Matiu 18:10 - BAṈARA KO VAIRU AMA LEVELEVEO

¹⁰ Nio vo Jisu ta mata eri kiolake sekasi, “Meta balauvomo ni pui zaraemo nia meqora poso jari amu, ako seta mateana samu sole aṉavo Mama kasi aukale, seke mati vailani.

Matiu 18:10 Marejeleo ya Msalaba

Matiu 1:20

So keru vo soa kerukeru obeta eva keru inio vo Baṉara vo mateana ta eri va kiolake voko uloi kale, “Ṉoela, Josepa, vo Devita ko vikuvikula kalea laṉa, ṉota pui ṉoda ka kaikuapou raeko ko Mere tu ṉoko reko kaqe. Ako vo Tabu ala Auvana ko naizato kale inio epia ko eva sole.

Matiu 12:20

Omadeuvo vota pui opa daukorikou ko lula ko loquloqutako pinapina ni mata pui opa vouvaekou ko joatou kikolako juke, so jari nio vota oluoluavole o imou se lekuleku amu seko tupu ko saevo kale ni seko oqu kale. Ni vota obeta ziovou ti kobeta barolou ko taku tu maba poso ta ke erekou ko sidopu voko vatolo ko lulueko kale.

Matiu 18:14

So pado jari nio mevo aukale ala Mama ta pui oka zaria tu kala nia meqora poso jari amu kale ala ta noqola tolailo o elou heli kale,” kiolake.

Matiu 18:6

Nio Jisu ta obeta olake bazubazuto ni eri kiolake, “Kala maba ta o saruevou kala nea meqora jari ala, vo o tuvevo puelani aṉa, ni ota va epezikou voko lai oqu aṉa, ta voa maba o saruevani vo ta ko male tu tava titieko ko matu lado o qonaqona topi ni duluevo vo kolo kale.

Matiu 2:13

Lula se keta vaita saita inio kala pado vo Baṉara vo mateana ta o puratake Josepa kasi voko uloi kale ni eri kiolake, “Vo Herodi ta mainio opa vailivou voa meqora tu o vouvaevou vo. So sole toirate tu vati soqoi voa meqora ni voko niania Ijipi peuru kale, nio sai mebeta elou saita, ti kobeta barou so keru aṉa vaitomo mela kiavou keru koi Izireli.”

Matiu 2:19

Ni vo Herodi ko vou ko tova inio kala pado vo Baṉara vo mateana ta ova puratake vo Josepa voko uloi kale, so keru vo obeta loiva keru Ijipi peuru kale.

Matiu 24:31

Ni kala mateana ta o matu puzekou ko kuvili, ni aṉata a joroemou aṉako mateana madu komia peuru ma peuru kale, ni seta ke padoemou aṉako pitopito ama maba poso kiadama zaekale azo.”

Luke 1:19

Nio vo mateana ta o vati tiorikake vo, ni eri kiolake vokasi, “Aṉata Qebireli lala. Aṉata a lojoani lala vo Baṉara ko tanama kale, vo o soroelani lala tu aqai pesio ni a qaseko komia uri ama bazu ṉokasi.

Luke 10:16

Nio Jisu ta mata eri kiolake voko disaipeli poso kasi, “Vo o didiemelo ala me, ta o didiela aṉa, ni vo o melai kideipo ala me ta olai kideipa aṉa, ni vo olai kideipo ala aṉa ta ovai kideipa vo o soroeleni aṉa,” kiolake.

Luke 16:22

“Ni voa ozaoza kala maba ta ota vouvake ni se mateana madu ta ke borivake vo ni kepa papuevake Ebarahami ko papara aukale ama ṉojola kale. Ni vo batiro ala maba ta mata ota vouvake ni ke mutavake,

Iruruputo 10:3

Ni sebiviuru zouke koloko tinia keru inio vota o vararaitake ni o erekake kama pado kelokelozato, ko vo uria velo ovai evema vo Baṉara vo mateana vo vai amaqeo, nio voa mateana ta eri kiolake vokasi, “Koniliasi!” kiolake.

Iruruputo 12:15

Nio seta eri kikelake, “Ṉota ṉoda sarube puta inio!” ka kikelake. Melai kota komai bazuekake ta kota maba tuvevo ikio kikolake. So sole seta ke kati tiorikake ko ni eri kikelake, “Koe kota vovo mateana inio!” kikelake.

