevo kale, ako kubo maba madu ta tuvevo ke madoekou tu amaqeo sai, melai seta pui kepa roveovou.

Luke 22:32

Melai aṉata lula a ṉati vararaitala ṉo, Saimone, tu ṉoko oqu ta pui ko maba epezou. Ni so keru mata ṉo ṉola lilitou keru aṉa, ta ṉota ṉo pizatimou ṉoko visi poso,” kiolake.

Jone 1:51

Nio vota eri kiolake sea kiadamu kasi, “Tuvevo avole aṉata a bazuemela me, mea kiada mela ta me qelou ko au ko veukazio, ni vo Baṉara ko mateana madu ko koilo ni saqoro aṉa maba a eveni lala tona,” kiolake.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Jone 3:5

Nio Jisu ta o vati tiorikake vo, “Tuvevo avole aṉata a bazueṉa ṉo, puliala kala pado maba ta opa roveovou kai amaqeo vo Baṉara ko lekasa puo vo pui nio o alilani ju ni Baṉara vo Auvana kale.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Pita 2:2

Melai meta kai zariomo ko bulebule ama ni tuvevo ama nianiiekato, omadeuvo se molele poso jari se kekai zariani ko susu, ako so inio meta me rapukou meko auvana kale ni me bakiovou.

2 Pita 1:11

Kokale inio meta me qovou matuma baroekato vo Lekasa animevo Pakio Jisu Karisito ko lekasa puo kale. Ni koa lekasa puo ta paito pide ama ko elo ama.