Matiu 16:21 - BAṈARA KO VAIRU AMA LEVELEVEO

²¹ Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Matiu 16:21 Marejeleo ya Msalaba

Matiu 12:40

Vo Jona ta o eve zouke ṉaniu zouke ipu matuma niuniu ko siapa kale, ni so jari inio aṉa maba a eveni lala ta zouke ṉaniu zouke ipu a elou se voumu ko zaekale.

Matiu 16:22

Nio vo Pita ta o vati edoliake vo Jisu ni eria riqaevo o evake, “Lekasa, Baṉara ta pui opa zariekou komi quli tu ko ereilo ṉokasi!” kiolake.

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Matiu 17:12

Melai aṉata eri kiala mekasi, vo Ilaija ta lula ota kuevi melai maba poso ta pui kepa nianiieve, melai ke vati lulueke ke ṉaviko vatolo. Nio so jari pado inio ke ilou aṉa maba a eveni lala,” kiolake vo Jisu.

Matiu 17:9

Nio seke saqora keru sopu kale azo, nio Jisu ta o bazuemake sea zouke disaipeli madu ni eri kiolake sekasi, “Mata puliala mevai bazuekou koa kelokelozato meme qeako ti kobeta barolou aṉa maba a eveni lala ko mata saevo voukale azo.”

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 26:2

“Meta lula meqai nianiia ta oqotiṉa inio Alokato ko Ṉojola ko matuma ṉaniu. So keru inio aṉa maba a eveni lala ta ke luavilou se aṉako kana madu kasi, ni ke vouvaelou aṉa korosi topi,” kiolake.

Matiu 26:47

Ni so keru Jisu obeta pesipesita keru nio Jiudasi, kala sea toni omuqa disaipeli madu kale ala, ta o baroake. Ni vo ke luluevani ta matu kubo vaki ke borikake ko benisi ni kubau, se raura kama siama madu ni se lotu tanatanamu ko soropato kale.

Matiu 27:12

Melai so keru se raura kama siama madu ni se Jiu amu ko tanatanamu kevai kuirike keru, vota puliama voko opato.

Matiu 27:63

ni eri kikelake, “Lekasa, eṉeta ṉebe kerukerueko nea lipalipa kala maba kiovevo vo saevola keru, ako eri nio kiovevo sole, ‘Aṉata mata a jaevou zouke ala ṉaniu kale,’ kiovevo sole,” kikelake.

Matiu 28:6

Melai vota puliala koi, ako vota lula ota saevala sole, omadeuvo o ṉavi lula melati kiovevo jari. Tu kueko ni pa keko voko tupu ko tekulakoi.

Maka 8:31

Ni vo Jisu ta o taniekake nianiiekimo voko disaipeli madu, ni eri kiolake, “Aṉa maba a eveni lala ta ke tolaelou ni kelai keduvou se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio mata a jaevou,” kiolake.

Maka 9:12

Nio Jisu ta eri kiolake sekasi, ‘Tuvevo Ilaija inio o kilou kuleto tu o korokorotikou kiadama quli. Melai noi sole inio ko Tabu ama Riki ta eri kikola, aṉa maba a eveni lala ta a dolailou ni kelai kaikuapou se maba madu?

Luke 17:25

Melai kuleto aṉata olaquavo aqai elou kubo quli, ni komia taku kale ama maba poso ta kelai kaikuapou ni kelai masapou.

Luke 24:46

ni vota eri kiolake sekasi, “Kota lula ko rikiziovi ko eri, vo Baṉara o soroevani Pakio ta o tolailou ni o vouvailou ni zouke ama ṉaniu kale vota mata o tova saevou voukale azo,

Luke 9:31

Ni nioqata qo podakake vokasi matuma ṉaṉaidara sate, ni nioqata qo vati pesipesitake vo Jisu vo o iko avo korotiko vo Baṉara ko vatolo voko voukale sai Jerusalema.