Iruruputo 12:23

Nio maba koa taku kale inio vo Baṉara vo mateana ta o pazovake ni o verepivake vo Herodi, ako vota ota va epoepoivake vo Baṉara ko ilusato sole. So sole vota loiloi ko vuake ni ota vouvake.

Iruruputo 27:23

Ako raisi ipu kale ta kala pado vo Baṉara vo mateana ta o kuela ana kasi. Aṉata voa Baṉara vo nabulu lala ni a ilusivani lala vo.

Iruruputo 5:19

Melai koa ipu kale inio kala pado vo Baṉara vo mateana ta opa veukake koa pirito pade ko tibulu poso, ni o saqorimake se apositolo madu, ni eri kiolake sekasi,

Romu 14:10

So sole ṉo, ṉo pui ṉo quani ṉa ko marabau, ta noi sole inio ṉota kuiripato saṉa ṉo iva ṉovo visi? Ni ṉo, ṉo utu kuani ṉa kiadama sailao poso, noi sole inio ṉota ṉovai kedua ṉovo visi? Ako animea kiada mela ta me lojou vo Baṉara ko kuleto voko titizato kale sole.

Romu 14:21

Melai ṉoko kuo ko marabau, ni ṉoko nozueko ko vaini ko ju, ni ṉoko ereko kama quli ta ko pivou ṉovo visi, ta koroto ama quli ta pui ṉo quovou ni pui ṉo nozuekou ni pui ṉo erekou ko quli.

Romu 15:1

Anime lula pizaka mela oqu kale ta me dauvemo se lekuleku amu seko niuniala kale. Animeta pui me zoleilo me ṉavi pala.

1 Koriniti 11:22

Noi nio? Meta puliama me ṉaviko zae samela inio sai me vuatakoi ni me nozutakoi, kio? Ta so inio meta maba pui me mati koidipa vo Baṉara ko qoqono ni me quratima se olaquama maba poso, kio? Noni kiavou aṉako melati kaseko kale komi quli? Abe rauraemeloa lala inio ko me, kio? Komia meko kalo kale ta maba pui aba rauraemelou me!

1 Koriniti 16:11

So sole puliala ta o zaraevou vo, melai meta tauvevomo vo tu vota puliama tapata kale o taliekiko voko talio nio vota o roveovou vaito aṉa kasi, ako aṉata abe tareka voko vaito kake animeko lotu tamania kale amu sase sole.

1 Koriniti 9:22

Se lekuleku ama kerukeru samu kasi a eva keru ta aṉa melai se jaria lekuleku a eva, tu se jaria lulueko kama tabu kale aṉata a lilimo se. So sole aṉata a mati ijatinia puekinia kiadama maba poso kiadama quli kale, tu kiadama keve kale aṉata a lilimou kake.

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

2 Koriniti 10:10

Ako kake ta eri kikelani, “Paula ko riki poso ta vualavuala kama ni piza kama, melai so keru vo koi eṉe kasi o eva keru, ta lekuleku ala voko tupu kale, ni voko bazubazuto melai pulia quli jari!”

Qelesia 6:1

A qaka ni visi poso, esa kala me azo ta mevai potou o erekou keru ko saruilo, ta vo Tabu ala Auvana kale me odiziani mela inio me ziovou nio meba tauvevou sidopu puevo. Melai meta me jidopu puevou vo zarazarailo sama keve kale, ni me balauvou, ako me ṉavi melai me ereko kale sole soama saruilo.

1 Tesalonaika 4:8

So sole voa maba vo okai keduvo ala komia nianiiekato, ta pui ovai kedua kala maba, melai vo Baṉara inio ovai kedua, vo o katimelani me voko Tabu ama Auvana.

1 Timoti 4:12

Ṉota pui zarievo kala tu vota o zaraeṉo ṉo ṉoko vairu beta elo kale avo, melai ṉota kala kevepito eve seke tuvevo putani kasi, ṉoko pesio kale, ni ṉoko kalo kale, ni ṉoko roquano kale, ni oqu, ni ṉoko bulebule ama saevo kale.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

Hiburu 9:24

Karisito ta lula o amaqeovi aukale ni vota o lojoa erisaṉa vo Baṉara ko kuleto tu o tauvemelo anime. Vota pui opa amaqeovi maba ko erekako tabu ama tepe pade kale koko mela mamola puekako pala anime koa zae sai vo Baṉara o evakoi.

Kelokelozato 8:2

Nio aṉata a meake sea sikeura mateana madu ke lojoani vo Baṉara ko kuleto, se o katimeni sikeura kuvili.